Jon Aranzabal Urzelaiaren testigantza

Titulazioa

Automatizazioko eta Robotika Industrialeko Goi-Mailako Teknikaria

Iraupena

1. maila 990 ordu

2. maila 1010 ordu

Fakultatea/Campusa

Mondragon Goi Eskola Politeknikoa

Hizkuntzak

Euskara

Modalitatea

Presentziala

PDF Katalogoa

Atzera

Jon Aranzabal Urzelaiaren testigantza

TESTIGANTZA

Jon Aranzabal Urzelaiaren testigantza

Hementxe utzi digu Jonek bere testigantza:

$titulo.getData()


   1. Aurkeztu zure burua eta esaiguzu ze heziketa ziklo ikasten ari zaren:

Jon Aranzabal Urzelai naiz. Aurrretik Ingeniaritza Informatikoa gradua ikasten hasi nintzen Mondragon Unibertsitatean baina ingeniaritza baten maila nahiko altua zela iruditu zitzaidan. Bertan ikasgai bat oso gustukoa izan nuen, non elektronikako oinarri batzuk ikasi nituen. Hori dela eta, Automatizazio eta robotika industrialeko goi mailako zikloa egitea erabaki nuen, elektrizitatea, elektronika, automatizazioa, etab. gaiak lantzeko asmoarekin.

   2. Zergatik aukeratu zenuen Mondragon Goi Eskola Politeknikoa (MGEP)?

Oñatin bizi naiz, eta MGEP aukera ona iruditu zitzaidan, etxetik gertu. Kotxea partekatzeko aukera nuen eta etorkizunean DUALa egiteko asmoa nuenez, Oñatitik gertu lana egiteko aukera izango nuela pentsatu nuen, tartean etxean bazkaltzeko aukerarekin.

   3. Heziketa ziklo honetan ETHAZI metodologia aktiboarekin lan egiten duzue, hau da, lan taldean erronkak eginez funtzio profesionalak lantzen dituzue. Zer nolako erronkak egin dituzue?

Metodologia praktikoa ikusten dut. Erronka egin aurretik teoria klase batzuk jasotzen dituzu erronkara bideratuta eta gero zati praktikoaren hasten zara. Teoria klaseak beharrezkoak iruditzen zaizkit, baina praktikak erronketan oinarrituta egotea oso ondo dago.

3 erronka egin ditugu:

Lehenengoak, elektronikarekin eduki du batez ere zer ikusia: bozketa sistema bat egin genuen ate logikoak eta elektronika erabiliz. Erronka honetan, arduinoan oinarritutako programazioa erabili dugu ebazpenerako.

Bigarren errokan, automata konpakto bat eta armairu elektrikoa kableatu dugu gero simuladore batetan motoreak, zilindroak, argiak etab pizten zirela ikusi ahal izateko.

Hirugarren erronka prentsa baten maketa izan da. Erronka honetan programaketa lan handia egin dugu industriako automata indartsu bat erabiliaz.

Erronketan irakasgaiek beraien artean duten harremana ikusteko oso ondo dator. Horrela errazago ulertzen da industria munduan teknologia guztiak nola elkartzen diren.

   4. DUALean aritu zara. Zein enpresatan? Zer nolako lanak egin dituzu? Nolakoa izan da zure experientzia?

DUAL-a ULMA Construccionen egiten ari naiz. Gustura nago, nahiz eta agian kasu batzuetan mekatronikako ziklo batekin lerrokatuagoa ikusi nire lana. Adibidez, mekanikarekin zerikusia duten gai asko lantzen dira.

Esperientzia positiboa izaten ari da eta lan mundua hurbilagotik ikusten laguntzen du. Ikasteko eta aldi berean lan egiteko esperientzia oso positiboa izaten ari da, arduratsuago izateko balio izan dit baita ere.

Enpresan oso gustura nabil, hasieratik lankideak niri laguntzeko prest egon dira. Nire lana aintzat hartzen dute, eta egia esanda, nik MGEPeko tailerretan egindako lan asko gero enpresan ere praktikan jarri ditut. Hori oso positiboa da.

Lankideekin bikain aritzen naiz, eta instruktorearekin ere bai, jarraipen ona, malgua eta beti laguntzeko prest dago.

   5. Orain daukazun ikuspuntuarekin, zein asmo duzu hurrengo kurtsorako?

Mekanikaren munduan gehiago murgildu nahi dut, horretarako Mekatronikako zikloa ikusten dut aproposa. Aurten mekatronikan ditudan lagun batzuk Automatizazio eta Robotika industriala egin zuten lehenago eta beraiek bide hori jarraitzea gomendatzen didate. 

Momentuz ez dut nere burua ingeniaritza batera bueltatzen ikusten, baina ez dut guztiz baztertzen. Informatikako zikloa ere aukera ona izan daitekeela ikusten dut, baina momentuz Mekatronikako goi mailako zikloa nahiago dut.


Goi-mailako heziketa zikloa baino gehiago gara