XXI. Mendeko Hezkuntzaren Erronkak: Kulturartekotasuna eta Eleaniztasuna

Master eta Aditu ikastaroa

Master Ofiziala da (EHAO, 2006/03/06) eta graduko tituluetan bezala, Espainiako estatu osoan baliokide da.

Helburuak

Ikasleak prestakuntzaren bukaeran honako gaiei erantzuteko gaitasuna
izango du:

Gizarteak gaur egun duen behar zehatz bati erantzuteko gaitasuna: hizkuntza
gutxitua* duen herrian nola bideratu eleaniztasun gehigarria.
Geroz eta anitzagoa den gizartean (kulturaz, hizkuntzaz, erlijioaz,...)
nola eragin modu baikorrean kulturartekotasuna garatzeko.
Kulturartekotasunari dagokionean irakasleen prestakuntza beharrak
nola ase.
Eleaniztasunari dagokionean irakasleen prestakuntza beharrak nola bideratu.
Kulturartekotasuna eta eleaniztasuna definitzen duten faktoreak aztertzeko
eta ulertzeko gaitasuna.
Kulturartekotasuna eta eleaniztasunaren ikuspegi sistemikotik begiratzeko,
hots, beren testuinguruan aztertu eta ulertzeko gaitasuna.
Hezkuntza komunitateetan hezkuntza proiektua garatzeko gaitasuna
agente guztiekin batera.
Hezkuntza proiektu eleanitza/kulturanitza diseinatu eta kudeatzeko
gai izatea.
Hizkuntza Curriculum bateratua diseinatu, antolatu eta kudeatzeko
gai izatea.
Ikasle etorkinen integrazio egokirako programak diseinatu, kudeatu
eta ebaluatzeko gai izatea.
Irakasleen formaziorako programak diseinatu, kudeatu eta ebaluatzeko
gai izatea.
Kulturartekotasun eta eleaniztasun gaietan ikerketaren hastapenetan
murgiltzeko gaitasuna.

* Hezkuntza Berriztatzeko Hezkuntza Sailak aurreikusten dituen hainbat esparrurekin bat dator prestakuntza hau: Eskola inklusiboa, Hizkuntza normalkuntza eta eleaniztasuna eta Euskal Dimentsioa eta Europar dimentsioa (ikus Hezkuntza Berriztatzeko programak 2003-2006, Eusko Jaurlaritza).

Itzuli gora

Metodologia

Ikaslea da ikaskuntzaren ardatza. Berak hautatutako proiektua izango
da prestakuntza-ibilbidea markatuko duena.
Kasuen azterketa eta Proiektuan oinarritutako metodologiak.
Proiektua izango da irakaskuntza-ikaskuntza prozesuaren ardatza. Ikasleak
jasoko duen prestakuntzaren atal bat bere Proiektua hornitzeko izango
da. Proiektua izaera askotarikoa izan daiteke: errealitatean eta testuinguru
konkretu batean kokatutako arazo bat, arazo teoriko bat....
Modularra: eskainitako moduluetatik gutxieneko kredituak egin behar
dira, gainerako kredituak ikasleak hautatuko ditu bere Proiektua egiteko
behar dituenak.
Modalitatea: erdi-presentziala (%50 ECTS) eta on-line (% 50 ECTS).

Itzuli gora

Parte-hartzaileak

Hizkuntzekin lanean diharduten zein jarduteko prestatu nahi duten unibertsitate tituludunei (goi eta erdi mailako titularrak) (irakaskuntza eremuan, hizkuntzen kudeaketan, materialgintzan, hizkuntza normalizazioan...).
Eleaniztasun gaietan lanean diharduten zein jarduteko prestatu nahi duten unibertsitate tituludunei zuzendua (goi eta erdi mailako titulatuak).
Etorkinekin lanean diharduten zein jarduteko prestatu nahi duten unibertsitate tituludunei zuzendua nagusiki (goi eta erdi mailako titulatuak).
Profesional horiek hainbat jatorri akademikotakoak izan daitezke: irakasle-ikasketak, psikologia, pedagogia, psikopedagogia, euskal filologia, gizarte hezkuntza, zuzenbidea, kazetaritza, soziologia, filosofia, antropologia, etab.

Itzuli gora