Masterra

Helburuak

Bazkide-Kooperatibo Garapenean Masterra programaren helburua parte hartuko duten ikasleek trebakuntzako ondorengo xedeak lortzea da:

• Parte-hartzaileei nazioarteko mugimendu kooperatiboaren eta Arrasateko Esperientzia Kooperatiboaren ezagutza sakona eskaintzea.
• Parte-hartzaileei errealitate sozial garaikidearen irakurketa gizarte-etikoa eskaintzea.
• Parte-hartzaileak kooperatibaren kudeaketa sozial eta erakunde mailakoan gaitzea, parte-hartzearen ikuspuntutik abiatuta.
• Parte-hartzaileak gaitzea kooperatibako trebakuntzaren kudeaketa eragingarrirako eta eguneraturako.
• Parte-hartzaileei sozietate kooperatiboarekin lotura duen ikuspuntua eskaintzea: pertsonen arteko lankidetza sustatu ahal izateko beharrezkoak diren elkarrizketarako gaitasunak garatzea.

Aipatutako helburu horiek erdiesteko, benetako esperientzietatik abiatuta, kontzeptuen mailako oinarria eta garapen praktikoa eskainiko ditugu.

Itzuli gora

Metodologia

Eskolak interaktiboak dira eta parte-hartzaileen esku-hartze aktiboa bultzatuko da uneoro. Era berean, enpresako Master Amaierako Proiektuaz gain, taldeka zein banaka proiektuak egingo dituzte programan zehar; gainera, hainbat enpresatara eta MONDRAGON UNIBERTSITATEaren inguruko erakunde aipagarrietara bisitak egingo dituzte. Gainera, tutoreekin/bideratzaileekin laguntza pertsonalizatua eta jarraipena izango dute uneoro.

Itzuli gora

Parte-hartzaileak

Onartu ahal izateko, parte-hartzaileek ondorengo gutxieneko baldintzak bete beharko dituzte:

• Unibertsitateko titulazioa edota egiaztatutako esperientzia profesionala.
• Hautaketa prozesua Onarpen Batzordeak egingo du; hark aztertuko du hautagaien talentua, profilen homogeneotasuna eta taldera egokitzeko gaitasuna.

Itzuli gora

Egitura

Masterrak oinarrizkoak edo enborrekoak diren 4 modulu biltzen ditu, Enpresa Kooperatiboen Gestioan Masterrarekin; horrek 7 modulu espezifiko eta Master Amaierako Proiektua biltzen ditu, hori ere espezifikoa. Aurrez ikusita dagoen iraupena urtebetekoa da (60 ECTS kreditu).

Oinarrizkoak edo enborrekoak diren moduluak (15 kreditu)

1. modulua: Mugimendu kooperatiboaren historia eta Arrasateko kooperatiba - esperientzia 3 k.
2. modulua: Etika eta enpresa kooperatiboa: Erantzukizun Sozial Korporatiboa,3k.
3. modulua: Estrategia-kudeaketa eta Antolamendu-diseinuak, 3k.
4. modulua: Ekonomia globala eta kooperatibismoa, 3 k.
5. modulua: Kooperaziorako elkarrizketa-gaitasunak, 3 k.

Espezializazioko gaiak (25 kreditu)

1. modulua: Bilakaera sozialaren giltzarriak: aldatzen ari den munduan aldatzen den gizartea, 3 k.
2. modulua: Etika eta enpresa mundu globalizatuan, 3 k.
3. modulua: Arrasateko Esperientzia Kooperatiboa (sakontzea), 4 k.
4. modulua: Partaidetza kooperatiboaren gestioa, 4 k.
5. modulua: Partaidetza-lankidetzaren dimentsio pertsonala: elkarrizketarako gaitasunen garapena lankidetzarako (sakontzea), 4 k.
6. modulua: Trebakuntza kooperatiboaren gestioa, 4 k.
7. modulua: Enpresa kooperatiboaren konpromiso soziala, 3 k.

Master Amaierako Proiektua (20 kreditu).

 Itzuli gora

Irakasleak

Irakasleria MONDRAGON UNIBERTSITATEko hainbat fakultatetako irakasleek eta enpresen eremuko profesional aipagarriak diren hizlariek osatuko dute (aholkularitza enpresak, sektore ugaritako enpresak, eta abar).

 Itzuli gora

Titulua

Ikastaroetan parte hartu eta proiektuak egin izanak (gutxienez, ikastaroen %80ra joan beharko dute) ahalbidetuko die Masterraren titulua eskuratzea.

 Itzuli gora

Antolamendua

Zuzendaria: Zigor Ezpeleta, LANKI Lankidetzaren Ikertegiko kidea, Giza Zientzien eta Hezkuntza Zientzien Fakultatea.

Moduluen Koordinatzaileak: Alor bakoitzeko irakasle espezialistak.

 Itzuli gora

Egutegia

2006ko urria – 2007ko urria.

Astearte eta ostegunetan, 8:00etatik 14:00etara.

www.mondragon.edu

sarrera@huhezi.mondragon.edu

 Itzuli gora

Ikusi Graduondo Guztiak