Ikasketa plana
Ikasketa Plana
Talentuaren Kudeaketa Estrategikoko Masterrean, erakundeetako pertsonak kudeatzen, motibatzen eta gidatzen ikasiko duzu. Xede horrekin, pertsonak kudeatzeko sistemak eta prozesuak diseinatu eta bideratuko dituzu, negozioaren beharrak eta erronka estrategikoak aintzat hartuz.
Horretarako, enpresetako erronka errealen bidez, pertsonak kudeatzeko prozesu eta sistema nagusiak ikasiko dituzu, baita eta giza baliabideen alorrean iraultza ekarri duten azken joerak ere, masterrak irauten duen urte eta erdian. Gainera, konpetentzia horiek guztiak praktikan jarri ahal izango dituzu, erakunde bateko pertsonak kudeatzeko departamentuan egingo duzun urtebeteko egonaldian.
Talentuaren Kudeaketa Estrategikoko Masterreko irakasgaiak
INGURUNEA, ESTRATEGIAK ETA PERTSONAK
Ingurune sozio-ekonomikoaren eta lan-merkatuaren gakoak ezagutuko dituzu, enpresak egoera ezberdinetan nola jokatzen duten ulertzeko eta, horrela, izango dituzten talentu-beharrak planifikatzeko.
EMPLOYER BRANDINGA (ENPLEGATZAILE-MARKA), MARKETINA ETA KOMUNIKAZIOA
Estrategia eta teknika berritzaileak ikasi, diseinatu eta aplikatuko dituzu, erakundeen beharrei erantzungo dieten pertsona egokiak erakarri, atxiki eta hautatzeko.
TALENTUAREN GARAPENA
Pertsonen talentua garatzearen alorrean proiektu berritzaileak diseinatu eta abiarazteko trebetasunak eskuratuko dituzu; proiektu horietan, konpromisoa, konpentsazioa, aintzatespena eta aniztasuna izango dira, besteak beste, landuko dituzun gaiak.
TRANTSIZIOA, BEREIZTEA ETA IRTEERA
Pertsonak erakundeetatik joateko prozesuak diseinatzeko eta estrategikoki gauzatzeko beharrezko trebetasunak garatuko dituzu, bai eta ezagutza eskualdatzeko estrategiak aplikatu ere.
GARAPEN PERTSONALA ETA LIDERGOA
Zeure burua eta lantaldeak gidatzen ikasiko duzu, eta erakundeetako eraldaketa-prozesuak ulertuko dituzu.
Praktikatuz ikasiko duzu
Masterrak irauten duen urte eta erdian, beharrezko ezagutzak eta pertsona arteko trebetasunak eskuratuko dituzu, eta gai izango zara pertsonak eta horien talentua eta erakundea kudeatzeko, hainbat motatako enpresei eta erakundeei balioa sortuz edo balioa areagotuz.
Ezagutu erronken bidez ikasteko gure sistema
Ikasketa Plana
0. Moduloa: Ingurunea, Estrategia eta Pertsonak
1go Moduloa: Erakarpena eta Kapitazioa
2. Moduloa: Kompromisua eta Garapena
3. Moduloa: Transizioa, Deslotura eta Irteera
4. Moduloa: Garapen Pertsonala eta Lidergoa - MTalent.
5. Moduloa: Master Amaierako Proiektua