Hezkuntza testuinguru multikultural eta eleaniztunetan Master ofiziala (Ekomu)

Gure ikasketa eredua

Metodologia

Erabiltzen den metodologia %100 online da, Moodle plataformaren bidez.

Ikaskuntza-irakaskuntza prozesuaren antolamendua Mondragon Unibertsitatearen hezkuntza-ereduaren irizpideen arabera  gorpuztuko da. Honela laburbil ditzakegu horiek:

• Ikaskuntza adierazkorra sustatzea, aurretiko esperientziekin eta errealitate profesionalarekin ikaskuntzek izaniko loturaren bitartez.
• Ikaskuntza autonomoa eta ikaslearen erantzukizuna garatzea.
• Taldean ikas dadin ahalbideratzea.
• Teoria eta praktika profesionalak lotzea.
• Ikasgaien ikaskuntzak elkarrekin lotzea.

Ikaslea dugu ikaskuntzaren ardatza. Ikasleak zuzendutako proiektuak bere prestakuntza-ibilbidea markatuko du.

Ikaskuntza funtzional eta esanguratsua: metodologiak honako alderdiak biltzen ditu: kasuen azterketa, egoerei buruzko azterketa eta hausnarketa, informazioaren bilaketa nahiz eztabaida, eta proiektuan oinarritutako bestelako metodologiak.

ECTS bakoitzak ikaslearen 25 orduko lana eskatzen du.

Gure ikasketa eredua

Praktikak eta Master bukaerako proiektuak

EKOMU Masterrean Praktikak eta MAPa eskutik helduta doaz, proiektua izanik masterraren markoa. Horrenbestez, proiektua ez da lan bat master amaieran soilik garatzen dena, aitzitik, prozesua irekia da, masterraren hasieratik abian jartzen dena eta praktika aldiekin lotura zuzena duena, izan ere, praktikak proiektuaren partea ere badira. Esan daiteke practicumak proiektuaren aurreneko faseak direla, non definitzen diren proiektuaren objektua eta egingo den esku-hartzea.

Bai praktikek, eta master amaierako lanak aukera ematen dute hezkuntza-teoria eta praktika lotzeko, ikertzeko, gainerako profesionalen eta norberaren praktikez gogoeta egiteko eta, era berean, hobekuntza-proposamenak egiteko. Hezkuntza-komunitateko eta inguru sozialeko eragileekiko kolaborazioa ahalbideratzen du, halaber.

Hezkuntza-erakundeetako berrikuntza prozesuak eta, horrekin batera, masterra egin denean eskuratu diren gaitasunak ebaluatzeko modua sakon ezagutzea sustatzen du: horrela, nork bere burua hobeki ezagut dezake, gizaki eta profesional den heinean.

Praktikak

Practicumaren asmo nagusia hobekuntza prozesuaren kokapena egitea da. Hala, erakunde-ikastetxeari lehen hurbilpena eginez, nolabaiteko diagnostikoa egingo da testuingurua irakurriz (hobekuntza martxan jartzeko ahulguneak eta indarguneak identifikatu, protagonisten iritziak, erreferenteak izan daitezkeen esperientzien identifikazioa…). Diagnostiko horren bidez erakunde-ikastetxearen azterketa egingo da, eta behar baten (batzuen) detekziorako erabiliko da.

Practicumaren helburu nagusia da jadanik identifikatu den arazoaren inguruan aurre-proiektu bat diseinatzea, bertan definitu beharko da beharraren aurrean planteatzen den esku-hartzea.

Bi aurre proiektu mota berezi daitezke:

• Ikerketa jarduera inplikatzen dutenak.
• Bestelakoak:
• Zentruko Proiektua egitea, berregitea, eta abar.
• Gelan egiteko esku-hartze baten diseinua (sekuentzia didaktiko bat diseinatu eta inplementatu).
• Praktika gogoetatsu bat diseinatu eta inplementatu egiteko desberdinekin (bakarka, zikloka, klaustro osoarekin).
• Europatik datozen politiken aplikazioa hainbat eremutan.
• Ikastetxeko hezkuntza proiektua gelan betetzen den arakatzea.
• Hizkuntzen curriculum bateratua egitea.
• Material didaktikoak sortzea.

Proiektua (MAP)

Master amaierako proiekturako aukeratu den ardatz metodologikoa “Arazoen konponketan oinarrituriko eta proiektu bat garatzera zuzenduriko ikaskuntza” (Project oriented problem-based learning POPBL) da.

Arazoa praktiketan zehaztuko da, eta ikasleari zera eskatu beharko dio: testuinguru jakin batean konponbidea ekarriko duen egintza bat garatzeko, hainbat  jarraibide beterik. Ikasleak, lehen-lehenik, egoera gatazkatsua idatziz jaso behar du, arazoa ulertzeko behar diren datu guztiak emanez: denbora, toki, gizarte, kultura eta abarrei dagokien testuingurua, datu objektiboak jasoz, interpretaziorik egiteke.

Bigarrenik, konpondu beharreko kontu edo arloak planteatu behar ditu ikasleak, ikerkuntza-galderak edo hipotesiak formulatuz. Galdera horiei esker, proiektuaren lehen zirriborroa taxutu ahal izango du. Ondoren, ikasleak informazio bila hasi beharko duenez, testuinguru horren gaineko datuak hartuko ditu eta datuak biltzeko baliatuko dituen bitarteko eta estrategien peskizan aritu beharko du, tutore baten laguntzarekin prozesu osoan ere. Prozesu dinamiko horretan, ikasleak unean-unean birformulatuko du proiektua, berak eginiko ikerketaren arabera.

Azkenean, kontua mugatu eta zehaztutakoan, hobetzeko proposamena egin ahal izango du. Proiektua amaitutakoan, horren aurkezpena eta defentsa egin beharko du ikasleak.

Hezkuntza Eredua

Helburuak eta Konpetentziak

EKOMU masterrak (“Hezkuntza Testuinguru Eleanitz eta Kulturartekoan”) formazio eskaintzen du gizartearen aldaketa ekonomiko eta sozialek hezkuntza arloan sortu duten testuinguru eleanitz eta kulturartekoak garatzeko eta kudetzeatzeko.

Lan-alorrei dagokiela, Hezkuntza Testuinguru Eleanitz eta Kulturartekoan espezialistek hainbat jarduera bete ditzakete hezkuntza-erakundetan: hezkuntza-zentroetan, hezkuntza-administrazioan, hezkuntzan diharduten erakundeetan. Profesional horiek hainbat aldaketa zereginen bitartez sustatu eta kudeatuko dute: zuzendari, koordinatzaile, irakasle, udaletxeteko teknikari, zerbitzu sozialak, argitaletxeak, eta abar.

Beren jarduera alor hauetan beteko dute:

• Ikaskuntza-irakaskuntza programak etengabeko hobetze-ikuspegi batez kudeatzea:
• Curriculumeko eduki berriak diseinatu eta kudeatzea.
• Curriculumaren garapena koordinatu, begiratu eta balioztatzea.
• Hezkuntza-agertoki berriak diseinatu eta kudeatzea.
• Proposamen didaktiko berritzaileak diseinatu eta kudeatzea.
• Irakasleak motibatzea, berrikuntzaren aurrean beren ekimena eta irekiera sustatuz.
• Aldaketa metodologikoaren araberako balioztapen-proposamenak diseinatzea.

• Irakasleak garatzeko egintzak sustatu eta kudeatzea:
• Espazioak sustatzea irakasleek irakaskuntzaren hobekuntzarekin loturiko gaiak aztertu eta jorra ditzaten.
• Aldaketa metodologikoarekin loturiko hezkuntza-premiak identifikatzea.
• Irakaskuntza-praktika hobetzeko xedez heziketazko jarduerak diseinatu eta abian jartzea.

• Ikasten diharduen erakunde den aldetik, hezkuntzaren antolamendua hobetzeko egintzak sustatu eta kudeatzea:
• Elkarlanerako kultura garatzen lagunduko duten egintzak abian jartzea.
• Arazoak konpontzea eta erabakiak elkarrekin hartzea xede izango duten egiturak garatzea.
• Hainbat hezkuntza-eragileren —senideak, irakasleak, beste norbait— inplikazioa lagunduko duten egintzak garatzea.

• Hezkuntza alorreko beste hainbat erakunderekin sareak eratu eta garatzea ahalbidetuko duten egintzak sustatzea.

Hezkuntza Eredua

Irakaskuntza Programa

Masterraren ikaskuntza-planaren egitura bost bloke edo modulu nagusitan antolatu da. Masterrean bi ibilbide eskainiko dira: ikerkuntza, batetik, eta profesionala, bestetik.

Ikasle bakoitzak 60 ECTS egin beharko ditu.

Hezkuntza Eredua

Ibilbide Akademikoak eta Irteera Profesionalak

Zertarako

• Profesionalak formatzeko.
• Ikasleen hezkuntza-premia integralei aurreratzen dakiten profesionalak formatzeko.
• Ikertzaileak formatzeko.
• Profesional gogoetatsuak, sortzaileak eta konprometituak formatzeko.

Profesionalak trebatzeko gai direnak eleaniztasunari eta multikulturalismoari loturiko hainbat hezkuntza esparru kudeatzeko, hala nola, ikastetxeko proiektu eleanitz eta kulturartekoa planifikatzea eta inplementatzea; eskolako eta aisialdiko hezkuntza-programak diseinatzea; baliabide didaktikoak sortzea eta egokitzea; hezitzaile gogoetatsuak formatzea, eta abar.

Ikasleen hezkuntza-premia integralei erantzuten dakiten profesionalak trebatzeko, beti ere, hizkuntza gutxituen testuinguruan, bigarren hizkuntzan, kulturartekotasunean, eta abar.

Ikertzaileak formatzeko gai direnak testuinguru multikultural eta eleaniztunean arazoak identifikatzeko.

Profesional gogoetatsuak, sortzaileak eta konprometituak formatzeko, gizarte aldakorrera egokitzeko eta berau eraldatzeko gai direnak.

Norentzat

• Hezkuntza unibertsoan aritzen diren eragileentzat: irakasleak, formatzaileen formatzaileak, sindikatuak, gizarte hezitzaileak, Berritzeguneetako teknikariak.
• Administrazio eta udal teknikariak: inmigrazio eta kulturatekotasuneko teknikariak, hezkuntza teknikariak, euskara teknikariak.
• Aditu izan nahi dutenentzat kultur artekotasun eta eleaniztasunaren esparruan.
• Hezkuntza arautuan eta ez arautuan irakatsi nahi dutenentzat, adin eta egoera ezberdineko taldeekin.
• Prestatzaileak prestatu nahi dituenarentzat, ikasleen bilakaeraz ardura izango duenak hizkuntzak eta kulturak garatzeari dagokionez.
• Material didaktikoen alorrean jardun nahi duenarentzat hezkuntza eleanitza eta kultur artekoan.
• Gai hauen inguruan gehiago sakondu nahi duenarentzat (gurasoak, elkarteak...)

Ikasle berriak

Sarrera eta Onarpena

Masterrean sartu ahal izango dute unibertsitateko lizentziatu, diplomatu eta graduatu guztiek eta, oro har, graduondoko ikasketetarako gaitzen dituen unibertsitateko titulu ofizial bat duten guztiek, unibertsitateko irakaskuntza ofizialak ezartzen duen urriaren 29ko 1393/2007 Errege Dekretuak eta Hezkuntzari buruzko 2/2006 Lege Organikoak xedatutakoaren arabera.

Ikasle berriak

Prezioak

5.731€

URTEKO ZENBATEKOA: Zenbateko hau 2013-2014 ikasturterako aurreikusita dagoena da. Kontseilu Errektoreak eguneratuko du 2013-2014 ikasturtearen hasieran.

Ikasle berriak

Bekak eta diru laguntzak

Ikasle berriak

Ostatua eta Garraioa

Ikasle berriak

Kredituak aitortzea

Hauxe esan nahi du kredituak aitortzeak: ikasleak Mondragon Unibertsitatean zein beste edozein unibertsitatetako ikasketa ofizialetan eskuratutako kredituak, ikasten ari den Gradu-ondoko tituluan konputatuko dira (kasuan kasukoetan), titulu ofiziala eskuratzeko helburuarekin.

Lortutako kredituak Fakultate honek aitortu ahal izango dizkio ikasleari, berak aurreko ikasketetan gainditutako materietako gaitasun eta ezagutzen eta Huheziko Gradu-ondoan aurreikusita daudenen arteko egokitzapenaren arabera. Gehienez ere 30 ECTS aitortu ahal izango dizkio eta ezingo dira izan Master Amaierako Lana eta Praktikak.

Kredituen transferentzia terminoak hauxe adierazten du: ikasleak Mondragon Unibertsitatean zein beste edozein unibertsitatetako ikasketa ofizialetan eginiko ikasketei dagozkien kredituak, titulu ofizial bat erdiestera bideratu ez badira, ziurtagiri akademiko ofizialetan sartzea.

Irakaslegoa