EP4H2 ikerketa proiektuak elektrolisirako bihurgailu berriak garatzen ditu
EP4H2 ikerketa proiektuak elektrolisirako bihurgailu berriak garatzen ditu
EP4H2 ikerketa proiektuak elektrolisirako bihurgailu berriak garatzen ditu
EP4H2 proiektuak Eusko Jaurlaritzaren finantzaketa jaso du Elkartek 2022 programaren bidez.
Mondragon Unibertsitateko Energia Elektrikoaren ikerketa taldeak EP4H2 proiektuan parte hartzen du, Tecnalia, Ingeteam eta EHUrekin batera, elektrolisirako bihurgailu elektroniko berriak garatzeko, hidrogeno ekoizpen azkarragoa, ekonomikoagoa eta malguagoa ahalbidetzeko sare elektrikoan txertatzeko orduan. EP4H2 proiektuak Eusko Jaurlaritzaren finantzaketa jaso du Elkartek 2022 programaren bidez, eta 2023 urtearen amaieran bukatzea aurreikusten da.
Mondragon Unibertsitatearen ekarpena
Mondragon Unibertsitateko ikerketa taldeak proiektuko hainbat zereginetan parte hartzen du, hala nola:
- Portu anitzeko bihurgailu topologiak garatzea, sarean elektrolizagailuak integratzeko.
- Elektrolizagailuen funtzionalitate berrien lan paketea gidatzea:
- Analisi eta simulazio tresnak garatzea
- Kontrol teknika berriak planteatzea, elektrolizagailu bidezko maiztasuna eta tentsioa erregulatzeko zerbitzuak emateko
- Elektrolizagailu horiek eta multi-terminal (MTDC) sareen bidez konektatutako beste energia aktibo batzuekin kudeatzeko eta koordinatzeko teknikei buruz ikertzea.
Bihurgailu topologien azterketari buruzko zereginak 2022an egin ziren, eta 2023ko urtarrilean amaitutzat eman da analisi eta simulazio garapena. Une honetan Mondragon Unibertsitateko ikerketa taldea batez ere zerbitzuak emateko eta beste energia aktibo batzuekin koordinatzeko kontrol teknikak garatzen ari da, eta zeregin horiek proiektuarekin batera, 2023ko abenduan, amaitzea espero da.
Azken urteotan Mondragon Unibertsitateko Energia Elektrikoaren ikerketa taldeak hidrogenoaren arloan lan egin du, gailuetara (elektrolizagailuak eta erregai pilak) gehiago bideratutako ikuspuntu batetik. EP4H2 proiektuaren bidez, elektrolizagailuak sare elektrikora konektatutako karga dinamiko gisa aplikatzeko potentziala aztertzen ari da, baita energia sortzeko eta biltegiratzeko beste aktibo batzuekin dituzten interakzioak ere. Ikerketa jarduera hauei esker Mondragon Unibertsitateko taldeak hidrogenoaren aplikazioei buruzko ezagutza sortzen jarraitu ahal izango du, garraio hutsetik edo energia biltegiratzetik haratago, eta baita arlo honetan lanean jarraitu nahi duten enpresa nahiz erakundeekin lankidetza berriak ireki ere.