Dorleta Ibarraren tesi defentsa

Atzealdea

Dorleta Ibarraren tesi defentsa

TESIA

Dorleta Ibarraren tesi defentsa

Tesiaren izenburua: "Business model innovation in small and medium-sized enterprises: an exploration of key drivers and performance implications". SOBRESALIENTE CUM LAUDE kalifikazioa eta NAZIOARTEKO DOKTORE aipamena lortu du.

2020·10·30

$titulo.getData()


  • Tesiaren izenburua: "Business model innovation in small and medium-sized enterprises: an exploration of key drivers and performance implications".
  • Epaimahaia:
    • Mahaiburua: Jaume Valls Pasola (Universidad de Barcelona)
    • Mahaikidea: José Albors Garrigós (Universidad Politécnica de Valencia)
    • Mahaikidea: Andreas Schroeder (Aston Business School)
    • Mahaikidea: Joan Manuel Fernández Mendoza (Mondragon Unibertsitatea)
    • Idazkaria: Javier Retegi Albisua (Mondragon Unibertsitatea)

Laburpena

Enpresa txiki eta ertainak (ETEak) aberastasuna, enplegua eta garapen ekonomikorako giltzarria dira. Horrela, egungo ingurune aldakor, konplexu eta ezustekoan, ETEn lehiakortasuna mantendu eta indartzeko modu berriak nahitaezkoak dira haien biziraupenaren eta lurraldearen garapenerako. Testuinguru honetan, negozio ereduaren berrikuntza abantaila lehiakor iturri berria bilakatu da. berrikuntza-modu tradizionalak osatu edota ordezkatu ditzakeenak. Azken urteetan ikerketa desberdinak ETEen negozio ereduaren berrikuntza testuinguruko erronketara egokitzeko nola egiten duten enpirikoki aztertzen hasi dira. Hala ere, literatura oso sakabanatuta dago eta ikerketa gehiago behar dira ETEetan negozio ereduaren berrikuntza sustatzen duten faktore nagusien ikuspegia orokorra lortzeko, baita honek enpresaren errendimenduan duen eragina ere. Hori dela eta, tesiaren helburu nagusia ETEen negozio ereduaren berrikuntza ikuspegi holistikotik aztertzea da. 78 ETEen laginetik abiatuta, ikerketak hiru azterketa metodo konbinatzen dituen metodo misto batean [partial least squares ekuazio estrukturalen bidezko modelizazioa (PLS-SEM), analisi kualitatibo konparatiboa (fsQCA) eta t-probak]. Zenbait aurrekarien eragina (berrikuntzaren kultura, negozio ereduen berrikuntzarako gaitasunak, kudeaketa orientazioa eta negozio ereduen berrikuntzarako tresnak) negozio ereduen berrikuntzan duten eragina aztertzen da, baita negozio eredu berrikuntzak ETEen errendimenduan duen eragina ere. Aurrekari horien konfigurazio ezberdinek ETEen negozio ereduen berrikuntza nola ahalbidetzen duten aztertzen da ere bai. Azkenik, negozio ereduen berrikuntza beste berrikuntza mota batzuekin (produktua, prozesua, marketina, erakundea) eta baliabideen erosketarekin konparatzen da, ETEak berrikuntzara hurbiltzeko modua argituz. Emaitzek, estrategia garatzeko, aukerak hautemateko eta esperimentatzeko gaitasunak ETEen negozio ereduaren berrikuntzaren motor nagusiak direla iradokitzen dute. Kudeaketa orientazioa (epe luzerako, arriskuak hartzeko eta inbertsioetarako) eta enpresaren berrikuntza kulturak berriz, gaitasun horiek sustatzen dituzte. Gainera, negozio ereduaren berrikuntzarako erraminten erabilerak negozio ereduaren berrikuntza errazten dutela ondorioztatu da. Aurreikuspenen aurka, ezin izan da erakutsi lankidetza gaitasunak negozio ereduaren berrikuntza bultzatzen duenik. Negozio ereduaren berrikuntza merkatuaren errendimenduaren hobekuntzarekin lotuta dagoela dirudi eta negozio ereduaren abantailak erlazio hori azaltzen du hein batean. FsQCAren emaitzek, gainera, ETEek bide desberdinak jarraitu ditzaketeela erakusten dute, kausalitate-efektuko jokabide desberdinen arabera, negozio-eredua berritzeko bide eraginkor desberdinak jarraituz. Azkenik, zenbait berrikuntza (zerbitzua, marketina, prozesua eta antolakuntza) motek eta baliabideen erosketak negozio ereduaren berrikuntza osatzen dutela frogatu da, ETEen berrikuntza praktiken ikuspegi zabalagoa proposatuz. Hau guztia dela eta, ikerketa honek ETEetan negozio ereduen berrikuntza hobeto ulertzen laguntzen du, eta aldi berean ETEei eta administrazio publikoei inplikazio praktikoak eskaintzen dizkie.