Berriak

Bizkaiko enpresek pertsonen kudeaketan eta talentuan duten heldutasuna ebaluatu ahal izango dute

MIKen, autodiagnostikorako irtenbide digital bat garatu dugu Gaia eta Bizkaia Talentekin batera, eta aukera ematen die erakundeei eremu horretan dituzten indarguneak eta hobekuntza-arloak identifikatzeko, Bizkaia with the Talent (BwT) ekimenaren esparruan, Bizkaian talentua erakartzeko eta leialtzeko STEM lurralde-estrategiaren zati gisa.

---

MIKen, autodiagnostikorako irtenbide digital bat garatu dugu Gaia eta Bizkaia Talentekin batera, eta aukera ematen die erakundeei eremu horretan dituzten indarguneak eta hobekuntza-arloak identifikatzeko, Bizkaia with the Talent (BwT) ekimenaren esparruan, Bizkaian talentua erakartzeko eta leialtzeko STEM lurralde-estrategiaren zati gisa.

Talentua eraginkortasunez kudeatzeko, beharrezkoa da erakunde baten heldutasun-maila ezagutzea. Indarguneei eta hobetzeko arloei buruzko egiazko informazioa izateak enpresa-estrategiarekin bat datozen erabakiak hartzea ahalbidetzen du. Helburu horrekin, Bizkaiko Foru Aldundiak sustatu eta finantzatutako "Bizkaia with the talent" ekimenak online autodiagnostikorako tresna bat jasotzen du, enpresei pertsonen eta talentuen kudeaketan duten garapen-maila ebaluatzeko aukera ematen diena.

Mondragon Unibertsitateko Enpresagintzako Ikerketa Zentroak (MIK), GAIA klusterrak eta Bizkaia Talentek osatutako talde baten urtebeteko lanaren emaitza da tresna honen garapena.

Proiektuak enpresa-heldutasuneko ereduak eta pertsonen kudeaketako dibulgazio-metodologiak konbinatzen ditu, eta azterketa-eredu berri bat eman du, erakunde batek talentuaren kudeaketan duen heldutasun-egoera neurtzen eta baloratzen duena. Datuen analisian eta ustiapenean oinarritutako diseinu baten bidez, tresna digitalak txosten pertsonalizatua eskaintzen dio erakunde bakoitzari, diagnostiko xehatu batekin, gomendio espezifikoekin eta pertsonak eta talentua kudeatzeko estrategia indartzeko jarraitu beharreko urratsekin batera.

4Pen boterea

Azterketa hori egituratzeko, autodiagnostikorako tresnak lau dimentsiotan aztertzen eta baloratzen du enpresaren egoera, "4 P-en boterea" izenez ezagutzen direnak.

Lehenengoa Place & context da, non heldutasun-maila enpresaren ezaugarrien arabera ebaluatzen den, hala nola tamaina edo irismen geografikoa. Bigarrenean, Purpose & Strategy izenekoan, talentuaren kudeaketan eragina duten elementu estrategikoak aztertzen dira, hala nola antolaketa-kultura, lidergoa eta aurrerapen teknologikoa.

Hirugarrenean, People izenekoan, pertsonen kudeaketako erantzukizunen banaketa aztertzen da, erakundearen barruan zein kanpoan. Azkenik, tresnak Practices izeneko dimentsioa aztertzen du, non pertsonen kudeaketako praktiken garapen-maila baloratzen den.

Tresna hori lehen urratsa da pertsonen kudeaketa integralerako estrategia baterantz, datuetan oinarritua eta erakunde bakoitzaren beharrekin lerrokatua.

Identifikatu zure enpresaren heldutasun-maila hemen.