3Kimu proiektuak aukeratu ditu bederatzi lan finalistak

Atzealdea

3Kimu proiektuak aukeratu ditu bederatzi lan finalistak

3Kimu proiektua

3Kimu proiektuak aukeratu ditu bederatzi lan finalistak

Publiko egin dituzte Arizmendi ikastolak, Lea Artibai ikastetxeak, Politeknika Txorierrik eta Mondragon Unibertsitateko Humanitate eta Hezkuntza Zientzien Fakultateak sustatutako erronkaren azken fasera igaro diren bederatzi proiektuen izenak. Ekainaren 5ean, sari banaketa ekitaldia eta itxiera topaketa egingo dute Eskoriatzako campusean.

2023·05·22

$titulo.getData()


Mondragon Unibertsitateko Humanitate eta Hezkuntza Zientzien Fakultateak bultzatutako 3Kimu proiektuak eman du jakitera bederatzi lan finalisten izenak. 3Kimu proiektuan parte hartu dute Arizmendi ikastolak, Lea Artibai ikastetxeak eta Politeknika Txorierrik. Bideoen bitartez, honako erronkari erantzun behar izan diote ikastetxe horietako batxilergoko ikasleek: "Nola babesten ditugu gauzak eta pertsonak talketatik?". 3Kimuren helburua da STEAM bokazio eta asmo profesionalak piztea, genero ikuspegian arreta berezia jarriz. 

 

Lehiaketaren azken fasean bildutako 21 lanetik, bederatzi pasatu dira finalera. Irabazlea aukeratzeko, epaimahaikideek kontuan hartuko dute garatutako proiektuaren kalitatea, originaltasunaren eta sortutako iragarkiaren erakargarritasuna. Hurrengoak dira lehiaketako bederatzi finalistak:

  1. Alertabike
  2. Golden Ricochet
  3. Kamiseta Babeslea
  4. Kautxito
  5. KeepMoving
  6. Rider Shield
  7. Safebox
  8. SafeGlass
  9. Sensosegur
Azken erabakia ekainaren 5ean emango dute jakitera Mondragon Unibertsitateko Eskoriatzako campusean egingo den sari banaketa ekitaldian. Epaimahaiaren sariaz gain, publikoaren saria ere jokoan dago lehiaketan. Ekainaren 2ra arte dago aukera botoa emateko: publikoaren sarian parte hartzeko.