MBA Masterreko Espezialitatea

MBA - Enpresa Zuzendaritzako Masterraren eta Zuzendaritza Orokorra espezialitatearen helburua graduatu ondoko gazteen eta Enpresa Zientzien karrera egina duten profesionalen zuzendaritza eta kudeaketa gaitasunak dinamizatzea da.

Titulu horren —Mondragon Unibertsitateko Enpresa Zientzien Fakultateak zorroztasun handiz egina— arrakastaren gakoak enteleguaren eta pragmatismoaren arteko eta ezagutzaren eta horren aplikazioaren arteko orekan daude, zientziaren zorroztasuna enpresa-kudeaketaren artearekin uztartu nahian eta, betiere, inguruneko enpresa-errealitatearekin harreman sendoari eutsiz.

Ezaugarriak

• Ekintzailetza eta barne-ekintzailetza: horren ikasketa eta praktika egungo enpresa-kudeaketaren ereduari atxikita daude eta ideia berrien sorrera eta horiek negozio berrietan aplikatzea sustatzen du.
• Norberaren eta lantaldearen lidergoa: bakoitzak dituen ezagutza teorikoak eta praktikoak eta lantaldeen lidergo-gaitasuna sendotzen dira.
• Zuzendaritza-gaitasunak: pertsonak eta giza taldeak zuzentzako gaitasunak garatu eta banakako sormena sendotu lantaldeetan parte hartuz.
• Berrikuntza eta Ikuspegi Estrategikoa: parte-hartzaileei metodologia eta enpresa-kudeaketarako sistema berriztatzaileenak ematen zaizkie.

• Eraginkortasuna: norberaren eraginkortasuna nahiz enpresa barneko lantaldeena garatzen da.

  Itzuli gora

Egitura

MBAren iraupen-kredituak honela banatzen dira:

A) Modulu komunak: 2008ko urritik 2009ko otsailera

Programa kontzeptuzko 7 moduluk osatzen dute; guztira, 20 kreditu. Modulu bakoitzeko saioetan bisitak egingo dira fakultatearen inguruko enpresa eta erakunde esanguratsuetara.

1. Ekintzailetza: 3 kreditu Ekintzaileen eta zuzendarien profilak, negozio-planak edo Business Plan, ekintzaileei laguntzeko egiturak, enpresak sortzeko esperientziak, pertsona negozioen iturburuan. 
2. Kudeaketa estrategikoa: 3 kreditu Antolaketa-diseinuak, pentsaera estrategikoko eskolen azterketa eta bilakaera, eredu berriak  erakundeen kudeaketan.
3. Pertsonak zuzentzea: 2 kreditu Balioen araberako zuzendaritza: kultura eta antolamendu-aldaketak, partaidetzazko kudeaketa, emoziozko adimena.
4. Ekonomia eta finantzak: 3 kreditu Nazioarteko merkataritza eta globalizazioa, enpresaren alderdi juridikoak, finantza-egoeren azterketa, kostuen kudeaketa, inbertsioen azterketa.
5. Marketina: 3 kreditu Harremanezko ikuspegia, merkatuen azterketa, marketin-plana.
6. Berrikuntzaren kudeaketa: 3 kreditu Berrikuntzarako abiapuntua, berrikuntza: kudeaketa eta estrategia, berrikuntza praktikan, berrikuntza zentro teknologiko batetik.
7. Zuzentzeko gaitasunak: 3 kreditu Pertsona arteko komunikazioa, negoziazioa, talde-lana, zuzendaritza eta lidergoa.

B) Espezialitateko Modulua: 2009ko otsailetik uztailera

Programak 5 gai-multzo garatzen ditu eta, guztira, 20 kreditu ditu:

1. Zuzendaritza estrategikoa eta kalitatea: 3 kreditu Zuzendaritza estrategikoko prozesua. EFQM eredua. Prozesukako kudeaketa. Helburuen hedapena eta aginte-panela. Ezagutza eta parte-hartzea. Informazio-sistemak. Lehiatzeko abantaila.
2. Garapen pertsonala: 8 kreditu Elkarrizketazko eskuduntzak: garapen eta sakontze-tailerrak. Banakako eta taldekako lana.
3. Finantzak: 3 kreditu Plangintza eta Kudeaketa-kontrola. kontabilitateko egoera-orriaren azterketa. Inbertsioak aukeratzea. Fiskalitatea. Finantzaketa-iturriak.
4. Marketin: 3 kreditu Marketin-kudeaketa industria-inguruneetan eta bezeroekiko harremana optimizatzea. Marka, etorkizuneko erakundeen funtsezko aktibo materiagabea. Salmenta-indarraren antolaketa eta kudeaketa.
5. Logistika eta ekoizpena: 3 kreditu Ekoizpen-sistemak. Produktuen eta prozesuen diseinua. Logistika integrala. Garraioaren kudeaketa. 

C) Master bukaerako proiektua

Ikasleek banaka eta tutoretzapean proiektu bat egingo dute; proiektuak 20 kredituko iraupena izango du.

Itzuli gora

Irakasleak

Modulu guztietan txostengileak herenka banatuko dira, hala nola: heren bat MUko irakasleek osatuko dute; beste heren bat aholkularitzetako, ikerketa-zentroetako eta beste zenbait unibertsitateko txostengileek eta hirugarren herena enpresa-alorreko profesional garrantzitsuek.

Masterreko zenbait txostengile aipatzen dira jarraian:

Itzuli gora

Metodologia

Klaseak elkarreragileak dira eta parte-hartzaileen parte-hartze aktiboa sustatzen dute etengabe. Halaber, programan zehar, batetik, proiektuak egingo dira, banaka nahiz taldean, eta, bestetik,  bisitak MONDRAGON UNIBERTSITATEAren inguruko enpresa eta erakunde esanguratsuetara. Jarraipena eta tutore/bideratzaile bidezko laguntza pertsonalizatua etengabeak izango dira.

Itzuli gora

Onarpenerako baldintzak

Parte-hartzaileek onartuak izateko gutxieneko baldintza hauek bete behar dituzte:

• Unibertsitate titulua edota egiaztatutako lanbide-esperientzia edukitzea.
• Hautespen-prozesua Onarpen Batzordeak egingo du. Batzordeak hautagaien talentua, profilen homogeneotasuna  eta taldera moldatzeko gaitasuna ebaluatuko ditu.

Itzuli gora

Iraupena eta Egutegia

Iraupena, guztira, 40 kreditu teoriko/praktikokoa da eta tutoretzapean egingo den 20 kredituko bukaerako proiektu bat.

Egutegia: 2008ko urritik 2009ko urrira.

Ordutegia:

• Modulu komunak (urria-otsaila): astearte eta ostegunetan 8.00etatik 14.00etara.
• Espezialitateko moduluak (otsaila-uztaila): astearte eta ostegunetan 9.00etatik 13.00etara.

Itzuli gora

Titulua

MBA Masterra – Zuzendaritza Orokorra espezialitatearen titulua eskuratzeko beharrezkoa izango da ikastaroaren %80an parte-hartzea eta proiektuak egitea.

Itzuli gora

Matrikula

• Kostua 7.300 € da, jatorduak eta beste zerbitzuak aparte.  
• Programaren kostu osoa Caja Laboral Euskadiko Kutxaren kreditu bidez finantzatzeko aukera.

Itzuli gora

Ostatua

Fakultateko ikasle-egoitzak ostatua eta mantenu-zerbitzua eskaintzen ditu.

Itzuli gora

Izena emateko baldintzak

• Beharrezko dokumentazioa:
  Eskabide-orria
  Curriculum vitae
• Harremanetarako helbide elektronikoa eta posta-helbidea
• Bi argazki
  NANaren edo pasaportearen kopia
  Titulu akademikoaren kopia
  Aukerakoa: interesgarria izan daitekeen bestelako informazio osagarria

Bidali posta elektronikoz edo postaz helbide hauetara:
Posta elektronikoa: postgrado@eteo.mondragon.edu
Posta arrunterako helbidea:
MBAko zuzendaritza
Enpresa Zientzien Fakultatea
Mondragon Unibertsitatea
Larraña 16, 20560 Oñati, Espainia

Itzuli gora

Koordinazioa

Jose Luis Abaunz, jlabaunz@eteo.mondragon.edu

Tel. 943 71 80 09

Itzuli gora

MBA Masterrera itzuli