MBA– Enpresa Zuzendaritzako Master Ofiziala

Masterra

Helburuak

MBA - Enpresa Zuzendaritzako Master Ofizialaren helburua graduatu ondoko gazteen eta Enpresa Zientzien karrera egina duten profesionalen zuzendaritza eta kudeaketa gaitasunak dinamizatzea da.

Titulu horren —Mondragon Unibertsitateko Enpresagintza Fakultateak zorroztasun handiz egina— arrakastaren gakoak enteleguaren eta pragmatismoaren arteko eta ezagutzaren eta horren aplikazioaren arteko orekan daude, zientziaren zorroztasuna enpresa-kooperatibaren kudeaketa artearekin uztartu nahian eta, betiere, inguruneko enpresa-errealitatearekin harreman sendoa izanik.

Itzuli gora

Ezaugarriak

MBAren garapena definitzen duten ezaugarriak:

Ekintzailetza eta barne-ekintzailetza: horren ikasketa eta praktika egungo enpresa-kudeaketaren ereduari atxikita daude eta ideia berrien sorrera eta horiek negozio berrietan aplikatzea sustatzen du.
Norberaren eta lantaldearen lidergoa: bakoitzak dituen ezagutza teorikoak eta praktikoak eta lantaldeen lidergo-gaitasuna sendotzen dira.
Zuzendaritza-gaitasunak: pertsonak eta giza taldeak zuzentzeko gaitasunak garatu eta banakako sormena sendotu lantaldeetan parte hartuz
Berrikuntza eta Ikuspegi Estrategikoa: parte-hartzaileei metodologia eta enpresa-kudeaketarako sistema berriztatzaileenak ematen zaizkie.
Eraginkortasuna: norberaren eraginkortasuna nahiz enpresa barneko lantaldeena garatzen da.
Unibertsitatea/enpresa lotura sendoa, MONDRAGON UNIBERTSITATEAren nortasun-ezaugarrietako bat da.

Itzuli gora

Egitura

Modulu komunak (2010eko urria – 2011ko urtarrila)

Lehenengo seihilekoan, programa kontzeptuzko zazpi moduluk eta modulu praktiko batek osatuko dute; guztira 20 kreditu izango ditu.

Ekintzailetza: 3 kreditu (k.)Ekintzaileen eta zuzendarien profilak, negozio-planak edo Business Plan, ekintzaileei laguntzeko egiturak, enpresak sortzeko esperientziak, pertsona negozioen iturburuan.
Pertsonen garapena eta taldetako lidergoa: 5 k. Antolaketa-diseinuak, pentsaera estrategikoko eskolen azterketa eta bilakaera, eredu berriak erakundeen kudeaketan. Pertsonen arteko komunikazioa, negoziazioa, talde-lana, zuzendaritza eta lidergoa.
Ekonomia eta finantzak: 3 k. Balioen araberako zuzendaritza: kultura eta antolamendu-aldaketak, partaidetzazko kudeaketa, emoziozko adimena.
Marketina: 3 k. Nazioarteko merkataritza eta globalizazioa, enpresaren alderdi juridikoak, finantza-egoeren azterketa, kostuen kudeaketa, inbertsioen azterketa.

Berrikuntzaren kudeaketa: 3 k. Harremanezko ikuspegia, merkatuen azterketa, marketin-plana.
Kudeaketa estrategikoa: 3 k. Berrikuntzarako abiapuntua, berrikuntza: kudeaketa eta estrategia, berrikuntza praktikan, berrikuntza zentro teknologiko batetik.

Espezialitateak (2011ko otsaila – 2011ko ekaina)

Bigarren seihilekoan, parte-hartzaileak bost espezialitate desberdinen artean hautatzeko aukera izango du, 20 kreditu osatu arte:

Zuzendaritza Orokorra espezialitatea: lizentziatuak, teknikariak eta profesionalak trebatzen ditu, zentzurik zabalenean eta aurreratuenean, management-eko kontzeptuen, tekniken eta erreminten garapenean. Enpresaren egitura funtzionala osotasun dinamikoa bailitzan ulertzen saiatzen da; azterketak eta diagnostikoak egiteko eta erabakiak hartzeko gaitasunak modu sistematikoan garatzen ditu eta enpresa eta bere ingurunea modu ezin hobean lotzen ikasten du.
Finantza Zuzendaritza espezialitatea: batez ere, finantza-sailetako erdi-mailako arduradunei, ETEetako (Enpresa Txiki eta Ertaina) finantza-zuzendariei eta finantza-eremu nazionalen nahiz nazioartekoen ikuspegi desberdinetan sakontzeko asmoa duten adituei zuzenduta dago.
Marketin Zuzendaritza espezialitatea: enpresak eta bertan lan egiten dutenak bezeroarengana gero eta gehiago orientatuta daude; bezeroa baita enpresak existitzeko azken arrazoia. Espezialitate honetan, Marketineko oraingo nahiz etorkizuneko teknikak, tresnak eta joerak lantzen dira.
Garraioa eta Logistika espezialitatea: enpresa-jardueraren globalizazioak hornikuntza-katearen kudeaketari goragoko maila ematen dio. Irungo Campusa toki egokia da Garraioaren eta Logistikaren gaiak landuko dituen espezializazioa eskaintzeko.
Kirol-Erakundeen Kudeaketa eta Zuzendaritza espezializazioa: enpleguak eta negozioak gizarte-balio erantsi handia duten zerbitzu-sektoreko txokoetara lekualdatzen ari dira, esaterako, kirol-sektore lehiakorrera; sektore horrek gero eta enpresa-kudeaketa landuagoa eta profesionalagoa eskatzen du.
Tutoretzapeko bukaerako proiektua: 20 kreditu

Proiektuak

Itzuli gora

Irakasleak

Modulu guztietan txostengileak herenka banatuko dira, hala nola: heren bat MONDRAGON UNIBERTSITATEko irakasleek osatuko dute; beste heren bat aholkularitzetako, ikerketa-zentroetako eta beste zenbait unibertsitateko txostengileek eta hirugarren herena enpresa-alorreko profesional garrantzitsuek.

Irakasleak

Itzuli gora

Metodologia

Klaseak elkarreragileak dira eta parte-hartzaileen parte-hartze aktiboa sustatzen dute etengabe. Halaber, programan zehar, batetik, proiektuak egingo dira, banaka nahiz taldean, eta, bestetik, bisitak MONDRAGON UNIBERTSITATEAren inguruko enpresa eta erakunde esanguratsuetara. Jarraipena eta tutore/bideratzaile bidezko laguntza pertsonalizatua etengabeak izango dira.

Itzuli gora

Onarpenerako baldintzak

Parte-hartzaileek onartuak izateko gutxieneko baldintza hauek bete behar dituzte:

Titulu unibertsitarioa eta/edo egiaztatutako lanbide-esperientzia edukitzea.
Hautespen-prozesua Onarpen Batzordeak egingo du. Batzordeak hautagaien talentua, profilen homogeneotasuna eta taldera moldatzeko gaitasuna ebaluatuko ditu.

Itzuli gora

Egutegia

2010eko urria – 2011ko urria.

Komunak: astearte eta ostegunetan 8:00etatik 14.00etara.

Itzuli gora

Masterren koordinazioa

Zuzendaria: Jose Luis Abaunz, Enpresagintza Fakultateko Graduondoko Zuzendaria.
Modulu bakoitzeko koordinatzailea: alor jakin horretan adituak diren irakasleak.

www.mondragon.edu

postgrado@eteo.mondragon.edu

Itzuli gora