Jardunaldia - Hezkuntza baliabideak adimen artifizialaren aroan: inklusioa, ekitatea eta sarbidea

Hezkuntza baliabideak adimen artifizialaren aroan: inklusioa, ekitatea eta sarbideari buruzko jardunaldia. 2025

ANTOLAKETA

Mondragon Unibertsitatea
IFE Europe

DATA

2025eko azaroaren 25a, asteartea
09:30 - 13:30

TOKIA

Bilbao AS Fabrik

Aurkezpena

Jardunaldiaren helburua, batetik, Euskal Herriko hezkuntza-komunitateko pertsona gailenak biltzea da, eta AAren aroan hezkuntza-baliabideak sortzeak eta erabiltzeak dituen erronken inguruan eztabaidatzea. Bestetik, etorkizunean elkarlanean jarduteko lan-ildoak proposatzea, gure lurraldeko eragileen parte-hartzea sustatuz.

Ekitaldi hau IberoAmerican GOGN Hub proiektuaren egikaritzearen hasierako lanaren barruan kokatzen da. Proiektua IFE Europe institutuak koordinatzen du, eta hezkuntzaren alorrean hezkuntza-baliabide irekiak sortzen diharduten doktoretza-ikertzaileen sare bat osatzea du helburu.

Parte-hartzaileak

Tel Amiel

Hezkuntza irekiaren defendatzaile eta akademikoa da, eta gaur egun irakasle atxikia da Brasiliako Unibertsitateko Hezkuntza Fakultatean. Urruneko Hezkuntzaren UNESCO Katedraren titularra da, eta sarbide irekiko Linhas Críticas aldizkariko editore-burua. Lehenago, UNICAMP Campinaseko Unibertsitateko NIED Hezkuntzaren alorreko Teknologia Berrien Diziplinarteko Zentroko ikertzaile eta koordinatzailea izan zen, eta Hezkuntza Irekiaren UNESCO Katedra ere zuzendu zuen unibertsitate horretan 2014 eta 2018 artean. Trebakuntza akademikoari dagokionez, Georgiako Unibertsitateko doktoretza bat du eta Virginia Tech Unibertsitateko hainbat titulu. Amiel irakasle bisitaria ere izan da beste zenbait unibertsitatetan, esaterako Stanford Unibertsitatean, Wollongongeko Unibertsitatean eta Utahko Estatu Unibertsitatean.

Javiera Atenas

Erresuma Batuko Suffolkeko Unibertsitateko Giza eta Gizarte Zientzien Fakultateko irakasle titularra da. Praktika akademikoen graduondokoa zuzentzen du, eta gizarte-zientzialarientzako datuen azterketa eta bistaratzeko klaseak ematen ditu. Hauek dira haren ikerketa-lerroak: datuen alorreko alfabetatze kritikoaren garapena hezkuntza irekiaren, datu irekien eta zientziaren alorreko politiken garapenean diharduten akademikoen eta sostengu-erakundeen artean, eta esparru horietako gaitasunen sorkuntza. Goi-mailako irakaskuntzan lan egin du Europan, Latinoamerikan eta Ekialde Ertainean, hezkuntzaren, zientziaren eta datuen irekitasunaren alorreko aholkulari politiko, ikertzaile eta irakasle moduan. OER UNESCO koalizioko kide da.

Colin de la Higuera

Informatikako irakasle eta ikertzailea da Nantes Unibertsitatean eta Nantesko Zientzia Digitalen Laborategian (LS2N). UNESCO RELIA (Hezkuntza Baliabide Irekiak eta Adimen Artifiziala) katedraren titularra da. Haren ikerketa-jarduera ikaskuntza automatikoaren inguruan ardazten da. Adimen Artifizialaren esparru horretan, mundu osoko ikertzaileekin jarduten du elkarlanean. Nazioartean ezaguna da bere ikuspegiagatik eta hezkuntza irekiaren alorrean mentore gisa egin duen lan inspiratzaileagatik, besteak beste gai hauek adimen artifizialarenekin lotzeagatik. UNOE Hezkuntza Irekiaren Unitwin Sarearen sorkuntza zuzendu zuen, zeinak 14 herrialdetako 16 erakunde biltzen dituen.

Francisco Iniesto

UNEDeko ikertzailea hezkuntza irekian, bereziki MOOC ikastaroen irisgarritasunaren eta hezkuntza-teknologiaren bidez. Ikertzaile elkartu gisa lan egin du Open University unibertsitateko Hezkuntza Teknologiaren Institutuan.

António Moreira Teixeira

Irakaslea da 1991tik Universidade Aberta (UAb) edo Portugalgo Unibertsitate Irekian, non Hezkuntzako eta Urruneko Irakaskuntzako Departamentua zuzentzen duen, eta ikertzailea da Lisboako Unibertsitatean. Ibstpi-ko zuzendaria ere bada (Trebakuntzarako, Errendimendurako eta Heziketarako Arauen Nazioarteko Batzordea). Filosofia ikasi zuen Lisboako Unibertsitatean (2003an lortu zuen doktoretza) eta sareko hezkuntza, berriz, Turkuko Unibertsitatean (2004). Urruneko Hezkuntzako berrikuntzako errektoreordea izan zen UAb unibertsitatean (2006-09), baita EDEN sareko lehendakaria ere (Urruneko Hezkuntzako eta Ikaskuntza Elektronikoko Europako Sarea) (2013-16). Portugalgo Unibertsitateetako Errektoreen Kontseiluko batzorde espezializatu hauetako partaide izan da: Ikerketa Zientifikoa eta Ezagutzen Transferentzia, eta Ebaluazioa, Kalitatea eta Berrikuntza. Gaur egun, Massey Unibertsitateko Hezkuntzaren Etorkizunerako eta Urruneko Ikaskuntzarako Aliantzaren Nazioarteko Aholku Batzordeko partaidea da. Haren ikerketa-lerroen artean daude hezkuntza-baliabide eta -praktika irekiak, MOOCak, ikaskuntza iraunkorra, mugikortasun birtuala eta garapen jasangarria.

Virginia Rodés

Hezkuntzako Ekitate eta Berrikuntzako doktoretza lortu zuen Santiago de Compostelako Unibertsitatean. Hezkuntza Baliabide Irekiak erabiltzeko eredu dekolonial latinoamerikar kritiko baten garapena da haren ikerketa-lerro nagusia. Research Professor gisa dihardu Lifelong Learning irakaskuntzan Europako Hezkuntzaren Etorkizunerako Institutuan (IFE Europe), Bilbon, Espainian. Hezkuntza-kalitatearen, ekitatearen eta ikaskuntza jarraituaren inguruan ardaztutako nazioarteko hiru proiekturen arduraduna da. Ekimen hauek harremanetan eta elkarlanean jartzen dituzte Europa eta Latinoamerika osoko akademiako, gobernu-mailako eta gizarte zibileko eragileak.

Batzorde antolatzailea

Iñaki Larrea (Mondragon Unibertsitatea).
Amaia Arroyo (Mondragon Unibertsitatea).
Diego Caro (IFE).
Virginia Rodes (IFE).

Egitaraua

Ordutegia	Jarduera	Parte-hartzaileak
09:30-10:00	Irekiera ofiziala	Aurkezleak: - Iñaki Larrea (Mondragon Unibertsitatea) - Virginia Rodés (IFE Europe) - Aitor Uriondo (Ikaskuntzaren eta Hezkuntza Berrikuntzaren Zuzendaritza) Moderatzailea: Miguel Ángel Montoya (IFE Europe)
10:00-10:45	Hitzaldi magistrala Inteligencia Artificial y los futuros de la educación	Tel Amiel (Brasiliako Unibertsitatea)
10:45-11:30	Panela: Desafíos y prácticas en la creación de recursos educativos en la era de la IA	Ponenteak: - Cristina Etxeandia Azpiazu (Digitalizazio eta berrikuntza teknopedagogikoko koordinatzailea – Berritzegune Nagusia) - Iñaki Murua (Helduen Alfabetatze eta Berreuskalduntzerako Erakundea) - Amaia Torrealday (Mondragon Unibertsitatea) - Galder González (Euskal Wikilarien Elkartea) Moderatzailea: Amaia Arroyo (Mondragon Unibertsitatea)
11:30- 11:45	Kafea
11:45- 12:30	Panela: Hacia un marco de integración responsable de la Inteligencia Artificial y los Recursos Educativos Abiertos (REA)	Ponenteak: - Javiera Atenas (Suffolk-eko Unibertsitatea) - António Moreira Teixeira (Aberta Unibertsitatea) - Tel Amiel (Brasiliako Unibertsitatea) - Colin de la Higuera (Nanteseko Unibertsitatea) - Francisco Iniesto (Universidad Nacional de Educación a Distancia) - Virginia Rodés (IFE Europe)
12:30- 13:15	Lantegi praktikoa: Co-creando el futuro de la Inteligencia Artificial responsable desde la educación abierta	Moderatzaileak: - Javiera Atenas (Suffolk-eko Unibertsitatea) - Colin de la Higuera (Nanteseko Unibertsitatea)
13:15- 13:30	Itxiera	- Iñaki Larrea (Mondragon Unibertsitatea) - Miguel Ángel Montoya (IFE Europe)

Izen-ematea

Eman izena jardunaldian!