Helburuak eta konpetentziak
Helburuak eta Kompetentziak
Helburu orrokorrak
Kooperatibismoa eta Kudeaketa Sozienpresariala Masterraren helburu nagusia honako hau da: gradudun gazteei eta jarduneko profesionalei konpetentziak ematea kooperatibak eta ekonomia sozialeko beste erakunde batzuk kudeatzeko, berritzeko, garatzeko, ikertzeko eta zuzentzeko.
Horretarako, masterrak zera eskaintzen dizu:
- Kooperatibismoaren oinarri teoriko eta praktiko zabal bat lortzea, bai nazio mailan, bai nazioarte mailan, MONDRAGONi garrantzi berezia emanez, munduko esperientzia kooperatibo esanguratsuenetako bat den heinean.
- Erakunde parte-hartzaile aurreratuak kudeatzeko konpetentziak garatzea kudeaketaren zenbait esparru koherentziaz uztartuz: estrategia, marketin eta eraldaketa digitala, kultura kooperatiboa, talentuaren garapena, interkooperazioa, ekintzailetza eta berrikuntza.
- Kooperatibismoaren eta ekonomia sozialaren arloko ikertzaileak prestatzea doktoregora sartzeko ikerketa-ibilbide baten bitartez.