Mugikortasun programak

Mugikortasuna Doktorego Programan, Mondragon Unibertsitatetik kanpoko nazioarteko erakunde batean doktoratu aurreko ikerketa-egonaldi bat egitean datza, tesiaren garapenaren faseetako bat osatzeko.

 

Nazioarteko egonaldiak, kasu guztietan, tesiaren zuzendariaren eta Doktorego Programaren Batzorde Akademikoaren aldez aurreko oniritzia izan beharko du.

 

Mugikortasuna amaitzean, ikasleak eskatu ahal izango du mugikortasuna jarduera espezifiko gisa onartzeko.

 

Doktoregoko ikasleentzako mugikortasunaren helburu espezifikoak hauek dira:

Nola formalizatu doktoregoko mugikortasuna (ikerketa-egonaldia)

Nazioarteko egonaldi horietan, ikasleak, bere zuzendariarekin edo doktorego-programako arduradunekin batera, zeregin aktiboa betetzen dute, egonaldirako destinoa bilatzea baitagokie (unibertsitateak, ikerketa-zentroak, etab.), bai eta aukeratutako destinoan egonaldia gainbegiratzeko oniritzia emango dion erreferentziako ikertzaile batekin harremanetan jartzea ere. 

Behin destinoa baieztatuta, doktorego-batzordeak doktoretza-ikaslea gidatu eta lagundu ahal izango du doktoretza-aurreko egonaldia formalizatzeko prozesuan eta finantzaketa-aukerak bilatzeko prozesuan.

Doktoretza nazioarteko aipamenarekin

Nazioarteko doktoretzaren aipamena 

Mondragon Unibertsitateko doktore tituluak nazioarteko aipamen bat jaso ahal izango du, honako baldintza hauek betetzen direnean:

a. Doktore titulua lortzeko beharrezkoa den prestakuntza aldian, doktoregaiak gutxienez hiru hilabeteko egonaldia egin izana Espainiatik kanpo, goi mailako irakaskuntza erakunde batean edo prestigiozko ikerketa zentro batean, ikasketak egiten edo ikerketa lanak egiten. Nazioarteko egonaldia eta jarduerak zuzendariak bermatu behar ditu, eta Doktoregoko Batzorde Akademikoak baimendu, eta doktoregoaren jardueren dokumentuari erantsiko zaizkio.

b. Doktorego-tesiaren zati bat, gutxienez laburpena eta ondorioak, bere jakintza arloko komunikazio zientifikorako ohiko hizkuntzetako batean idatzi eta aurkeztu izana, Espainiako edozein hizkuntza ofizial edo ko-ofizialetakoa ez den hizkuntza batean. Arau hori ez da aplikatuko egonaldiak, txostenak eta adituak gaztelaniaz hitz egiten den herrialde batetik datozenean.

c. Tesiaren berri gutxienez Goi Mailako Hezkuntzako erakunderen bateko edo espainiarrak ez diren ikerketa instituturen bateko bi doktorek eman izana.

d. Doktore titulua duen eta nazioarteko egonaldiaren arduraduna ez den goi-mailako hezkuntzako erakunderen bateko edo espainiarrak ez diren ikerketa-zentroren bateko aditu batek, gutxienez, tesia ebaluatu duen epaimahaian parte hartzea.

Ikerketa egonaldiaren iraupen-baldintzak, nazioarteko aipamenerako

Egonaldiak gutxienez hiru hilabeteko iraupena izan behar du: aldi bakarrean egin daiteke edo hainbat alditan zatitu daiteke, bakoitza hilabete bateko gutxieneko iraupenarekin.

Salbuespenezko baldintzak:

Salbuespen gisa, eta Covid-19aren pandemiaren ondorioz, Doktorego Programaren Batzorde Akademikoak (2020ko ekainaren 20an bildua) honako jakinarazpen hau onartu zuen doktore tituluaren Nazioarteko Aipamenerako eskatutako Ikerketa egonaldiei dagokienez:

Ikerketa egonaldi birtualak COVID-19aren krisialdian Nazioarteko Aipamena egiteko