Marketineko Ikastaro Aurreratua
Aurreratua
Sarrera
Gero eta konplexuagoa den ingurunean lehiatzeko abantailak bilatzea gero eta zailagoa da. Erakunde handiek nahiz enpresa eta negozio txikiek, zein sektoretan jarduten duten kontuan hartu gabe, erabakiak hartzerakoan bezeroak garrantzi handia duela aitortzen dute. Horrela, kudeaketan bikainak diren enpresen ezaugarri nagusiak bezeroarenganako orientazioa eta merkataritza-prozesuen optimizazioa izango dira.
Marketin-diziplinaren funtsa antolakuntza bezeroarengana orientatzean eta bezeroen satisfazioa eta leialtasuna lortzeko beharrezko tresnak aplikatzean datzanez, nabarmena da enpresa-kudeaketan duen garrantzia. Marketin sail desberdinak egon arren, erakunde orok, nahiz doako eremuetan nahiz doakoak ez direnetan, kontsumo- eta industria-sektoretan edo zerbitzuen sektorean aritu, Marketina egiten dute modu kontzientean edo ez-kontzientean.
Errealitate horrekin bat, Enpresa Zientzietako Fakultateak Gipuzkoako Ganberarekin batera Marketineko Ikastaro Aurreratuaren edizio berri bat eskaintzen dizue eta arlo horretako irakasle, profesional eta erreferentziazko enpresek marketinaren mundu erakargarrira hurbilduko zaituzte.
Helburuak
Ikastaroaren helburua lizentziatu berriak, teknikariak eta profesionalak trebatzea da, bezeroekiko harreman integrala modurik hobeenean kudeatzeko beharrezko gaitasunak eta ezagutzak gara ditzaten; bezeroa baita edozein erakunderen oinarrizko aktiboa. Horretarako, besteak beste, honako alderdiak azpimarratuko dira:
-
Bezeroarenganako orientazioa
-
Bezeroak leialtzea
-
Customer Relationship Management (CRM) / Bezeroekiko harremanen kudeaketa
-
Marketin estrategikoa
-
Branding eta markako kudeaketa estrategikoa
-
Salmenta-indarraren antolaketa eta kudeaketa
-
Berrikuntza eta marketina
-
Gaitasun komertzialak
Marketinaren mundura estreinako aldiz hurbiltzen den ikasleari ikastaro horrek aplikaziorako oinarrizko kontzeptuak eta gaitasunak menderatzen lagundu behar dio. Bestalde, jardunean ari diren profesionalei ikastaro horrek hausnarketarako eta berrikuntzarako espazio ideal bat ere eskaini behar dio, eguneroko jarduerak direla eta sarritan ahazten dugun espazioa.
Parte-hartzaileak
Eskabideak banaka aztertuko dira ekarritako dokumentazioa kontuan hartuta. Sarrera-baldintzak betetzeko, hautagaiak curriculum egokia eduki behar du, hau da, unibertsitateko titulua edota lanbide-esperientzia nahikoa.
Metodologia
Ikastaroan zehar zuzeneko klaseak emango dira, merkataritza-jardueren kudeaketa bikaina lortzeko alderdi teorikoak eta praktikoak konbinatuko dituena. Lehentasuna irakaskuntza aktiboari emango zaio eta irakatsi eta ikasteko prozesu parte-hartzailean oinarrituko da.
Profesional kualifikatuen eskutik ikasleak joera berritzaileenen eta esperientzia arrakastatsuen berri jakingo du eta ikaslearen errealitate berezira aplikatzen saiatuko da uneoro.
Irakasleak
Ikastaroan zehar, izen handiko txostengileek hartuko dute parte. Horiek merkataritza-jardueraren ikuspegi osoa emango dute eta beharrezko zorroztasun akademikoa bermatuko dute, kontzeptuen aplikazio praktikoa bermatzeaz gain. Horretarako, txostengileak herenka banatuko dira, hala nola: heren bat MUko irakasleek osatuko dute; beste heren bat aholkularitzetako, ikerketa-zentroetako eta beste zenbait unibertsitateko txostengileek eta hirugarren herena enpresa-alorreko profesional garrantzitsuek.
Programaren egitura
1.MODULUA Bezeroarenganako orientazioa, mitoa edota errealitatea? 16 ordu
- Bezeroarengana orientatutako enpresa
- Prozesukako kudeaketa eta bezeroarenganako orientazioa
- "Client Oriented" enpresa modeloa
- Bezeroa leialtzeko tresnak
- Prozesuen berantolaketa
- Prozesuen maparen elaborazioa
2.MODULUA Marketin estrategikoa 32 o
- Hausnarketa estrategikoa vs Marketing Plana
- Segmentazio eta posizionamendu estrategiak
- Bezeroak leiatzeko herramintak
- Produktu politikak
- Prezio politikak
- Banaketa politikak
- Komunikazio politikak
3.MODULUA Marketineko informazio sistemak 16 ordu
- Erabakiak hartzeko merkataritza-ikerketarako tresnak
- Bezeroen gogobetetasuna neurtzeko prozedurak
- Datuak aztertzeko teknika aurreratuak
- Informazioa tratatzeko programan sarrera: Gandia Barb-Win
4. MODULUA Marketing 2.0 16 ordu
- 2.0 marketingera aplikatutako tresnak: blog, wiki...
- Marketing mobila
- Konsumitzaile berria: Crossumer
5. MODULUA Sales Force Management 16 ordu
- Sare komertzialen antolaketa
- Salmenten manuala
- Salmenten sarearen planifikazio eta kontrola
- Arrakasta komertziala lortzeko printzipioak
- Negoziazio teknikak
- Hitzez bestelako komunikazioa
6.MODULUA Berrikuntza eta marketina 16 ordu
- Marketing eta Berrikuntza
- Produktuak sortzea eta bezeroekiko harremana
- Sormena marketinean
- Marketinari aplikatutako teknologia berriak
7.MODULUA Brand Management 16 ordu
- Branding-era sarrera
- Gaur egungo egoera
- Gaurko kontsumitzailea eta bere jarrera
- Branding: zer ez den eta zer den
- Markaren kudeaketa: garatzeko puntuak
- Branding implementazioa
- Naming
- Visual estiloa
- Komunikatzeko beste teknika batzuk
- Barne Branding-a
- Internet eta erabilera berria
- Praktika
8.MODULUA International Marketing 16 ordu
- Nazioarteko Marketing estrategia
- Marketing mix international
- China eta Indiako merkatuetan sarrera
BUKAERAKO PROIEKTUA 40h
Orduak guztira....200 ordu
Tokia eta egutegia
2011ko otsaila - uztaila
Eguna: ostiraletan
Ordutegia: 9:00etatik 13:00etara eta 14:30etik 18:30era
Gipuzkoako Ganbera (Donostia-San Sebastián)
Eskabideen aurkezpena
2010ko urtarrilaren 22 arte.
Titulua
Ikastaroetan gutxienez %80ko parte-hartzea izan duten ikasleei Mondragon Unibertsitatean Marketineko Ikastaro Aurreratua egin dutela egiaztatzen duen diploma emango zaie.
Programaren egitura osatzen duten moduluren batean parte hartzeak dagokion Marketineko ikastaroan izan dela egiaztatzen duen ziurtagiria eskuratzeko eskubidea ematen du.
Programaren kostua
Matrikula: 2.500€. "Fundación Tripartita" bitartez subentzioa lortu daiteke.
Ikastaroaren koordinazioa
Marian Martin
Marketin Saila
Informazioia eta izen-ematea
Mondragon Unibertsitatea
Enpresagintza Fakultatea
Larraña 16, 20560 OÑATI
GIPUZKOA
-
Telefonoa: 943 71 80 09
-
Faxa: 943 71 81 62
-
E-posta: postgrado@eteo.mondragon.edu
