Energia eta Potentzia Elektronikako Masterra

Zerk bereizten gaituen

Energiari eta potentzia elektronikari lotutako arloekin zerikusia duten graduondoko ikasketak (masterrak edo graduondoko programak) estatuko eta nazioarteko unibertsitate askotan daude ezarrita. Potentzia elektronikoaren eta makinen ziklo osoa eskaintzen dutenak, ordea, gutxi dira. Ildo horretan, gure masterrean aplikazioen (sorkuntzaren, berriztagarrien, trakzioaren, sare elektrikoaren...) azterketa zehatza egiten da, makinaren eta bihurgailuaren diseinua eta kontrola barne hartuta, bi elementu horiek ezinbestekoak baitira aipatutako aplikazioetako askotan.

Gainera, horretan guztian inguruneko enpresek partaidetza aktiboa dutenez, irakasgaien, praktiken, arazoen eta eguneroko errealitateen nondik norakoak elkarlanean bideratzen ditugu.

Erakunde Laguntzaileak :

Enpresekin batera, MU-GEPkoko Energia Elektronikoko ikerketa lerroak ere, aktiboki parte harzen du Masterrean (www.mondragon.edu/enele).

Energia eta Potentzia Elektronikako arloan , ikerketa lanetan eta profesionalen formakuntzan 20 urte baino gehiagoko esperientzia duelarik.

Gora

Gure ikasketa eredua

Metodologia

Ikasketak eta hezkuntza proiektua gizartearen behar berrietara egokitzeko asmoz, eta bide batez Europako Goi Mailako Hezkuntza Esparruan jasotako eraldaketa izpirituarekin bat eginez, hezkuntza eredu berritzaile baten sorrera abian jarri da.

Hezkuntza eredu hau ikasleak konpetentziez jabetzean oinarritzen da. Horretarako, ikaste emaitzen ebidentzien jasoketa, ikasleen aprendizaiaren ebaluaketa jarraia eta globala, plangintza akademikoan txertatutako lan-ikaste partekatzea, nazioarteratzea eta aprendizaiarako metodologia aktiboen erabilera sustatzen da.

Interbentzio didaktikoak ikaste prozesuan partehartzea sustatuko duen metodologia aktiboen erabilera du ardatz nagusi, batez ere, proiektu interdisziplinaretara bideratutako arazoetan oinarritutako aprendizaiaren eskutik.

Ikasleen aprendizaien ebaluaketa jarraia da seihilekoetan zehar, irakasleek emandako atzeraelikadura elementu garrantzitsu bat izanik.

Gure ikasketa eredua

Praktikak eta Master bukaerako proiektuak

Praktikak enpresetan

Mondragon Unibertsitatea gizarteko aldaketetara irekita dagoen unibertsitatea da. Duen orientazio praktikoak lan-munduarekin eta hori osatzen duten enpresekin eta erakundeekin etengabe harremanetan dagoen erakundea da.

Horregatik, praktikak enpresatan egiteari garrantzi handia ematen diogu eta ikasleak lan-munduarekin hasiera-hasieratik –ikasketa-urteetatik– harremanetan egotea sustatzen dugu.

Mondragon Unibertsitatea MONDRAGON korporazioko kide da. MONDRAGON korporazioa 230 enpresek eta 70.000 langilek baino gehiagok osatzen dute.

Harreman estu horri esker, enpresen beharrak eta eskariak berehala eta modu iraunkorrean ezagutzen ditugu; eta, ondorioz, gure hezkuntza-eskaintza behar horietara egokitu dezakegu. Horrek, era berean, gure ikasleak lan-munduan azkar kokatzea bermatzen du.

Ikasleek zenbait enpresatan eta hezkuntza-zentrotan egiten dituzte praktikak eta hori unibertsitatean jasotako heziketaren osagarri garrantzitsua da.

Praktiken iraupena karreraren araberakoa izango da. Hala ere, praktikak dirauten bitartean ikasleak izandako garapenaren jarraipen zuzena eskaintzen dugu kasu guztietan, bai Unibertsitateko tutoreak egindakoa bai praktikak egiten ari den enpresako edo zentroko tutoreak egindakoa ere.

Kasu batzuetan, praktikak atzerrian egiteko aukera ere ematen dugu beste zenbait hezkuntza-zentrorekin sinatutako hitzarmenei esker; hitzarmen horiek ikasleei mugitzeko aukera ematen die.

Mondragon Unibertsitateko 500 ikasle inguruk eginten dituzte praktikak, urtero.

Master Bukaerako Lana

Ikasketak Mondragon Unibertsitatean egiten dituzten ikasleek master bukaerako lana egiten dute unibertsitatearen inguruko enpresaren batean.

Horrela, ikasleek karreran zehar jasotako ezagutzak praktikan jartzeko eta praktika profesionalen errutinetara ohitzeko aukera izango dute, hala nola: talde-lana, komunikazioa, lidergoa, sormena, erabakiak hartzeko gaitasuna eta abar.

Master bukaerako lanak osagarri praktiko bikainak dira eta lehen zikloko nahiz bigarren zikloko ikasketen bukaera adierazten dute.

Proiektuak urtebeteko –batik bat, lehen zikloko karreretan– edo 4 hileko iraupena izan dezake. Proiektu guztiak unibertsitateko arduradun baten eta enpresako beste arduradun baten tutoretzapean egingo dira.

Master bukaerako lanak egiteko, Mondragon Unibertsitateak enpresa ugarirekin egiten du lan, besteak beste, honakoekin: Copreci, Caja Laboral Euskadiko Kutxa, C.A.F., Ulma, Lagun Aro, MCC, Danobat, LKS, Condesa, Eroski, E.V.E., Fagor taldea, Gamesa, Iberdrola, Ingelectric, Maier, Itur, Ona-Pres, Ondoan, Orona, Orkli, Repsol, Sener, Tuboplast, TVA, URRSA, Zahor, Anaia, Azcoyen, Berriola, eta abar.

Mondragon Unibertsitateko ikasleek master bukaerako 500 lanetik gora egiten dituzte urtero.

Gora

Gure ikasketa eredua

Mugikortasuna eta Nazioarteratzea

Erasmus – Atzerrian Ikasi

Programa honen bitartez ikasleen mugikortasuna sustatzen da hitzarmenak sinatuz atzerrian ikasketa egonaldiak garatzeko.

Mugikortasun programa honekin ezagutza handiak dituzten unibertsitateetan egonaldiak egiteko aukera eskaintzen da. Egonaldiak iraupen ezberdinekoak izango dira eta ikasleari 15-60 kredituko errekonozimendua emango zaio. Programa honen bitartez ikasleek ikasketa egonaldiak egingo dute.

Proiektua Atzerrian

Programa honen bitartez ikasleek proiektua egiten dute atzerriko Unibertsitate, ikerketa zentru edo enpresatan. Egonaldiak iraupen ezberdinekoak izango dira eta ikasleei 15-60 kredituko errekonozimendua emango zaio.

Diploma Bikoitza

Diploma Bikoitzaren helburua parte hartzen duten ikasleek ikasketak bukatzerakoan bi titulu lortzea izango litzake: bata Mondragon Unibertsitatekoa, eta beste titulua, Unibertsitate frantsesak ematen duena. Diploma Bikoitza programa ECN Nantes, INSA Toulousee eta ENSEEIHT Toulosse-en egiteko aukera eskaintzen du.

Gora

Hezkuntza Eredua

Irakaskuntza Programa

Titulazioaren Egutegi eta Ordutegia

Egutegi akademikoa

Ikasmaila bakoitzeko ikasgaien eskola orduak intraneten kontsultatu ahal izaten dituzte ikasketetan matrikulatutako ikasleek.

Irakasleriak eskolan duen presentzia ordutegi zabalari esker (egun osoko dedikazioa), ikasleek izan ditzaketen edozein zalantza argitzeko bidea ematen du, aldez aurretik hitzordua eskatuz.

Ikasketa Plana

Gora

Hezkuntza Eredua

Gida eta Arautegiak

Arautegi akademikoa
Master Bukaerako Lanen gida akademikoa
Master Bukaerako Lanen ebaluazio sistema

Hezkuntza Eredua

Ibilbide Akademikoak eta Irteera Profesionalak

1.- Potentzia elektronikaren eta makina elektrikoen arloko sistema aurreratuak diseinatzea eta garatzea, energia sorkuntza, metaketa, banaketa eta transmisioarekin, trakzioarekin, energia berriztagarriekin eta industria elektronikarekin zerikusia duten erabileretarako.

2.- Potentzia elektronikako sistemen integrazioaren ondoriozko arazoei konponbide berritzaileak, iraunkorrak eta eraginkorrak emateko proiektuak zuzentzea eta kudeatzea.

3.- Zientzia eta teknologia garapena helburu duten ikerketa proiektuak zuzentzea eta kudeatzea diziplina eta sektore anitzeko inguruneetan, eta sortutako ezagutzaren kudeaketa eta hedapena sustatzea.

4.- Potentzia elektronikaren arloko aholkularitza eta kontsultoretza garatzea, bezeroen xehetasunekin, energia eraginkortasunarekin eta indarreko araudiarekin bat jardunez beti.

5.- Energia elektrikoaren kontrolari eta etengabeko prestakuntzaren eta prestakuntza arautuaren esparruetako aplikazioei buruzko ezagutzak hedatzeko eta irakasteko jarduerak egitea, azalpen teorikoen eta praktikoen bidez.

6.- Saiakuntza eta esperimentazio laborategiak zuzentzea eta kudeatzea.

Lanpostuak:

• Produktu arduraduna

• Prozesu ingeniaria

• Mantentze lanetako burua

• Ikerketa eta garapen arduraduna

Gora

Ikasle berriak

Sarrera eta Onarpena

a) Aurretiaz honako ikasketa hauek egin dituzten eta honako espainiar unibertsitate-titulu hauetakoren bat daukaten ikasleak sar daitezke master horretara, inongo formakuntza osagarririk gabe:

• Industria-ingeniari teknikoa, Elektrizitatean espezializatua
• Industria-ingeniari teknikoa, Industria Elektronikan espezializatua
• Elektronika-ingeniaria
• Automatikako eta Industria Elektronikako ingeniaria
• Aipatutakoen baliokide diren gradu eta master tituluak dituzten ikasleak

b) Ondoren zehaztutako tituluak dauzkaten ikasleak sar daitezke master horretara, beti ere honako ikasgai hauek eginez gero —lehen eginak ez badituzte—: Zirkuituen Teoria (6 ECTS); Elektroteknia (6 ECTS); Erregulazio Automatikoa (6 ECTS); Mikroprozesadoreak (6 ECTS), eta Bihurgailu Estatikoak (6 ECTS).

• Meatzeetako ingeniari teknikoa
• Meatzeetako ingeniaria
• Telekomunikazio-ingeniari teknikoa
• Telekomunikazio-ingeniaria
• Sistemen Informatikako ingeniari teknikoa
• Informatika-ingeniaria
• Ontzigintzako ingeniari teknikoa
• Ontzigintzako eta Ozeanoko ingeniaria
• Nautikan eta Itsas Garraioan lizentziatua
• Fisikan lizentziatua
• Industria-ingeniaria

Aipatutakoen baliokide diren gradu eta master tituluak dituzten ikasleak.

KREDITUEN AITORPENA

Ondoren, tituluko kredituak aitortzeko irizpideak jasotzen dira, ikasketa hauek egiten dituzten ikasleentzat aplikagarriak direnak:

1. Beste Unibertsitate batzuetan edo Unibertsitate honetan egindako ikasketa ofizialengatik lortutako kredituak aitortu ahal izango dira, betiere ECTS kredituen eskola karga antzekoa baldin bada, master bukaerako lanari dagozkion kredituak izan ezik. Atal honetan jasotakoaren arabera aitortutako kredituak zenbakizko kalifikazioen bidez kalifikatuko dira, irailaren 5eko 1125/2003 Errege Dekretuko 5. artikuluan xedatutakoari jarraituz.
2. Halaber, beste titulu ez ofizial batzuk lortzeko unibertsitate ikasketetan eskuratutako beste kreditu batzuk ere aitortu ahal izango dira. Kreditu horien errekonozimenduan ez da kalifikaziorik sartuko.
3. Egiaztatutako lan eta lanbide esperientzia. Baldintzak:

• Ikasleak laneko esperientzia agiri bidez egiaztatu beharko du, agiri hauek aurkeztuz:

· Lan bizitzaren laburpen eguneratua.

· Zuzendariaren edo goragoko arduradunaren ziurtagiria, eskatzailearen lanbide eta/edo lan esperientziaren fede ematen duena, eta horretan gutxienez agertuko dira: lan esperientziaren iraupena, eskatzaileak jardun duen lan eremua eta laneko eginkizunaren ezaugarriak.

· Eskatzaileak berak egindako deklarazioa, alderdi hauek azalduko dituena: garatutako jarduera profesionala, jarduera horren bitartez lortutako gaitasun profesionalak, lortutako ezagutzak, eta aitortza zein ikasgaitarako eskatu nahi duen.

• Aitortzarako gutxieneko unitatea ikasgaia eta berari atxikitako konpetentziak izango dira.
• Kredituak lortzeko esperientzia profesionalaren denbora horrela zehaztu da:

• Enpresako praktikei dagozkien kredituak aitortu ahal izango dira, betiere Masterreko konpetentziak lortu direla egiaztatzen bada, baita konpetentzia horiek ikasgai zehatzetara esleitu ezin izan bazaie ere, edo esperientzia profesionala kasu bakoitzean dagokion ikasgaiaren ECTS guztiak aitortzeko nahikotzat jo ez bada ere.

Errekonozimendu horretarako esperientzia profesionala eskatuko da, ondoren zehazten denaren arabera:

• Eskaeraren idatzia interesdunarekin egingo den elkarrizketa batez osatuko da.
• Lan eta lanbide esperientziagatik lortutako kredituek ez dute kalifikaziorik izango.

Lan edo lanbide esperientziaren ondorioz eta unibertsitate irakaskuntza ez ofizialen ondorioz aitortutako kredituen kopurua, guztira, ezingo da 18 ECTS baino handiagoa izan.

4. Espediente akademikoa

Ikaslearen espediente akademikoan, ikasleak, Mondragon Unibertsitatean nahiz beste Unibertsitate batean, irakaskuntza ofizialetan lortutako kreditu guztiak jasoko dira, titulua lortzeko, transferituak, aitortuak edo gaindituak izan, kasu bakoitzean dagokiona adierazita.

5. Tituluaren gehigarri europarra

Ikasleei emandako Tituluari egindako Gehigarri Europarrak, ikasleak, Mondragon Unibertsitatean nahiz beste Unibertsitate batean, irakaskuntza ofizialetan lortutako kreditu guztiak islatuko ditu, Espediente Akademikoan egindako zehaztapen berberekin.

Ikasle berriak

Inskripzioa eta matrikula

Ikasle berriak

Prezioak

Ikasle berriak

Bekak eta diru laguntzak

BEKA OFIZIALAK:

Unibertsitate mailako eta goi-mailako beste ikasketa batzuk egiteko izaera orokorreko, eguneroko garraiorako eta gutxitasuna duten ikasleen garraiorako bekak. (Eusko Jaurlartiza)

• Unibertsitate mailako ikasleei zuzendutako beka orokorra eta mugikortasun beka. (Hezkuntza Ministeritza)
• Masterrean matrikulatuta eta langabezi egoeran dauden ikasleentzat laguntza (Hezkuntza Ministeritza)
• Udan Atzerrian hizkuntza ikastaroak egiteko bekak (Eusko Jaurlaritza)
• Erasmus programaren eta nazioartean mugitzeko beste unibertsitate programa batzuen esparruko beka deialdia unibertsitate ikasleentzat (Eusko Jaurlaritza)

BEKA PROPIOAK:

• Prezio Publikoen Salbuespen eta Murrizketen Laguntza
• Biteri Ikastetxe Nagusiko egoiliarrentzat laguntza
• Biteri Ikastetxe Nagusiko egoiliar beteranoei zuzenduriko laguntza
• Departamentuetan Heziketa Iharduera eta laguntzarako lankidetza bekak

Gora

Ikasle berriak

Ostatua eta Garraioa

Ostatua

Mondragon Unibertsitateak hainbat alternatiba eskaintzen ditu ikasturete osoan zure ikastetxetik hurbil bizi ahal izan zaitezen.

Pedro Biteri eta Arana ikastetxe nagusia: Arrasateko campusean dago, eta 197 leku ditu, banakako eta binakako geletan banatuak. Prezioaren barne gosaria, bazkaria eta afaria sartzen dira.

Pisua beste ikasle batzuekin partekatzea: Ikastetxe nagusian edo egoitzetan bizi beharrean ikasleak nahiago badu beste ikasle batzuekin pisua partekatu, www.mondragon.edu/eps/OferDeman, web orriaren bitartez pisua partekatu nahi duten beste ikasle batzuekin harremanetan jar daiteke, baita aipatu webean eskaintzen diren pisuen artean bilatu ere.

Garraioa

Azken urteotan MU ahalegin handia egiten ari da Gipuzkoa, Bizkaia eta Arabako hainbat eskualdetako ikasleak errazago irits daitezen bere campusetara. Garraio propio zerbitzu berri bat abiarazi da, Zornotzatik, Azpeititik eta Bilbotik datozen autobusen bitartez.

Halaber, LURRALDEBUSek kudeatzen duen garraio publikoan eskaintza zabala dago, bai Donostiatik bai Gazteiztik. Gainera, 2011-2012 ikasturteari begira, ikasleak Lurraldebusek eskaintzen duen txartelaren abantaila eta deskontu garrantzitsuez baliatu ahal izango da: Txartela irailetik aurrera eskuratu ahal izango da Mondragon Unibertsitateko Arrasate, Eskoriatza eta Oñatiko campusetan.

Hurrengo koadroetan unibertsitatearen beraren garraioaren eskaintza zein garraio publikoaren (Lurraldebus) zerbitzuena jasotzen dira, MUko ikasleen sarrera eta irteera ordutegiei egokitutako, goizeko txandarako zein arratsalderako.

Gora

Campusa

Aurkezpena

Mondragon Unibertsitateko Goi Eskola Politeknikoaren (MU-GEP) titular juridikoa Mondragon Goi Eskola Politeknikoa (MGEP) da.

Mondragon Goi Eskola Politeknikoa 1943. Urtean hasi zen irakaskuntza lanetan. Horren sutatzaile nagusia On Jose María Arizmendiarrieta izan zen, Arrasateko esperientzia kooperatiboaren sortzaile , hain zuzen ere. Orduz geroztik etengabe eguneratu da, eta enpresa.esperientzia berritzaile ugariren sorrera sustatu du.

Hona hemen MU-GEPen ildoa eta konpromisoaren erakusgarri diren bertako Ikastetxe batzuk, heziketaren arloko berrikuntzaren bultzatzaile izan direnak:

• INGENIARITZA: MU-GEPeko ingeniarien arrakastaren eta gaitasun profesionalaren oinarriak hauek dira: zorroztasuna eta maila akademikoa, enpresa praktikak sistema dualaren eta karrera amaierako proiektuaren bidez, internalizazio nabarmena eta talde lanak ekartzen duen marka kooperatiboa.
• INSTITUTU POLITEKNIKOA: Behar bezalako oinarri teoriko batekin, bertako tailerretan egindako ikasketa praktikoarekin, inguru industrialeko puntako enpresetako makina eta tresna modernoekin, ikaslea zuzenean lan munduratzeko prestaturik dago.

• I+GT: MU-GEPen ikerketa jarduna enpresekin egindako kontratupean garatu da batez ere, baina azken urteotan ikerketa generikoa bultzada indartsua izaten ari da eta hala izango da aurrerantzean ere.
• ETENGABEKO PRESTAKUNTZA: Ia-ia MU-GEPen sorreratik lantzen da, eta gaur egun eragin berezia du graduatu ondoko programetan

2008. urtean, kasketak Europako Goi-mailako Hezkuntzaren eskaeretara egokitu duen lehen euskal unibertsitatea izan da.

2010eko Uztailean, MU-GEP UNIQUAL eta ANECA -k ebaluatu ondoren AUDIT-en zihurtagiria lortu zuen.

Campusa

Instalazioak

Elkartutako produktu eta zerbitzuen diseinu estrategikoko unibertsitate-masterra Mondragon Unibertsitateko Goi Eskola Politeknikoko campusean ematen da.

Mondragon Unibertsitatearen Campusa Euskal Autonomia Erkidegoaren erdian dago kokatuta, Gasteiztik 40 km-ra, eta Donostiatik eta Bilbotik 70 km-ra.

Ikusi Mondragon Unibertsitatea mapa baten.

Campusak abangoardiako instalazio batzuk dauzka: goi mailako ekipamendu zientifikoak eta teknologikoak eta hezkuntza-ereduaren araberako ikasketa-espazioak, zehazki. Eskola magistraletarako ikasgelez eta laborategi espezializatuez gainera, ikasleek areto egoki batzuk dauzkate, taldean aritzeko, bilerak egiteko eta proiektuak garatzeko.

Laborategiak eta espazio esperimentalak:

Energiako eta Potentzia Elektronikako Unibertsitate Masterra tituluko ikasleek honako laborategi, lantegi eta espazio esperimental hauek dauzkate, Ikastetxeko praktiketarako, bakoitzarentzat zehazten den ekipamenduarekin:

Mikroinformatikako Laborategia I:

Hemezortzi postu ditu, PC banarekin hornituta. Azalpen teoriko-praktikoetara eta ariketetara orientatuta dago.

Mikroinformatikako Laborategia II:

Hemezortzi postu ditu, PC banarekin hornituta. Azalpen teoriko-praktikoetara eta ariketetara orientatuta dago.

Elektronika Analogikoko eta Digitaleko Laborategia I:

Hemezortzi postu ditu, eta elikatze-iturria, osziloskopioa eta funtzioen sorgailua ditu bakoitzak.

Praktiketara eta espazio esperimentalera orientatuta.

Elektronika Analogikoko eta Digitaleko Laborategia II:

Hemezortzi postu ditu, eta elikatze-iturria, osziloskopioa eta funtzioen sorgailua ditu bakoitzak.

Praktiketara eta espazio esperimentalera orientatuta.

Elektronika Orokorreko Laborategia I:

Sei postu ditu. Espazio esperimentalera eta gradu-amaierako lanera orientatuta dago.

Elektronika Orokorreko Laborategia II:

Sei postu ditu. Espazio esperimentalera eta gradu-amaierako lanera orientatuta dago.

Elektronika Orokorreko Laborategia III:

Sei postu ditu. Espazio esperimentalera eta gradu-amaierako lanera orientatuta dago.

Industria Automatikako Laborategia:

Hamabi postu ditu, sistema fisiko baten erregulazioko maketa didaktiko banarekin hornituta. Praktiketara eta espazio esperimentalera orientatuta dago.

Automatismo Elektrikoen Laborategia:

Hemezortzi postu ditu, etxeko kontrol-aparatuz eta automatismo elektrikoz hornitutako panel banarekin. Praktiketara orientatuta dago.

Sistemen Integrazioko eta Robotikako Laborategia:

Lau postu ditu, eta zenbait sistema integratzen diren prozesu automatizatu bat dauka. Praktiketara eta espazio esperimentalera orientatuta dago.

Makinen Kontrolerako Laborategia:

Zortzi postu ditu, osziloskopio batekin eta makina kontrolatzeko maketa didaktiko batekin hornituta. Praktiketara eta espazio esperimentalera orientatuta dago.

Potentzia Elektronikako Laborategia I:

Zortzi postu ditu, osziloskopio banarekin eta bihurgailu estatikoaren maketa didaktiko banarekin hornituta. Praktiketara eta espazio esperimentalera orientatuta dago.

Potentzia Elektronikako Laborategia II:

Bihurgailu estatikoen prototipoak, tresneria orokorra, karga pasiboak eta makina-bankadak ditu. Espazio esperimentalera orientatuta dago, eta gradu- eta master-amaierako lanetara, Energiaren Ikerketa Lerroaren barruan.

Tresneria Laborategia:

Hamasei postu ditu, seinaleak hartzeko eta tratatzeko softwarea eta hardwarea dituen PC banarekin hornituta. Praktiketara eta espazio esperimentalera orientatuta dago.

Makina Elektrikoen Laborategia:

Sei postu ditu, bakoitza 20na Kw-ko aurrez aurreko bi makina dituen bankada batez hornituta. Praktiketara orientatuta dago.

Automatizazioaren eta Industria Komunikazioen Laborategia:

Hamazazpi postu ditu, eta bakoitzak automata, PCa eta komunikazio-sarea dauzka. Ariketetara, praktiketara eta espazio esperimentalera orientatuta dago.

Erdi Tentsioko Laborategia:

Espazio egoki bat da, babesei dagokienez, eta segurtasun-neurri handiak dituena, potentziarekin eta 4.780 Vac-erainoko tentsio mailekin lan egiteko. Espazio esperimentalera orientatuta dago, eta gradu- eta master-amaierako lanetara, Energiaren Ikerketa Lerroaren barruan.

Ibilgailu elektrikoarekin lotutako garapen berrien Laborategia:

Ibilgailu elektrikoa garatzeko laborategi bat dago, eta ibilgailuen jasogailu automatizatu bat, ibilgailu elektrikoen bi prototipo eta teknologia desberdinetako zenbait bateria-pack ditu, besteak beste.

Liburutegia eta dokumentu-funtsetarako sarrera

Liburutegia ikasteko eta ikertzeko baliabide-zentro bat da. 1650 m2-ko azalera du eta haririk gabeko sare bat dauka, honako ekipamendu hauekin: 294 lanpostu, 8 langela eta ordenagailu-gela bat.

Liburutegiak 62 PC/terminal eskaintzen dizkie erabiltzaileei, eta horien bitartez eta erabiltzaile bakoitzarentzat ezarritako profilaren arabera, beren formakuntza garatzeko behar dituzten aplikazio informatiko guztietara sar daitezke ikasleak. Beste hauek ere baditu liburutegiak: inprimagailuak, CD-irakurgailuak, DVD-irakurgailuak, eskanerra, etab.

Liburutegiko ohiko ordutegia 07:45etik 24:00etara da, azterketa-garaietan izan ezik, orduan 02:00etara luzatzen baita, ikasleen beharretara egokitzeko.

Esleituta dauzkan eginkizunak betetzeko, liburutegiak honako informazio-baliabide hauek eskaintzen ditu, besteak beste:

• MUko liburutegien baterako katalogorako sarrera eta liburutegi horietatik beste katalogo batzuetara sartzeko estekak.
• Ingeniaritzaren munduko informaziorik garrantzitsuenerako sarrera, Engineering Village atariaren bitartez, honako hauetara sar daitekeela: Compendex e Inspect, ISI Web of Knowledge ataria, IZGKren datu-baseak, etab.
• Aldizkari elektronikoetarako sarrera.
• Laburpen elektronikoen alertetarako sarrera; halaber, lankide dituen beste unibertsitate batzuen alerta elektronikoetarako sarrera (Dialnet) eta laburpen elektronikoen iturri handietarakoa (Ingenta…).
• Refworks-erako (erreferentzia bibliografikoen kudeaketarako aplikazioa) sarrera.

Eskaintzen dituen zerbitzuen artean, hona hemen aipagarrienak:

• Informazio bibliografiko espezializatua.
• Liburutegien arteko maileguak.
• Honako mailegu hauek: haririk gabeko sareetara sartzeko komunikazio-txartelak, ordenagailu eramangarriak, bideokamerak eta irudiak erreproduzitzeko, tratatzeko eta editatzeko ekipamenduak.
• Formakuntza-ikastaroak ikasleentzat, irakasleentzat eta ikertzaileentzat, liburutegia eta horrek eskaintzen dituen informazio-baliabideak erabiltzen ikas dezaten.

Ikasleen zerbitzuko beste instalazio batzuk

Espazio komun batzuk sartzen dira atal horretan. Ez daude ikasleen formakuntza akademikoarekin loturik zuzenean, ez eta ezein irakaskuntza zehatzekin ere, baina ikaslea unibertsitate-campusean integratzen laguntzen dute, baita ikasleen garapen pertsonala ere. Instalazio horietako batzuk:

• Pedro Viteri y Arana ikasle-egoitza nagusia. 280 ikaslerentzako lekua du. Ostatua eta formakuntza osagarria eskaintzen dizkie ikasleei.
• Guztiontzako gelak, kafetegia eta jantokia, zerbitzu horiek behar dituztenentzat (ikasleak, IIP eta AZP).

Unibertsitate-campusean integratutako kirol-instalazioak.

Arriba

Campusa

Zerbitzuak

Idazkaritza birtualaz, liburutegiaz, kirol-zerbitzuaz, jangelaz, ostatuaz eta garraioaz gain, Goi Eskola Politeknikoak beste zerbitzu batzuk ere eskaintzen ditu:

Ikaskuntza-irakaskuntzako prozesuarekin lotuak

Orientazio Zerbitzua: tituluaren koordinatzaileak eta seihileko irakasle-taldeak hartzen dute parte.

Zerbitzu Akademikoak: idazkaritza akademikoko, ingeniaritzako idazkaritzako, mugikortasunaren eta nazioarteko harremanen zerbitzuko, ordutegien kudeaketa-zerbitzuko eta doktoregoaren kudeaketako pertsonak ditu barnean zerbitzuak. Egiten dituzten jarduera nagusiak:

Idazkaritza akademikoari loturiko zerbitzuak:

• Izena ematea eta matrikula
• Beka-eskariak eta ikasteko laguntzak
• Ziurtagiriak, espedienteak eta tituluak ematea
• Gradu eta Master amaierako lanak atzeman eta esleitzea
• Nazioko eta nazioarteko mugikortasuna kudeatzea
• Doktoregoa kudeatzea

Campus Birtuala. Moodle plataformak jarduera malgu batzuk eskaintzen ditu, irakasleen eta ikasleen interakzioaren bitartez irakaskuntza-ikaskuntzaren prozesuko hainbat alderdi lantzeko.  Askotariko jarduerak egoki uztartuz, baita ikasleen eskura jarritako baliabideak eta materialak ere (dokumentazio-fitxategiak, bideoak, audioak, kanpoko orrialdeetara estekak), ikaskuntza osoagoa eta eraginkorragoa lor daiteke.

Erreprografia Zerbitzua. Unitate didaktikoak saltzeko eta fotokopiak egiteko gune bat du. Zerbitzuak campuseko hainbat eraikinetako atarietan kokaturiko fotokopiagailuen eta inprimagailuen mantentzea kudeatzen du.

Ekipo informatikoa kudeatzeko eta mantentzeko zerbitzua. Irakasgaietarako ikasleek behar dituzten softwareak lortzeaz, ezartzeaz eta eguneratzeaz arduratzen da; eta informatikako geletan izaten diren jazoerei erantzuteaz, eskola-ordutegian nahiz eskola-ordutegitik kanpo.

Instalazioak erabiltzeko ordutegia. Eskola-ordutegitik eta -egutegitik kanpo (Eskola-ordutegia: astelehenetik ostiralera 7:00etatik 19:00etara) ikasleek aldez aurretik baimena eskatuta instalazioak erabil ditzakete. Honela:

-Astelehenetik ostegunera, 24 orduak

-Ostiraletan: 00:00etatik 23:00etara

-Jai-egunetan eta oporraldietan: 8:00etatik 18:00etara

Habitatarekin harremanetan

Gizarte lokalak. MGEPko ikasleen eta irakasleen eskura hainbat gizarte-lokal daude, autozerbitzu gisa erabiltzeko oinarrizko sukaldeak dituztenak.

Kafetegia eta autozerbitzu makinak

Campusa

Irakaslegoa

Tituluan klaseak ematen dituzten irakasleen zerrenda jasotzen duen dokumentua deskargatu.

Kalitatea

^{SGIC - Kalitatearen barne bermerako Sistema}

Kalitate-manuala
Prozesuak
Prozedurak
Hobekuntza plana	Ez daude

• ^Verifica

	Homologaziorako eskari-txostenak	UNIQUAL & ANECAren behin-betiko informeak	Ofizialtasuna emateko eta RUCTn erregistratzeko akordioak	Jarraipen adierazleak
Energia eta Potentzia Elektronikako Masterra