Alaine Garmendia Ochoantesanaren tesi defentsa

Atzealdea

Alaine Garmendia Ochoantesanaren tesi defentsa

TESIA

Alaine Garmendia Ochoantesanaren tesi defentsa

Tesiaren izenburua:“Causality between High-Involvement Work Systems, Employee Attitudes and Organisational Performance: a Two-Wave Longitudinal Study”. SOBRESALIENTE kalifikazioa eta CUM LAUDE eta DOCTOR INTERNACIONAL aipamenak lortu ditu.

2019·12·29

$titulo.getData()


  • Tesiaren izenburua: “Causality between High-Involvement Work Systems, Employee Attitudes and Organisational Performance: a Two-Wave Longitudinal Study”.
  • Doktoretza programa: INGENIARITZA MEKANIKOAN ETA ENERGIA ELEKTRIKOAN DOKTOREGO PROGRAMA.
  • Tesi zuzendariak: Unai Elorza Iñurrategui, Damian Madinabeitia Olabarria.
  • Epaimahaia:
    • Mahaiburua: Dra. Dña. Jaione Ganzarain Epelde (Mondragon Unibertsitatea)
    • Mahaikidea: Dr. D Aitor Aritzeta Galan (Universidad del País Vasco)
    • Mahaikidea: Dra. Dña. Brigitte Kroon (Tilburg University)
    • Mahaikidea: Dr. D. Alvaro Lleó de Nalda  (Universidad de Navarra)
    • Idazkaria: Dra. Dña. Irune Gómez Pescador (Mondragon Unibertsitatea)

Laburpena

Gaur egungo lan ingurune aldakorrean, pertsonetan oinarritutako abantail lehikoarra mantentzea beharrezkoa da antolakuntzen jasangarritasuna bermatzeko. Aurrekari horretan oinarritua, hainbat dira pertsonen kudeaketako praktika eta antolakuntzen errendimenduaren arteko erlazioa aztertu dituzten ikerketak. Hala ere, ikerketa gehienek ez dute denborazko ikuspegia kontutan hartu eta pertsonen kudeaketako praktikak aztertu dituzte soilik kausa gisa beste noranzkoa kontutan hartu gabe. Guzti honek, erlazioaren kausalitatearen gaineko zalantzak azaleratu ditu. Horrez gain, erlazioa ze aldagaien bidez ematen den oraindik ez dago argitua eta Black Box bezala ezagutzen da. 

Ikerketa honen helburu nagusia ikerketa longitudinala egitea izan da, pertsonen inplikazioa bilatzen duten sistemen (HIWS), langileen jarreren (asebetetzea eta konpromisoa) eta antolakuntzako errendimenduaren (absentismo eta produktibitatea) arteko kausa-efektu erlazioak ulertze aldera. Denboran zehar bi neurketa jaso duten antolakuntzen bi lagin aztertu dira. 1.lagina banaketa sektorekoa da eta lehen neurketan (2011 urtea) 6,016 erantzun jasotzen ditu eta 5,842 erantzun bigarren neurketan (2015 urtea). 2.lagina, industria sektorekoa da eta 25 erakunde jasotzen ditu, 3,591 erantzunekin lehen neurketan (2013 urtea) eta 3,752 erantzun bigarren neurketan (2017 urtea). Bi laginak ekuazio estrukturalen modeloen bidezko teknika longitudinalarekin aztertu dira, Cross-Lagged Model teknikarekin (CLM). 

Analisien emaitzak ustekabekoak izan dira: (i) 1. laginean ez da hipotesirik konfirmatu eta (ii) 2.laginean soilik sistemak errendimenduan duen eragina berretsi da. Zenbakiek atzetik duten logika ulertze aldera, analisi kuantitatiboak azterturiko bi laginetako erakundeetan erreferente diren pertsonak elkarrizketatu dira, datuak jaso ziren urteetako testuinguruaren informazioa jasotzeko asmoz. Ikerketa. honetan baliatu den ikusputu kuanti-kualitatiboak eman dituzten emaitzek pertsonen inplikazioa bilatzen duten sistemen eta antolakuntzen errendimenduaren arteko erlazioan ondorengo aldagaiek eragin dezaketela iradokitzen dute: (i) azterturiko aldagaiak, (ii) neurketa desberdinen arteko denbora tarteak, (iii) azterturiko sektorea eta (iv) zailtasun ekonomikoen aurrean hartutako erabakiak. Hortaz, ebidentzia horiek ikuspuntu kontingentea frogatzen dute, pertsonen eta errendimenduaren arteko erlazioa testuinguru eta alderdi metodologikoen menpekoa izan daitekeela erakutsiz.