MBL-ek Hezkuntza hobetzen eta eraldatzen lagundu nahi dute

MBL-ek Hezkuntza hobetzen eta eraldatzen lagundu nahi dute

Master Bukaerako Lanetako (MBL) proiektu berritzaileetan, hezkuntza testuinguru espezifikoen behar errealetan oinarritzen gara, ikasleen interes pertsonaletatik abiatuta. MBLa beharrezkoa da bi ibilbideetan: bai profesionalki sakontzeko, bai ikerketan jarduteko. 14 ECTS ditu.

MBLak bakarka egiten dira, unibertsitateko eta ikastetxeko tutoreak lagunduta.

Hona hemen masterreko ikasleek egindako MBLen adibideak:

• Ikastetxe bateko Hizkuntza Proiektuaren azterketa, kontuan izanik ikasleen egoera soziolinguistikoa eta ikasleen profila.
• Euskararen erabileraren inguruan, aztergai da, esaterako, ikasle etorri berriek eskolako espazio desberdinetan zein hizkuntza erabiltzen duten.
• Irakasleak bere eskuhartzeak aztertzen ditu ikasgelan bere profesionaltasuna eta (hizkuntza) irakasle profila hobeto ezagutzeko.
• Galeseko eta Euskal Herriko murgiltze ereduen alderaketa Lehen Hezkuntzan.
• Irakasleen ezagutzak, errepresentazioak eta praktikak ikasle etorkinen hizkuntzen inguruan.
• Familiek dituzten errepresentazioak eskolako aniztasun sozioekonomiko, linguistiko eta kulturalekiko.
• Sekuentzia didaktiko baten diseinua, inplementazioa eta ebaluazioa.
• Euskararen erabilera eskolako zirkulazio librean testuinguru kulturanitzean.
• Irakasleen esku-hartzearen eragina ikasleen ahozko gaitasunaren garapenean.