Hasi da Kooperatibagintzan Aditu Tituluaren 11. edizioa
Hasi da Kooperatibagintzan Aditu Tituluaren 11. edizioa
Hasi da Kooperatibagintzan Aditu Tituluaren 11. edizioa
Humanitate eta Hezkuntza Zientzien Fakultateak eskaintzen duen ikastaro honetan, parte hartuko dute 15 kooperatiba desberdinetatik etorritako 26 lagunek.
Gaur, urriak 19, jarri da abian Humanitate eta Hezkuntza Zientzien Fakultateak eskaintzen duen Kooperatibagintzan Aditu Tituluaren 11. edizioa. Aurtengo edizioan, 15 kooperatiba desberdinetatik etorritako 26 lagunek hartuko dute parte. Hasierako ekitaldia Eskoriatzan egingo den arren, eskolak emango dituzte, ostiralero, Aretxabaletako Otalora jauregian. Ikastaroa 2019ko apirilaren 12an amaituko da.
Oraingo edizioan, hurrengo kooperatibetako ordezkariek hartuko dute parte: RPK, Lagun Aro Servicios, ULMA, ULMA Manutención, Fagor Ederlan Tafalla, Fagor Automation, Auzo Lagun, Fagor Elektronika, ULMA Packaging Fagor Ederlan, Maier, Euskadiko Nekazari-elikagaien Kooperatiben Federazioa, Fagor Industrial, Euskadiko Kooperatiben Goren-Kontseilua eta Emun kooperatiba.
Ikastaroaren helburua da, batetik, indartzea biziberritze kooperatiborako estrategiak eta prestatzea bultzatuko dituzten eragile kooperatiboak, eta, bestetik, janztea kooperatibetako proiektu sozialean trakzio lanak egingo dituzten pertsonak, beren eremuetan eragin biderkatzailea izan dezaten. Parte hartzaileei tresna eta estrategia desberdinak eskainiz, aditu titulu honek nahi du proiektu sozio-enpresariala indartzea, begirada jarrita, bereziki, dimentsio kooperatibo edo sozialaren garapenean.
Aurtengo edizioari hasiera emateko, hitzaldi bat eskainiko dute Kooperatibagintzan Aditu Tituluan: Mundukide fundazioak antolatutako Pertti Simula finlandiarraren hitzaldia. Ekitaldia izango da, Eskoriatzako campusean, arratsaldeko 15:30etan. Gaurko hitzaldian harremanen eraldaketaren gaia jorratuko du, betiere, berdintasuna eta elkartasuna sustatzeko helburuarekin.
Simula finlandiarra da baina 30 urte darama Brasilen. Han, besteak beste, MST (Movimento de Trabalhadores Rurais Sem Terra) mugimenduarekin lan egiten du berak sortutako Conscientia izeneko metodoloagia praktikan jartzen. Metodologia hori autoeraketan oinarritzen da.