Mikel Arrinda Martinezen tesi defentsa

Mikel Arrinda Martinezen tesi defentsa

Tesiaren izenburua:“Remaining Useful Life Estimations Applied on the Sizing and the Prognosis of Lithium Ion Battery Energy Storage Systems”. SOBRESALIENTE kalifikazioa lortu du eta DOCTOR INTERNACIONAL mentzioa izan du.

---

• Tesiaren izenburua: “Remaining Useful Life Estimations Applied on the Sizing and the Prognosis of Lithium Ion Battery Energy Storage Systems”.
• Doktoretza programa: INGENIARITZA APLIKATUAN DOKTOREGO PROGRAMA.
• Tesi zuzendariak: Eñaut Muxika Olasagasti, Mikel Oyarbide Urquizu.
• Epaimahaia:
  • Mahaiburua: Maitane Berecibar Uribe (Vrije Universiteit Brussel)
  • Mahaikidea: Iosu Aizpuru Larrañaga (Mondragon Unibertsitatea)
  • Mahaikidea: David Dufraisse (ASB-group)
  • Mahaikidea: Aitor Makibar Puente (CIDETEC)
  • Idazkaria: Unai Iraola Iriondo (Mondragon Unibertsitatea)

Laburpena

Tesi honek litio ioi (Li-ion) bateriatan oinarritutako energia metatzeko sistemen erabilera garrantzitsuenen dimentsionamendu-tresna zehatza garatzen du, gainerako bizitza erabilgarria kontutan hartuta. Garatutako tresnak, Li-ion baterien osasun adierazleen zahartze ereduak eraikitzea; modelaturiko osasun adierazleen eboluzioan oinarrituta bizitza erabilgarriaren amaiera kalkulatzea; energia metatzeko sistemen aplikazio garrantzitsuenen kostuaren maila berdindua kalkulatzea; eta elektrodoen mailan oinarritutako datuekin eta aurreikuspen algoritmoekin batera eraikitako zahartze ereduekin egindako errorea gutxitzea dakartza. Tesi honetako kapituluetan deskribatzen da garapen metodologia eta dimentsionamendu-tresnetan integratutako elementu guztien kalkulua. Lehenik eta behin, bateriaren bizitzaren azken egoera intereseko osasun adierazle guztien atalase konbinatu gisa zehazten da. Haren kalkuluak aplikazio-baldintzek zehaztutako bizitza-amaierako irizpideen arabera definitutako simulazio ingurunean eredu elektrotermal bat ezartzea eskatzen du. Bigarrenik, intereseko osasun adierazleak estres faktore garrantzitsuenetan oinarrituz modelatu dira. Zahartze datuak eskuratzeko eta ondorengo eredu enpirikoak eraikitzeko metodologia aurkezten da. Eraikitako ereduen baliozkotzea hiru alderditan oinarrituz egiten da: aztertutako kasuak deskribatzen dituen zehaztasuna, interpolazioen zuzentasuna eta bizitza errealean aplikagarritasuna. Hirugarrenik, Li-ion bateriak dituen energia biltegiratzeko sistemetarako simulazio-ingurunea garatu da ibilgailu elektrikoen eta sistema egonkor aplikazioetan erabiltzen direnak eta zeinen bateria-soluzioen tamaina desberdinetako kostu maila kalkulatzen den. Simulazio inguruneak garatutako eredu elektrotermalak, bizitzaren amaierako mapa eta zahartze ereduak barneratzen ditu. Laugarrenik, eraikitako zahartze ereduen akatsak gutxitu egiten dira gertakari bitxien kausaz denboran zehar estrapolatuz egindako akatsak kudeatuz. Alde batetik, elektrodoen mailako datuak aztertzen dira datuak artifizialki sortzeko eta estrapolatzerakoan egindako erroreak murrizteko. Bestalde, aurreikuspen algoritmo estokastikoa hautatzen da eta bizitza errealeko datuekin erabiltzen da gertaera bitxiek osasun-adierazleen bilakaeran duten eragina zuzentzeko. Egindako hipotesi askoren baliozkotasuna esperimentalki frogatu dira: Bizi-amaierako mapa, zahartze-ereduak, dimentsionamendu-tresnetan erabilitako simulazio-ingurunea, datuen sorgailu artifiziala eta denbora errealeko aurreikuspen tresna garatzeko egin diren hipotesiak hain zuzen ere.