Ekoizpen Zuzendaritza

Masterra

Sarrera

Ekoizpen Zuzendaritzako Masterraren graduondoko programa Mondragon Unibertsitateko Goi Eskola Politeknikoak antolatzen du. Aurreko edizioetan, hainbat industria-sektoretako enpresa handi eta txikitako 350 lagun inguruk hartu dute parte programan. Parte hartu dutenen profilak batik bat hauek izan dira:

Esperientzia teknikoa izanda, industriako buruzagi edo zuzendari postuetara iritsiko diren profesionalak.
Industria-kudeaketan, eraginkortasun-parametroak hobetu nahi dituzten zuzendariak.

Bertaratzen direnek egindako ebaluazioei eta Mondragon Unibertsitateko irakasleek egindako ekarpenei esker, programa etengabe eguneratu, hobetu eta berritzen da; gainera, jarduneko enpresako aholkulariek eta profesionalek egiaztatzen dute. Modu horretan, edukien barnean, egungo gaiak eta parte-hartzaileentzat interesgarriak direnak jorratzen dira.

Itzuli gora

Helburuak

Ekoizpen Zuzendaritzako Master programaren asmoa bertaratuek irakaskuntza-ikaskuntza berritzaile baten bitartez Industria-kudeaketako alderdi guztietan gaitasun osoa eta diziplina arteko gaitasuna hartzea da.

Helburu garbiak hauek dira:

Jarduneko profesionalei Industria-kudeaketako ingurune lehiakor berrien ikuspegi osoa ematea.
Industria-kudeaketako eredu egokia diseinatzeko ez ezik, enpresa bikain baten erreminta eta teknika propioak ezartzeko ere beharrezkoa den gaitasuna garatzea.
Taldeak eta pertsonak zuzentzeko gaitasunak eta trebetasunak jorratzea, etengabe ikasteko gai izango den industria-antolamendu azkarra eta norberak kudeatua lortze aldera.

Itzuli gora

Metodologia

Programa garatzeko, IRAKASKUNTZA AKTIBOA erabiliko da; hau da, parte-hartzaileek parte hartzeko prozesua izango da, eta programa ahalik eta gehien aprobetxatzen dela ziurtatzeko segimendua eta kontrol akademikoa egingo da. Irakaskuntza-ikaskuntza prozesuaren oinarriak ondorengo metodologia-kontzeptuak izango dira:

Azalpen eta kontzeptu teorikoak.
Kontzeptu horien eta kontzeptu horiek enpresa-kudeaketan aplikatzearen gaineko analisia eta hausnarketa, denen artean.
Benetako kasuak erakustea, jorratutako kontzeptuak benetan baliozkoak diren egiaztatzeko.
Kontzeptuak aplikatzea aplikazio-proiektu batean.
Honako hauek bateragarri egitea: alde batetik, hartutako gaitasun teknikoak: eta, bestetik, ikasteko, komunikazio eraginkorrerako, talde-lanerako eta lidergorako eta pertsonen zuzendaritzarako gaitasunen garapena.

Horretarako, prestakuntza dinamika berezia diseinatu da; hain zuzen ere, gaitasun teknikoko moduluak ematen diren bitartean, gainerako gaitasunak zeharka landuko dira, hots, programa guztian zehar pixkanaka-pixkanaka hartuko dira, eta modu horretan, finkatu ahal izango dira.

Parte-hartzaileek ikastaroa aprobetxatzen dutela bermatzeko, ikastaroan zehar norberak aplikatzeko proiektua bete beharko da. Proiektu horrek 3 fase izango ditu:

Prozesuaren eta jarduera-parametroen definizioa.
Egungo egoeraren diagnostikoa eta hobetzeko aukerak.
Garapen- eta ezarpen-plana (eskola-denboraldiaren ondoren)

Prozesu guztian zehar, parte-hartzaileek Unibertsitateko irakasle-tutoreen laguntza eta aholkularitza teknikoa izango dute.

Itzuli gora

Programaren egitura

Masterrak batik bat azpimarratu nahi du industria-enpresak kudeatzeko estrategia; horrela, kudeaketako BIKAINTASUNEKO erreferentzia-eredua proposatzen du, pertsonetan eta prozesuetan oinarritua.

Eskola-egunetako moduluak esparru horretan diseinatu dira.

Itzuli gora

Edukiak

I. Modulua

Enpresa eta haren ingurunea (19 ordu)

urtarrila 8 - urtarrila 20

Enpresa sistema sozio-tekniko ireki gisa
Egungo enpresa-testuingurua. Egungo estrategia lehiakorrak
Ekoizpen-estrategiak

II. Modulua

Ekoizpen-gako lehiakorrak (38,5 ordu)

urtarrila 22 - otsaila 12

Bezeroari zuzendutako enpresaren ezaugarriak
Ekoizpen serieko prozesuen simulazio-ariketak
Zentzuzko ekoizpen prozesuen simulazio-ariketak
Prozesu logistikoaren karakterizazioa
Lehiakortasun-irizpideen eredua eta ebaluazioa
Enpresa bisitatzea

III. Modulua

Ekoizpen-ingeniaritza (38,5 ordu)

otsaila 24 – martxoa 17

Value Stream Mapping. VSM
Sistema fisikoa eta produkzio-sistema arrazionalizatzeko teknikak:

Prozesuak simulatzeko erreminta
Enpresak bisitatzea

IV. Modulua

Antolamendu-eredua (55 ordu)

martxoa 26 – maiatza 14

Antolamendu-eredua eta Kalitate osoa
Bezeroari zuzendutako enpresa. Antolamenduaren ezaugarriak
Kudeaketa prozesuen arabera
Proiektu anitzeko inguruneen kudeaketa
Diseinu-prozesua eta produktu berriak ateratzea
Hobetzeko programak:

Enpresak bisitatzea

V. Modulua

Ekoizpenaren kudeaketa (68,5 ordu)

maiatza 19 – ekaina 25

Produkzio- eta logistika-sistemaren ikuspegi osoa: Logistika osoa
Ekoizpen-logistika:

Erosketen eta horniduren gaineko logistika
Banaketa-logistika
Eskaera-bezeroa prozesuarentzako euskarri informatikoko sistemak. ERP sistemak
Enpresak bisitatzea

VI. Modulua

Kalitatearen gaineko ingeniaritza (49,5 ordu)

iraila 1 - iraila 29

Kalitate-kontrola:

Kalitatearen plangintza: AMFE
Kalitatea hobetzea:

VII. Modulua

Ekonomia- eta finantza-kudeaketa (24,5 ordu)

urria 6 - urria 15

Ekonomia- eta finantza-azterketak:

Enpresaren alderdi juridikoak
Estrategiaren finantza-tamaina

VIII. Modulua

Zuzendaritza (43,5 ordu)

urria 22 – azaroa 26

Helburu estrategikoetan pertsonek parte hartzeko gakoak
Pertsonen kudeaketa-sistema diseinatzea, estrategiaren arabera
Zuzendaritza- eta lidergo-estiloak
Zuzendaritza, balioen arabera
Aldaketa-kudeaketa: antolamendu-aldaketa eraginkorra izateko estrategiak
Lan-bileren zuzendaritza
Enpresa bisitatzea

IX. Modulua

Zertarako konpetentzia eta trebetasunak (52 ordu)

Pertsona bakoitza enpresan eta pertsona arteko harremanak
Gaitasunen garapena: komunikazio eraginkorra
Gaitasunen garapena: denbora antolatzea
Gaitasunen garapena: talde-lana
Gaitasunen garapena: negoziazio-teknikak
Gaitasunen garapena: IKTak
Kontzentrazioa eta erlaxazioa baliabide bezala ikastaroan zehar

X. Modulua

PROIEKTUA (120 ordu)

2009ko urtarrilaren 13tik - 2010eko urtarrilaren 29ra

Itzuli gora

Egutegia eta banaketa

Ekoizpen Zuzendaritzako Masterraren programa 509 ordukoa da, eta orduak honela banatzen dira:

389 eskola-ordu, 9 modulutan banatuta
120 ordu, norberaren proiektua garatzeko. Ordu horiek honela banatuko dira:

Itzuli gora

Onartzea

Programa egin nahi dutenek onarpen-eskaera aurkeztu behar dute 2008ko abenduaren 12a baino lehen.

Profesionalei zuzendutako graduondoko titulua denez, master-titulua lortzeko ondorengo baldintzak bete behar dira:

Erdi- edo goi-mailako unibertsitate-titulua.
Industria-kudeaketa arloan gutxienez 2 urteko lanbide-esperientzia izatea.

Eskakizun horiek betetzen ez dituztenei Masterra egin izana ziurtatzen duen diploma emango zaie.

Master programan gehienez 20 ikasle hartuko dira.

Onarpen Batzordeak eskaerak aztertu eta gero, erabakiaren berri emango du 7 eguneko epean.

Itzuli gora

Antolamendua eta hizlariak

Programaren zuzendaritza eta antolamendua

Xabier Sagarna. Mondragon Goi Eskola Politeknikoko Enpresa-Harremanetarako zuzendaria.

Koordinazio teknikoa

Migel Egaña. Mondragon Goi Eskola Politeknikoko Industri Antolamendu eta Kudeaketa Saila.

Ikastaroko modulu bakoitza irakasle batek koordinatuko du, eta hari esker, aipatu arloa behar bezala garatuko da.

Irakasleak

Ekoizpen Zuzendaritzako Masterraren programa emango dute, besteak beste, Mondragon Unibertsitateko irakasleek, enpresa aholkulari eta zentro teknologikoetako profesionalek eta industria-enpresetako zuzendariek eta teknikariek.

Aurreko edizioetan egondako zenbait hizlari: