Aliantza operatiboen diseinua Aditu Diploma (Online)

Helburuak

Aliantza Operatiboen Diseinuko Aditu Ikastaroaren helburua da, parte hartzaileei sistematika bat ematea, partner estrategikoekin lankidetza esperientziak diseinatzeko, proiektu espezifiko baten testuinguruan, edota negozio-aukeraren esplorazioan. Halaber, programa honek, parte hartzen duten erakundeen aliantzen diagnostiko-prozesu bat eskaintzen du.

Programak metodologia espezifiko bat eskaintzen du, lankidetza-harremanen arrakasta baldintzatzen duten alderdi guztien kudeaketa egokia bermatzen duena, eta horrez gain, ziurtapen-prozesu bat eskaintzen du, parte-hartzaileei mota horretako prozesuen buru izateko gaitasuna ematen diena.

Ikastaroa, batetik, kudeaketa-prozesuan oinarritzen da, eta bestetik, inpaktuzko hazkundea izango duten lankidetza-harremanak egituratzeko trebetasunen eta gaitasunen garapenean; hau da: erakundeen estrategiaren hedapena, iraunkortasun ekonomiko-finantzarioaren bermea eta ikaskuntza bultzatzeko gai diren aliantzak.

Nori zuzendua

Erakundearen lankidetza-harremanak kudeatzeaz arduratzen diren profesionalak (Negozioaren Garapeneko Zuzendaritza, Berrikuntza Zuzendaritza).

Enpresa-elkarteetako, klusterretako eta lankidetza dinamizatzen duten taldeetako profesionalak.

Programa

Programa, The Smart Alliancek diseinatutako metodologiaren arabera egituratuta dago. Beraz, landu beharreko blokeak jarraian aipatuko direnak dira.

• Orientazio estrategikoa: erakundearen helburu estrategikoetatik abiatuta, hau hedatzeko behar diren baliabideak eta gaitasunak aztertuko dira. Ondoren, baliabide eta gaitasun horiek eskuratzeko estrategia hautatuko da: internalizatzea, azpikontratatzea edota kolaboratzea.
• Enfokatzea: enpresaren hausnarketa estrategikotik abiatuta, lankidetzan jorratuko den negozio-aukera mugatzen hasten da, hau da, lankidetza-proiektua (zer?). Era berean, enpresaren harreman-sarea aztertzen da, sinergiak sortzeko eta hautemandako aukerari erantzuteko, aliatu potentzialak zehaztuz (norekin?). Horri guztiari esker, lankidetza, aukerarik onena dela ikusi ahalko da.
• Sortzea: aliantza mota konfiguratzen den fasea da, aliatuen panelaren behin betiko bertsioa definituz, negozio-aukera jakin bati erantzuteko. Mugarri nagusia aliantza sortzea da, eta beraz, negoziazioak garrantzi handia du. Horregatik, negoziazioaren prestaketa lantzen da (lankidetza-esparruaren alderdi orokorretatik bideragarritasun-planeraino).
• Kudeaketa: proiektuaren abiaraztea eta garapena bera biltzen ditu. Fase honetan, aliantzaren errendimendua egokia dela bermatu nahi da, eta horretarako, garrantzi handikoa da Aliantza Adimendunaren esanahia berreskuratzea: estrategiaren fokua, efizientzia, ikaskuntza.
• Eboluzionatzea: bloke honetan monitorizazio-sistemaren definizioarekin lan egiten da; aliantzaren monitorizazioa. Sistema horrek hiru egoera posible sortzen ditu: doikuntza operatiboak, aldaketa estrategikoak eta amaiera.

Aliantzen arloko ikaskuntza esperientzia guztiek gaitasun-ziurtagiriaren maila bat eskuratzeko aukera ematen diete parte-hartzaileei. Ziurtagiri horiek eskuratzeko, maila bakoitzarekin lotutako prestakuntzak gainditu beharko dira, edota lanbide esperientzia egiaztatu beharko da. 

Jarraian, eskuragarri dauden maila guztiak ikus daitezke:

Programa honekin, 1.1 egiaztatze maila lortuko da.

Metodologia

Programa honek, aukera ematen du erakundearen behar bat erronka profesional bihurtzeko. Parte-hartzaile bakoitzak gaur egungo lankidetza-esperientzia bat, potentziala edo jada amaitua, aukeratu ahal izango du, eta esperientzia horretatik, The Smart Alliance-ren metodologia aplikatuko dugu, inpaktu handiko lankidetza-harremanak diseinatzeko. Prozesu horretatik abiatuta, parte-hartzaileak lankidetza-agertoki espezifikoa, eta formalizazio-mekanismo bat izango ditu, bai eta bere bizi-zikloan monitorizatzeko sistematika bat ere. Prozesu honetan, aliantza estrategikoetan aditua den pertsona batek lagunduko dio, eta intereseko sare harremanak partekatuko ditu partehartzailearekin.

Ekintza planak, hurrengo elementuak izango ditu:

• Elkarlaneko eskema baten arabera landu nahi den aukera edo proiektuaren fokua eta orientazio estrategikoa definitzea eta mugatzea.
• Lankidetza-ibilbidea eta aliantzak formalizatzeko mekanismoa.
• Prozesuen alternatibak, proiektuaren etapak ikuspegi tekniko batetik garatzeko.
• Aliantza monitorizatzeko eta kontrolatzeko sistema, lankidetzaren ikuspegi dinamiko batetik.

Kolaboratzaileak/ babesleak

Programa hau, The Smart Alliance programaren prestakuntza-eskaintzaren barruan dago:

• Oso talde espezializatua, eskala globalean, ekosistemaren ikuspegitik pertsonak eta ezagutzak biltzeko gaitasuna duena.
• Enpresa bezeroetan gaitasunak sortzeko bokazioa duen talde bat, beren estrategiak aliantzen bidez hedatzeko.

Informazio gehiago

HARREMANETARAKO KONTAKTUAK:

Nekane Morales – nmorales@mondragon.edu

David Carnicer – david@consortia.es

Mireia Igarzabal -  migarzabal@mondragon.edu // Telefonoa: 943 71 80 09 - 671 44 01 44

Masterreko albisteak eta ekitaldiak

Gure webgunea: The Smart Alliance

Gure Linkedin-eko profila: The Smart Alliance