Queer padagogien ekarpena Hezkuntzan

Queer padagogien ekarpena Hezkuntzan

Lit masterraren egitarauen barruan, Queer pedagogiei buruzko jardunaldi irekia antolatu geune, Bilbon, pasa den urtarrilaren 25ean. Queer pedagogiak. Zer dakarkiote hezkidetzari? izenpean, Mercedes Sánchez Sáinz Madrilgo Universida Complutenseko irakasle e ikertzaileak saio praktikoa gidatu zuen ikasle, irakasle eta aktibistei begira.

Mercedes Sánchezen esanetan, orain arte gizartean eta hezkuntzan baztertuak eta ikusezin bihurtuak izan diren identitateak erreibindikatzea proposatzen dute queer pedagogiek. Gainera, haren arabera, “queer pedagogietatik, kanon unibertsalak, bitarrak eta normalizatzaileak hautsi behar ditugu, edo, behintzat, horretan saiatu. Bukatu da kanon horien barruan sartzen ez direnen biktimizazioa. Horretarako, pentsamolde hegemonikoak desikasi behar ditugu. Normalizazioa, bazterketa, gizarteratzea eta tolerantzia gainditu behar ditugu, eta pertsonak kutxetan sailkatu eta horren arabera onargarriak edo onartezinak ote diren erabakitzeari utzi”.