ECTS/orduak
60 ECTS
Egutegia
Hizkuntza
Gaztelania
Modalitatea
Online
Prezioa
4.400 €
Informazio saioak
Ezagutu ikastaro hau hobeto
Online 2024/05/14 17:30-18:30
Online 2024/06/11 17:30-18:30
Aurkezpena
Ingurune ekonomiko global, biziki lehiakor eta dinamika aldakorreko batean, erakundeek gero eta gehiago eskatzen dituzte erabaki informatuak hartzeko gai diren profesionalak, eta ez hainbeste intuizioetan. Sortutako datuen bolumena gero eta handiagoa da eta horregatik datuen azterketak, abantaila lehiakorra izatea ahalbidetuko digu.
Business Analytics-eko Etengabeko Prestakuntzako Masterra programa berritzailea da Espainiako unibertsitate eszenatokian, eta espezializazio-izaera dauka. Programa integratzailea eta diziplinartekoa da, eta ikasleei ezinbesteko tresnak eskaintzen dizkie negozioen ikuspegi garrantzitsuak ateratzeko eta antolakuntza-arlo ezberdinetan aplikatutako analisi-ereduak erabiltzeko, hala nola marketina, finantzak, eragiketak eta pertsonen kudeaketa, besteak beste.
Master honek prestakuntza espezializatua eskaintzen du. Bertan, enpresa-analitika aplikatzen da, eta arrazoibide kualitatiboa tresna kuantitatiboekin lotzen da funtsezko enpresa-problematikak identifikatzeko. Galdera garrantzitsuak sorrarazten dituen master honek, datuen analitika erabiliko du, soluzio eta ekintza zehatzak proposatzeko.
Business Analytics Masterrak datuen analisi aurreratuak aplikatzen ditu negozio-arlo desberdinetan, hala nola marketinean, finantzetan, pertsonen kudeaketan edo eragiketetan.
Azpimarratzen dugu:
Datuen analisiaren aplikazioa negozio arazoetan
%100 online formatua
Saio asinkronoak zure erritmoan ikas dezazun
Enpresako gobernuaren eta datuen kudeaketaren erronkari erantzuten dio
Datuen analisia programazioarekin edo programaziorik gabe. Zure esku!
Zure amaierako proiektua profesionalen laguntzarekin
KONTAKTURAKO
Helburuak
Titulu honen helburu orokorra da adimen analitikoa negozio-esparru desberdinetan eraginkortasunez aplikatzeko beharrezkoak diren gaitasunak eta trebetasunak ematea, horretarako eskura dauden datuak aztertzeko teknika desberdinak erabiliz.
Business Analytics masterrak aukera emango dizu honetarako:
- Datuen zientziari aplikatutako trebetasun estatistikoak eta matematikoak garatzeko eta horiek negozio-arazoetan aplikatzeko.
- Datuen bizi-zikloa aztertzeko beharrezkoak diren trebetasunak garatzeko. Hau da, datuak ateratzeko, manipulatzeko eta aztertzeko gaitasunak.
- Analitika aurreratuaren metodo egokienak (Estatistika, Ekonometria, Machine learning, etab.) zentzuz ebaluatzeko eta hautatzeko gai izateko, enpresa-esparruko problematika desberdinak konpondu ahal izateko.
- Datuen irudikapen grafiko eraginkorra eta egokia egiteko gai izateko, business intelligence-ko tresna ugari erabiliz.
- Negozio-esparru guztiak sakon ezagutzeko ikuspegi analitikotik.
- Datu-analitika aplikatzeko eta integratzeko gai izatea negozio-arazoen ebazpenean, hala nola finantzetan, marketinean, pertsonen kudeaketan, etab.
- Negozioen kudeaketari buruzko estrategiak sakon ezagutzeko, negozio-prozesuak optimizatzeko eta negozio-aukera berriak identifikatzeko.
- Datuaren gobernu-esparrua eta honen oinarri diren ardatzak sakonki ezagutzeko, baita rol eta erantzukizun desberdinak ere, egituratu ahal izateko.
- Datuen kudeaketan ondorio etiko eta legalak sakonki ezagutzeko.
Nori zuzendua
Business Analytics Masterra kudeaketa-esparruetan beren jarduera egiten duten eta kudeaketaren arloan datuen analisia nola aplikatu daitekeen prozesuak optimizatzeko edota negozio-aukera berriak identifikatzeko jakin nahi duten guztiei zuzenduta dago.
Zehazki, hauei zuzenduta dago masterra:
- Gutxienez 3 urteko esperientzia duten profesionalak, beren jarduerak kudeaketa esparruetan garatzen dituztenak eta datuen analisia kudeaketaren arloan nola aplika daitekeen jakin nahi dutenak, negozio prozesuak optimizatzeko edota negozio aukera berriak identifikatzeko.
- Oro har, datuen analisia kudeaketaren esparruan nola aplika daitekeen jakin nahi duten profesionalak, negozio prozesuak optimizatzeko edota negozio aukera berriak identifikatzeko.
Programa
1. moduluan, ikasleek hautazko lau irakasgaietako bat gutxienez egingo dute, bere sarrera profilaren eta interesen arabera.
2. moduluan, sarrera profilaren arabera, ikasleak M21 irakasgaia burutu beharko du. Modulu honetan, ikasleek modulu honetako beste bi hautazko irakasgaietako bat (M23 edo M25) gutxienez aukeratu ahal izango dute.
Gainera, 4. moduluaren barruan, ikasleek proposatutako hautazko bost irakasgaietatik bat aukeratu beharko dute gutxienez.
Metodologia
Programaren garapenean, parte-hartze prozesu batean oinarritutako irakaskuntza aktiboa erabiliko da irizpide orokor gisa, parte-hartzaileek edukiak eta jarduerak ahalik eta gehien erabiltzea bermatzen duten jarraipen eta kontrol akademiko eta teknikoarekin. Irakaskuntza-ikaskuntza prozesua ondorengo kontzeptu metodologikoetan oinarrituko da:
- Planteamenduaren eta kontzeptu teorikoen aurkezpena.
- Lan taldeen bidez edota bakarka, kasu praktikoak eta ariketak egitea.
- Laborategiko praktikak.
- Benetako erabilera kasuen aurkezpena.
- Benetako proiektua gauzatzea enpresan.
%100 sareko programa denez, ikasleek beren ikaskuntza-erritmoa eta zalantzak konpontzeko espazio komuna izan ahal izango dute.
Masterreko modulu bakoitzak negozioari aplikatutako datuen analisi aurreratuaren arlo desberdinak jorratuko ditu pixkanaka, ikuspegi osoa lortu arte. Irakasgai bakoitzak tutore bat izango du, eta parte-hartzaileen parte-hartzea bideratu, gidatu eta bultzatuko du azterketari eskainitako datetan zehar. Tutorea, gai bakoitzaren edukien arduraduna da, parte-hartzaileen zalantzak ebatziko ditu eta azken ebaluazioa egingo du. Irakasgai bakoitzak ebaluazio sistema ezberdin bat izango du ebaluazio-jarduera multzo batekin.
Master Amaierako Lanak ikaskuntza katalizatuko du, emaitzak lortzera eta ikaslearen espezializazio handiagoa lortzera bideratuz. Lan hori Masterreko irakasle batek zuzenduko du eta epailearen aurrean aurkeztu eta defendatu beharko da.
Irakasleak
Irantzu Calvo
Datuak eta berrikuntza
Irakasle titularra / Programako koordinatzailea
Belén Muñiz
Datuak eta berrikuntza
Irakasle titularra
Sara Segura
Datuak eta berrikuntza
Irakasle titularra
Aitor Bediaga
Datuak eta berrikuntza
Irakasle titularra
Ander Juárez
Datuak eta berrikuntza
Irakasle titularra
Matrikula
BALDINTZAK ETA SARRERA PROZESUA:
Masterrean onartua izateko prozesuak hiru fase ditu, ikasturtea hasi aurreko hilabeteetan egingo direnak (izen-ematea -> onarpena -> matrikula):
Izena ematea:
- Aurreinskripzioa web orri honetatik egiten da (esteka).
- E-mail bat bidaliko dizugu izena emateko eta NAN/AIZ igotzeko estekarekin
- NAN/AIZ balioztatuko dugu eta beharrezko dokumentazioa igo ahal izango duzu: CV eta unibertsitateko tituluak.
Izena emateko epea zabalik egongo da plazak bete arte.
Onarpena:
Jasotako dokumentazioa baloratuko dugu eta inskripzioa ebatziko dugu
Matrikula:
Behin onartuta, matrikula on-line egiten da unibertsitateak emandako estekatik. Matrikula masterraren lehenengo kuota ordaintzearekin batera formalizatuko da.
Koordinazioa
Irantzu Calvo
Fisikan Lizentziatua
Doktoretza: Astrofísica, Wave coupling in the solar atmosphere from sub-photosphere to the corona, Universidad de la Laguna, 2015
Jasoko den titulazioa
Master amaierako lana ebaluatzeko eta entregatzeko baldintzak bete dituzten parte-hartzaileek Mondragon Unibertsitateko Business Analytics-eko etengabeko prestakuntzako masterraren titulua lortuko dute.
Tokiak
Gehienezko plaza kopurua 30 lagunekoa da, prestakuntza honek eskatzen duen arreta pertsonalizatua eskaini ahal izateko.
Irteerako profila
Programa honen irteera profesionalak honako hauek izango dira: Datu-analista, edo Negozio-analista erakunde baten esparru desberdinetan (marketina, finantzak, etab.).