Moodlen eraginkortasuna unibertsitate mailako matematikako irakaskuntzan eta praktika zientifikoetarako aplikazioa

Carlos Gorria y Javier Gutierrez presentaron la experiencia que han tenido con Moodle en varias asignaturas de Matemáticas en la UPV, valorando positivamente las posibilidades de la plataforma para ofrecer a los alumnos actividades interesantes de modo sistemático y facilitar la comunicación entre profesoralumno. Sin embargo, recalcaron la necesidad de no cegarnos con la multitud de recursos que ofrece Moodle, ya que los alumnos tienen un tiempo limitado para dedicar a cada asignatura.

Carlos Gorria eta Javier Gutierrezek (EHU), Moodle erabiliz matematikako zenbait ikasgaitan izandako bi esperientzia aurkeztu zituzten. Praktika informatikoetan partaideek osatutako programazio-aginduen eta erroreen glosategia eta LATEX editore zientifikoaren erabilera. Biak ere  matematikako ikasleek eskuratu beharreko oinarrizko gaitasunetan trebakuntza erraztera bideratuak. Alta, dozentziaren kalitatea hobetzeko kontutan hartzeko alderditzat jo zituzten honakoak: eduki teorikoaren eskuragarritasuna, ariketa praktikoen proposamenak, irakaslearekiko harremanak eta ekintza kalendarioaren segimendua.

Irakasgaiaren planifikazioa

Moodlek baliabide ugari eskaintzen ditu helburuak zein edukiak transmititzeko eta ekintza praktikoak sustatzeko. Edonola ere, ikasgaiaren berezitasunak eta kreditu kopurua oinarrian, aplikazio esanguratsuenak erabiltzearen beharra azpimarratu zuten. Baliabide hau neurrigabe garatzea ikasleentzat astuna izateaz bat, kontrako ondorioak ekar baititzake. Hori ekiditearren, beste irakasleekiko esperientzia elkartrukatzea proposatu zuten planifikazioa optimizatzeko biderik egokientzat. Orokorrean, matematikako irakasgaietan erabiltzen dituzten baliabideak honakoetan bildu zituzten: gai-zerrenda, bibliografia, praktikagidoiak, gaiarekin zerikusia duten web guneekiko estekak eta ariketa zerrenda, besteak beste.

Glosategiak

Bilakuntzak egiteko eskaintzen duen aukera aipatu zuten glosategiaren abantaila nagusitzat. Sortzaileak sarrera bakoitzeko hitz-gako esangarrien sorta aukeratzen du ondorengo erabiltzaileek erantzun lagungarriak aurki ditzaten. Kasuan, zenbakizko metodoetako gaian gehien erabilitako agindu eta egiturekin eta maizen agertutako erroreekin osatutako glosategiaren adibidea aurkeztu zuten.

Latex

Matematikako irakasgai bat Moodlen inplementatzerakoan, formulak idaztea berehala agertzen den beharra izaten dela adierazi zuten. Irakasleak testu zientifikoko editoreaz baliatu behar du apunteak eta ariketa zerrendak prestatzeko eta interneten zintzilikatzeko. Horretarako bi aukera izan ohi direla azaldu zuten: Word (edo antzekoak) eta Latex software askea. Euren esperientzian oinarrituz, bigarrenaren aldeko agertu ziren. Nahiz eta hasiera batean konplikatuegia iruditu, goi mailako testu zientifikoak idazterakoan Latex-en egokitasuna azpimarratu zuten, bai prozesatutako testuaren itxuraren kalitateagatik baita eskaintzen dituen baliabideen aniztasunagatik ere.