Industria Antolakuntzako Ingeniaritzan Gradua

MGEPeko Industria Antolakuntzako Ingeniaritzan graduatu direnek lehiakor eta iraunkor egiten dituzte industri eta zerbitzu-jarduerak. Ildo horretan, produktuen, zerbitzuen eta teknologi prozesuen hobekuntza eta berrikuntza sustatzen dute, eta baita antolakuntza-ereduena ere. Antolakundearen barruan hainbat ardura-lanpostutan aritzen diren profesionalak dira.

Industria Antolakuntzako Ingeniaritzan graduatu dena taldeetako liderra izaten da, eta pertsonen partaidetza eta inplikazioa sustatzen ditu enpresen erronka estrategikoak aurrera eramateko. Gainera, ikuspegi globala eta estrategikoa kontuan hartuta hartzen ditu erabakiak, interes-taldeak aintzat hartuta, hala nola, hornitzaileak, bezeroak, lan-taldeak, akziodunak, gizartea, ...

Zerk bereizten gaituen

Gehiago irakurri

Bekak eta Diru Laguntzak

Mondragon Unibertsitatean ikasteko arazo ekonomikoak oztopo ez izatea da gure printzipioetako bat. Horretarako beka eta laguntza programa zabala eskaintzen dizuegu

Gehiago irakurri

Gradua amaitu ostean, zer?

Industria Antolakuntzako Ingeniaritzan graduatu dena enpresaren funtzionamendu-sail askotako arduradun izateko gai da, hala nola, produkzioa, erosketak, banaketa, kalitatea edota mantenua.

Gehiago irakurri

Praktikak eta Gradu bukaerako lanak

Mondragon Unibertsitatea gizarteko aldaketetara irekita dagoen unibertsitatea da. Duen orientazio praktikoak lan-munduarekin eta hori osatzen duten enpresekin eta erakundeekin etengabe harremanetan dagoen erakundea da.

Gehiago irakurri

Laburpen taula

Titulazio ofiziala: Industria Antolakuntzako Ingeniaritzan graduatua
Kreditu kopurua: 240 ECTS
Hizkuntzak: Euskara, Gaztelania eta Ingelesa
Eskaintzen den tokia: Arrasate
Iraupena: 4 urte
Modalitatea: Presentziala

Informazioa eta izen ematea

Kontaktua: Jone Gantxegi
Telefonoa: 943739632
E-posta: jgantxegi@eps.mondragon.edu

Inskripzioa eta matrikula

Zerk bereizten gaituen

Industria Antolakuntzako Ingeniaritzako graduan uztartu egiten dira ingeniaritzaren berezko gaitasunak eta kudeaketakoak, eta ondorioz, profil profesionala balioanizduna da. Ikasgaiak, seihilekoak, proiektuak eta ibilbide teorikoak eta praktikoak aipatutako gaitasunak lantzeko, ebaluatzeko eta barneratzeko diseinatzen dira. Gradua diseinatzerako orduan kontuan hartu dira irakasleek, ikasleek, enpresek, teknologi zentroek eta beste unibertsitate batzuek egindako ekarpenak. MGEPek enpresekin duen etengabeko harremanari eta hurbiltasunari esker, ikaslearen egunerokoari lotuta dago enpresen errealitatea.

Hala enpresa handietan nola ertain eta txikietan, Industria Antolakuntzako Ingeniaritzako gradua oso maiz eskatzen duten profila da, eskaintzen duen moldakortasunagatik eta ikuspegi globalagatik.

Industria Antolakuntzako Ingeniaritzan graduatua dena, produktuekin eta makinekin baino gehiago pertsona taldeekin lan egin behar duen ingeniaria da, modu horretan enpresa-erabakiak hartzeko. Egungo enpresak lehiakorragoak egitea eta etorkizuneko enpresa-jarduerak lantzea du xede.

Gure ikasketa eredua

Metodologia

Ikasketak eta hezkuntza proiektua gizartearen behar berrietara egokitzeko asmoz, eta bide batez Europako Goi Mailako Hezkuntza Esparruan jasotako eraldaketa izpirituarekin bat eginez, hezkuntza eredu berritzaile ba ten sorrera abian jarri da.

Hezkuntza eredu hau ikasleak konpetentziez jabetzean oinarritzen da. Horretarako, ikaste emaitzen ebidentzien jasoketa, ikasleen aprendizaiaren ebaluaketa jarraia eta globala, plangintza akademikoan txertatutako lan-ikaste partekatzea, nazioarteratzea eta aprendizaiarako metodologia aktiboen erabilera sustatzen da.

Interbentzio didaktikoak ikaste prozesuan partehartzea sustatuko duen metodologia aktiboen erabilera du ardatz nagusi, batez ere, proiektu interdisziplinaretara bideratutako arazoetan oinarritutako aprendizaiaren eskutik. Ikasleen aprendizaien ebaluaketa jarraia da seihilekoetan zehar, irakasleek emandako atzeraelikadura elementu garrantzitsu bat izanik.

Gure ikasketa eredua

Praktikak eta Gradu bukaerako lanak

Praktikak enpresan

Horregatik, praktikak enpresatan egiteari garrantzi handia ematen diogu eta ikasleak lan-munduarekin hasiera-hasieratik –ikasketa-urteetatik– harremanetan egotea sustatzen dugu.

Mondragon Unibertsitatea MONDRAGON korporazioko kide da. MONDRAGON korporazioa 230 enpresek eta 70.000 langilek baino gehiagok osatzen dute.

Harreman estu horri esker, enpresen beharrak eta eskariak berehala eta modu iraunkorrean ezagutzen ditugu; eta, ondorioz, gure hezkuntza-eskaintza behar horietara egokitu dezakegu. Horrek, era berean, gure ikasleak lan-munduan azkar kokatzea bermatzen du.

Ikasleek zenbait enpresatan eta hezkuntza-zentrotan egiten dituzte praktikak eta hori unibertsitatean jasotako heziketaren osagarri garrantzitsua da.

Praktiken iraupena karreraren araberakoa izango da. Hala ere, praktikak dirauten bitartean ikasleak izandako garapenaren jarraipen zuzena eskaintzen dugu kasu guztietan, bai Unibertsitateko tutoreak egindakoa bai praktikak egiten ari den enpresako edo zentroko tutoreak egindakoa ere.

Kasu batzuetan, praktikak atzerrian egiteko aukera ere ematen dugu beste zenbait hezkuntza-zentrorekin sinatutako hitzarmenei esker; hitzarmen horiek ikasleei mugitzeko aukera ematen die.

Mondragon Unibertsitateko 500 ikasle inguruk eginten dituzte praktikak, urtero.

Gradu Bukaerako Lana

Ikasketak Mondragon Unibertsitatean egiten dituzten ikasleek gradu bukaerako lana egiten dute unibertsitatearen inguruko enpresaren batean.

Horrela, ikasleek karreran zehar jasotako ezagutzak praktikan jartzeko eta praktika profesionalen errutinetara ohitzeko aukera izango dute, hala nola: talde-lana, komunikazioa, lidergoa, sormena, erabakiak hartzeko gaitasuna eta abar.

Gradu bukaerako lanak osagarri praktiko bikainak dira eta lehen zikloko nahiz bigarren zikloko ikasketen bukaera adierazten dute.

Proiektuak urtebeteko –batik bat, lehen zikloko karreretan– edo 4 hileko iraupena izan dezake. Proiektu guztiak unibertsitateko arduradun baten eta enpresako beste arduradun baten tutoretzapean egingo dira.

Gradu bukaerako lanak egiteko, Mondragon Unibertsitateak enpresa ugarirekin egiten du lan, besteak beste, honakoekin: Copreci, Caja Laboral Euskadiko Kutxa, C.A.F., Ulma, Lagun Aro, MCC, Danobat, LKS, Condesa, Eroski, E.V.E., Fagor taldea, Gamesa, Iberdrola, Ingelectric, Maier, Itur, Ona-Pres, Ondoan, Orona, Orkli, Repsol, Sener, Tuboplast, TVA, URRSA, Zahor, Anaia, Azcoyen, Berriola, eta abar.

Mondragon Unibertsitateko ikasleek gradu bukaerako 500 lanetik gora egiten dituzte urtero.

Gure ikasketa eredua

Mugikortasuna eta Nazioarteratzea

Erasmus – Atzerrian Ikasi

Programa honen bitartez ikasleen mugikortasuna sustatzen da hitzarmenak sinatuz atzerrian ikasketa egonaldiak garatzeko.

Mugikortasun programa honekin ezagutza handiak dituzten unibertsitateetan egonaldiak egiteko aukera eskaintzen da. Egonaldiak iraupen ezberdinekoak izango dira eta ikasleari "learning agreement"-en adostu diren kredituko errekonozimendua emango zaio

Proiektua Atzerrian

Programa honen bitartez ikasleek proiektua egiten dute atzerriko Unibertsitate, ikerketa zentru edo enpresatan. Egonaldiak iraupen ezberdinekoak izango dira eta ikasleei "learning agreement"-en adostu diren kredituko errekonozimendua emango zaio.

Hezkuntza Eredua

Helburuak eta Konpetentziak

Industria Antolakuntzako Ingeniaritza tituludunek gaitasun hauek lortuko dituzte:

Berrikuntza teknologikoa eta ekintzailetza kudeatu, aukera berriak aurkitzetik ideiak jarrera sortzailearekin merkatuan gauzatzeraino.
Erakunde dinamiko eta malguak sustatu berrikuntza, barne ekintzailetza eta hobekuntza bultzatzen duten estrategia eta ereduak garatuz.
Errinka estrategikooei aurre egiteko taldeak zuzendu kideen parte hartzea eta inplikazioa bultzatuz.
Kudeaketa erreminta, teknika eta metodoak erabili proiektua eta jarduera industrial edo zerbitzutakoen erabinkortasuna lortzeko.
Industri proiektu edo zerbitzuak planifikatu, antolatu eta zuzendu, proektu anitzeko inguruneen arazoei irtenbideak bilatuz, taldean lan eginez, erabakiak ikuspegi global eta estrategiko batetik hartuz.

Hezkuntza Eredua

Irakaskuntza Programa

Titulazioaren Egutegi eta Ordutegia

Egutegi akademikoa

Ikasmaila	1.	2.	3.	4.
Txanda	Goizez	Arratsaldez	Goizez	Arratsaldez
Ordutegia	7:45-13:00	13:15-18:30	7:45-13:00	13:15-18:30

Ikasmaila bakoitzeko ikasgaien eskola orduak intraneten kontsultatu ahal izaten dituzte ikasketetan matrikulatutako ikasleek.

Irakasleriak eskolan duen presentzia ordutegi zabalari esker (egun osoko dedikazioa), ikasleek izan ditzaketen edozein zalantza argitzeko bidea ematen du, aldez aurretik hitzordua eskatuz.

Ikasketa Plana

^{1. seihilekoa :}			^{2. seihilekoa :}
1. MAILA
IKASGAIA	MOTA	ECTS	IKASGAIA	MOTA	ECTS
^{Matematika Oinarriak I}	^OP	⁶	^{Matematika Oinarriak II}	^OP	⁶
^{Adierazpen Grafikoa I}	^OP	⁶	^{Enpresen Kudeaketaren Oinarriak}	^OP	⁶
^Programazioa	^OP	⁶	^{Fisika Mekanikoa II}	^OP	⁶
^{Fisika Mekanikoa I}	^OP	⁶	^Kimika	^OP	⁶
^{Komunikazio Teknikak}	^D	³	^{Ingeles Teknikoa I}	^D	³
^{POPBL I}	^D	³	^{POPBL II}	^D	³
Guztira		³⁰	Guztira		³⁰

2. MAILA
^{3. seihilekoa :}			^{4. seihilekoa :}
IKASGAIA	MOTA	ECTS	IKASGAIA	MOTA	ECTS
^{Matematika Oinarriak III}	^OP	⁶	^{Materialen Elastikotasuna eta Erresistentzia}	^D	³
^{Materialen Zientzia eta Ingeniaritza}	^D	^4,5	^{Ingeniaritza Elektrikoa}	^D	³
^{Fabrikazio Prozesuak}	^D	^4,5	^{Logistika I}	^D	⁶
^{Fabrikazio Ingeniaritza}	^D	^7,5	^Estadistika	^OP	⁶
^{Fisika Elektrikoa}	^D	³	^{Termodinamika}	^D	^4,5
^{Ingeles Teknikoa II}	^D	³	^{Kalitateko Ingeniaritza}	^D	⁶
^{POPBL III}	^D	^1,5	^{POPBL IV}	^D	^1,5
Guztira		³⁰	Guztira		³⁰

3. MAILA
^{5. seihilekoa :}			^{6. seihilekoa :}
IKASGAIA	MOTA	ECTS	IKASGAIA	MOTA	ECTS
^{Enpresa Estrategia}	^D	^4,5	^{Proiektuen Kudeaketa}	^D	⁶
^{Kalitatea, Segurtasuna eta Ingurumena}	^D	⁶	^Marketina	^D	^4,5
^{Logistika II}	^D	⁶	^{Industri eta Teknologi Politika}	^D	⁶
^{Industri Antolakuntzako Metodo Kuantitatiboak I}	^D	⁶	^{Pertsonen Kudeaketa I}	^D	³
^{Jariakinen Mekanika}	^D	³	^{Ingeniaritza Ekonomikoa}	^D	³
^{Humanitate eta Gizarte Zientziak}	^H	³	^{Informazio Sistemak}	^D	⁶
^{POPBL V}	^D	^1,5	^{POPBL VI}	^D	^1,5
Guztira		³⁰	Guztira		³⁰

4.MAILA
^{Aukera: ENPRESA}
^{7. seihilekoa :}			^{8. seihilekoa :}
IKASGAIA	MOTA	ECTS	IKASGAIA	MOTA	ECTS
^{Ingurumen-Ingeniaritza}	^D	^4,5	^{Praktikak Enpresan (2. zatia)}	^H	¹⁸
^{Energi Teknologia}	^D	³	^{Gradu Bukaerako Lana Enpresan}	^GBL	¹²
^{Teknologia Elektronikoa eta Automatikoa}	^D	⁶
^{Pneumatika eta Hidraulika}	^D	^4,5
^{Praktikak Enpresan (1. zatia)}	^H	¹²
Guztira		³⁰	Guztira		³⁰

^{Aukera: PRODUKZIO PROZESUEN HOBEKUNTZA}
^{7. seihilekoa :}			^{8. seihilekoa :}
IKASGAIA	MOTA	ECTS	IKASGAIA	MOTA	ECTS
^{Ingurumen-Ingeniaritza}	^D	^4,5	^{Zenbakizko Kalkulua}	^H	^4,5
^{Energi Teknologia}	^D	³	^{Prozesuen Zabalkundea}	^H	⁶
^{Teknologia Elektronikoa eta Automatikoa}	^D	⁶	^{Diseinu Parametrikoa (CAD CAM barne)}	^H	^4,5
^{Pneumatika eta Hidraulika}	^D	^4,5	^{Planta eta Instalazioen Diseinua}	^H	⁶
^{Industri Antolakuntzako Metodo Kuantitatiboak II}	^H	⁶	^{Pertsonen Kudeaketa II}	^H	³
^{Gradu Bukaerako Lana (1. zatia)}	^GBL	⁶	^{Gradu Bukaerako Lana (2. zatia)}	^GBL	⁶
Guztira		³⁰	Guztira		³⁰

^{Aukera: BERRIKUNTZA ETA TEKNOLOGIA BERRIAK}
^{7. seihilekoa :}			^{8. seihilekoa :}
IKASGAIA	MOTA	ECTS	IKASGAIA	MOTA	ECTS
^{Ingurumen-Ingeniaritza}	^D	^4,5	^{Nanoteknologiak}	^H	⁶
^{Energi Teknologia}	^D	³	^{Pertsonen Kudeaketa II}	^H	³
^{Teknologia Elektronikoa eta Automatikoa}	^D	⁶	^{Diseinua eta Fabrikazio Iraunkorra}	^H	⁶
^{Pneumatika eta Hidraulika}	^D	^4,5	^{Ingurumena eta Gizartea}	^H	^4,5
^{Industri Antolakuntzako Metodo Kuantitatiboak II}	^H	⁶	^{Teknologia Berrien Zaintza eta Transferentzia}	^H	^4,5
^{Gradu Bukaerako Lana (1. zatia)}	^GBL	⁶	^{Gradu Bukaerako Lana (2. zatia)}	^GBL	⁶
Guztira		³⁰	Guztira		³⁰

OP.- Oinarrizko Prestakuntza
D.- Derrigorrezkoak
H.- Hautazkoak
(*) POPBL.- Problema/Proiektuetan oinarrituriko aprendizaia
GBL.- Gradu Bukaerako Lana

Hezkuntza Eredua

Gradua amaitu ostean, zer?

Industria Antolakuntzako Ingeniaritzan graduatu dena enpresaren funtzionamendu-sail askotako arduradun izateko gai da, hala nola, produkzioa, erosketak, banaketa, kalitatea edota mantenua. Era berean, produktuen, prozesuen eta erakundearen kudeaketaren berrikuntzaz arduratzeko gaitasuna du, eta ildo horretan, berrikuntzaren eta gizarte-, ingurumen- eta ekonomia-iraunkortasunaren erronkari aurre egiten laguntzen du. Horretarako, logistikari, produkzio-kudeaketari, fabrikazio-prozesuei, proiektu-kudeaketari, kalitate-kudeaketari, mantenu-kudeaketari, teknologia-zaintzari eta -transferentziari buruzko teknikak, metodoak, tresnak eta ezagutzak erabiltzen ditu, besteak beste. Horren guztiaren xedea industri edo zerbitzu-jardueren eraginkortasuna eta efizientzia erdiestea da.

Industria Antolakuntzako ingeniariek honako eginkizun hauek izaten dituzte, beste batzuen artean:

Produkzio-zuzendari: instalazioetan ekoiztu beharreko erreferentziak definitzearekin lotutako lanak egiten ditu, produktuaren enpresa barruko mugimendua kudeatzen du, eta ekoizpena efizientea izan dadin instalazioek behar duten antolaketa eta kokapen egokia diseinatzen ditu.
Erosketa-arduradun: produktuak ekoizteko beharrezkoak diren materiekin hornitzen du enpresa, merkatuan hornitzailerik onena aurkitzen saiatzen da, merkatuak aztertzen ditu, eta lehengaien, osagaien edo zerbitzuen hornitzaileekin kontratuak negoziatzen ditu.
Banaketaren koordinatzaile logistiko: produktuen banaketa salmenta punturaino kudeatzen du.
Kalitate-arduradun: lanak modurik efizienteenean burutzeaz arduratzen da, kalitate-estandarrak finkatuz eta betez.
Mantenu-jardueren koordinatzaile: instalazioak eta prebentziozko mantenu-lanak kudeatzeaz eta kontrolatzeaz arduratzen da, ekonomi eta ingurumen-efizientzia lortzeko.
Proiektu-kudeaketaren arduradun: proiektuak kudeatzeaz gain enpresan proposatzen diren berrikuntza-prozesuetan liderra da.

Era berean, etengabeko hobekuntza landuko du enpresan eta bere lanpostuan. Ildo horretan, merkatu-nitxo berriak bilatuko ditu eta produktu edo prozesu berriak sortzeko lankide izan litezkeen hornitzaile berriekin harremanak jorratuko ditu. Modu horretan, prozesuen efizientzia areagotuko du fidagarriagoak izan daitezen, eta garraio-bide berriak finkatuko ditu kostua murrizteko, betiere arduratsu.

Ikasle berriak

Sarrera eta Onarpena

LEKU KOPURUA

Titulu honetarako ezarritako leku kopurua 40 + 20 (aldaketa honetan jasotzen diren egokitze ikastaroak) da.

SARRERA

Hauetako edozein baldintza betetzen duten ikasleak sartu ahal izango dira Industria Diseiunuko eta Produktu Garapeneko Ingeniaritza Graduan:

LOGSE Batxilergoko titulua edo baliokidea edikutzea eta unibertsitatean sartzeko probak gaindituta izatea.
Goi Mailako Heziketa Zikloko titulu bat edukitzea.
Indarrean dagoen legediaren arabera, Batxilergoarekin edo Goi Mailako Heziketa Zikloko titulu batekin homologa daitekeen atzerriko tituluren bat edukitzea.

Ikasketak egiteko lehentasuna izango dute :

LOGSE Batxilergoko Teknologia edo Zientzien modalitateko titulua duten eta Aureka Zientifiko-Teknikoan unibertsitatean sartzeko probak gainditu dituzten ikasleek.
Halaber, sartzeko lehentasuna izango dute, Mantenketa eta Produkzio zerbitzuak, Fabrikazio Mekanikoa, eta Proiektu Mekanikoen Garapenaren familiako Goi Mailako Heziketa Ziklo bat gaindituta duten ikasleek.

Sartzeko beste modalitate batzuk:

Sarrera mota				Erreserbatutako plaza
C	D	E	F	G
Ez da mugarik jarri		Ez da mugarik jarri	------------------	Ez da mugarik jarri

C: 25 urtetik gorakoentzat sarrera

D: 45 urtetik gorakoentzat sarrera

E: Unibertsitate tituludunentzat

F: Goi-mailako kirolarientzat

G: %33ko ezintasun-maila edo handiagoa dutenentzat

ONARPENA

Aurreko eskakizunak betez gero, selektibitatean ateratako notaren edo, Lanbide Heziketaren kasuan, espedienteko batez besteko notaren arabera egingo da onarpena. Lehentasuna izango dute selektibitatea amaitu dutenek eta aurreko ikasturtean prestakuntza zikloa amaitu dutenek.

Era berean, lehentasuna izango dute Unibertsitateak ezarritako epe arruntean izena eman duten ikasleek, ezohiko epean izena eman dutenen kaltetan.

Unibertsitatean sartzeko proba: haztatze parametroak

Ondoko taulak Unibertsitatean sartzeko frogetako fase espezifikoko gaien kalifikazioei aplikatzeko haztatze parametroak jasotzen ditu, Goi Eskola Politeknikoak eskaintzen dituen Graduen arabera.

Hizkuntz Betekizunak

Formazio programa partzialki euskaraz, gaztelaniaz eta ingelesez emango denez gero, hobe da ikasleek aurretiaz ondoren zehazten diren hizkuntz betekizunak betetzea.

Hizkuntza	Irakurri	Hitz egin	Idatzi
Euskera	C	C	C
Erdara	C	C	C
Ingelesa	B	C	B

C: zuzen.

B: ahoz zuzen moldatzen da, baina irakurtzeko eta idazteko arazo batzuk ditu.

Ikasle berriak

Inskripzioa eta matrikula

Izena emateko plazoak


Epea : 2011.12.01etik 2012.06.15era

Izena MUko edozein Fakultatetan eman ahal izango da. Ikasleak aukeratu nahi dituen karreren lehentasun ordena adierazi behar du. Nahi duenak unibertsitatearen webgunetik izena emateko aukera dauka, bertan dauden instrukzioak jarraituz, edo bestela korreo zertifIkatuaren bidez. Bigarren kasu honetan, Fakultatearekin harremanetan jarri beharko da, honek inskrikpzio gutunazala bidal dezaiokeen. Kasu bietan, dokumentazio hau behar da:

• Inskripzioaren eskaera beterik.

• NANaren fotokopia.

Eskatutako dokumentazioa faltsua dela gertatuz gero, izen ematea automatikoki baliogabetuko da.

Dokumentazio osagarria

Batxilergoa: selektibitatearen txartela eta eskola liburuaren fotokopia bat.
Goi Graduko Prestakuntza Zikloa: Ziurtagiri Akademikoa.
Tituludun unibertsitarioak eta sartzeko probak gaindituta dituzten 25 eta 45 urtetik gorako ikasleak: Egindako ikasketak egiaztatzeko ziurtagiri akademikoa eta, dagokionean, sartzeko probak gainditu direla egiaztatzen duen ziurtagiria.

Eskatutako dokumentazio hau ekartzen ez dutenek aukeraketa prozesutik kanpo geratuko dira.

Hautaketa

Ikasleak hautatzeko prozesua amaitu eta gero, Ikastetxe bakoitzak zein ikasketatan onartu diren jakinaraziko die ikasleei, zerrendak web orrian argitaratuz Ekainaren 20an.

Matrikula


Epea : Uztailan 2tik 9ra

Ikastetxe Nagusian eta Egoitzan matrikula egiteko epea ikasketak egiteko matrikula epe bera da.

Ikasketa jakin bat egiteko onartu gabe geratu direnek beren interesa adieraz dezakete, postaz edo telefonoz, leku librerik geratu eta ikasleak hautatzeko beste fase bat irekiz gero kontuan hartuak izan daitezen, uztailean eta irailean.

Leku libreak geratu diren karreretan, irailean izena emateko beste epe bat egongo da, irailaren 3tik 9ra. Irailean onartutakoei matrikula epeak pertsonalki jakinaraziko zaizkie.
Izen ematea epe arruntean formalizatu dutenek lehentasuna izango dute irailean formalizatu dutenen aurrean.

Ikasle berriak

Prezioak

5.316€

URTEKO ZENBATEKOA: Zenbateko hau 2012-2013 ikasturterako aurreikusita dagoena da. Kontseilu Errektoreak eguneratuko du 2012-2013 ikasturtearen hasieran

Ikasle berriak

Bekak eta diru laguntzak

BEKA OFIZIALAK:

Unibertsitate mailako eta goi-mailako beste ikasketa batzuk egiteko izaera orokorreko, eguneroko garraiorako eta gutxitasuna duten ikasleen garraiorako bekak. (Eusko Jaurlartiza)
Unibertsitate mailako ikasleei zuzendutako beka orokorra eta mugikortasun beka. (Hezkuntza Ministeritza)
Udan Atzerrian hizkuntza ikastaroak egiteko bekak (Eusko Jaurlaritza)
Erasmus programaren eta nazioartean mugitzeko beste unibertsitate programa batzuen esparruko beka deialdia unibertsitate ikasleentzat (Eusko Jaurlaritza)
Errendimendu handiko ikasleak aintzatentsi eta saritzeko bikaintasun akademikoko bekak (Eusko Jaurlaritza)

BEKA PROPIOAK:

Prezio Publikoen Salbuespen eta Murrizketen Laguntza
Batxilergoan ohorezko matrikula lortzeagatik Graduko 1.mailako ikasleentzat laguntza
Biteri Ikastetxe Nagusiko egoiliarrentzat laguntza
Biteri Ikastetxe Nagusiko egoiliar beteranoei zuzenduriko laguntza
Giza-Eskuragarritasun laguntza
Departamentuetan Heziketa Iharduera eta laguntzarako lankidetza bekak

Ikasle berriak

Ostatua eta Garraioa

Ostatua

Mondragon Unibertsitateak hainbat alternatiba eskaintzen ditu ikasturte osoan zure ikastetxetik hurbil bizi ahal izan zaitezen.

Pedro Biteri eta Arana Ikastetxe Nagusia: Arrasateko campusean dago, eta 197 leku ditu, banakako eta binakako geletan banatuak.Prezioaren barne gosaria, bazkaria eta afaria sartzen dira.

Pisua beste ikasle batzuekin partekatzea: Ikastetxe nagusian edo egoitzetan bizi beharrean ikasleak nahiago badu beste ikasle batzuekin pisua partekatu, www.mondragon.edu/eps/OferDeman, web orriaren bitartez pisua partekatu nahi duten beste ikasle batzuekin harremanetan jar daiteke, baita aipatu webean eskaintzen diren pisuen artean bilatu ere.

Garraioa

Mondragon Unibertsitateko zerbitzuak

Mondragon Unibertsitateak 2011-12 ikasturte hasierarekin batera garraio zerbitzua berriz jarri du martxan. Autobus lerro bat dauka Urola Kostatik datorrena, ikasturte honetan, Bilbotik Arrasatera garrio publikoa bait dago egunero unibertsitatera joan etorria egin ahal izateko.

Debagoienetik kanpo dauden kokapenetara heltzeko, garraio publikoa dago.

Unibertsitateko lerroan izena emateko edota informazio gehiago behar izanez gero, Fakultate bakoitzeko idazkaritza akademikora jo dezakezu ondorengo telefono zenbakietara deituz:

Goi Eskola Politeknikoa: 943.79.47.00

HUHEZI: 943.71.41.57

Enpresagintza Fakultatea: 943.71.80.09

2011-12rako geltokiak eta ordutegiak ikusi

Eskutitza eta tarifak

Izen-emate orria

Fitxa administratiboa

Ibilbideen grafikoa

Garraio publikoaren ordutegiak

Lurraldebus

Euskotren

Renfe

Ba Goaz

Unibertsitatera etortzeko edo etxera bueltatzeko garraioa behar duzu?
Era ekologikoago batetan bidaiatu nahi duzu?
Zure autoa partekatzeko prest zaude?
Zuk egiten duzun bidaia verbera egiten duen norbaitekin bidaia partekatzeko prest zaude?

BaGoaz plataformak harremanetan jartzen ditu gidari eta bidaiariak.

sartu

Campusa

Aurkezpena

Mondragon Unibertsitateko Goi Eskola Politeknikoaren (MU-GEP) titular juridikoa Mondragon Goi Eskola Politeknikoa (MGEP) da.

Mondragon Goi Eskola Politeknikoa 1943. Urtean hasi zen irakaskuntza lanetan. Horren sutatzaile nagusia On Jose María Arizmendiarrieta izan zen, Arrasateko esperientzia kooperatiboaren sortzaile , hain zuzen ere. Orduz geroztik etengabe eguneratu da, eta enpresa.esperientzia berritzaile ugariren sorrera sustatu du.

Hona hemen MU-GEPen ildoa eta konpromisoaren erakusgarri diren bertako Ikastetxe batzuk, heziketaren arloko berrikuntzaren bultzatzaile izan direnak:

INGENIARITZA: MU-GEPeko ingeniarien arrakastaren eta gaitasun profesionalaren oinarriak hauek dira: zorroztasuna eta maila akademikoa, enpresa praktikak sistema dualaren eta karrera amaierako proiektuaren bidez, internalizazio nabarmena eta talde lanak ekartzen duen marka kooperatiboa.
INSTITUTU POLITEKNIKOA: Behar bezalako oinarri teoriko batekin, bertako tailerretan egindako ikasketa praktikoarekin, inguru industrialeko puntako enpresetako makina eta tresna modernoekin, ikaslea

zuzenean lan munduratzeko prestaturik dago.

I+GT: MU-GEPen ikerketa jarduna enpresekin egindako kontratupean garatu da batez ere, baina azken urteotan ikerketa generikoa bultzada indartsua izaten ari da eta hala izango da aurrerantzean ere.
ETENGABEKO PRESTAKUNTZA: Ia-ia MU-GEPen sorreratik lantzen da, eta gaur egun eragin berezia du graduatu ondoko programetan

2008. urtean, kasketak Europako Goi-mailako Hezkuntzaren eskaeretara egokitu duen lehen euskal unibertsitatea izan da.

2010eko Uztailean, MU-GEP UNIQUAL eta ANECA -k ebaluatu ondoren AUDIT-en zihurtagiria lortu zuen.

Campusa

Zerbitzuak

Idazkaritza birtualaz, liburutegiaz, kirol-zerbitzuaz, jangelaz, ostatuaz eta garraioaz gain, Goi Eskola Politeknikoak beste zerbitzu batzuk ere eskaintzen ditu:

Ikaskuntza-irakaskuntzako prozesuarekin lotuak

Orientazio Zerbitzua: tituluaren koordinatzaileak eta seihileko irakasle-taldeak hartzen dute parte.

Zerbitzu Akademikoak: idazkaritza akademikoko, ingeniaritzako idazkaritzako, mugikortasunaren eta nazioarteko harremanen zerbitzuko, ordutegien kudeaketa-zerbitzuko eta doktoregoaren kudeaketako pertsonak ditu barnean zerbitzuak. Egiten dituzten jarduera nagusiak:

Idazkaritza akademikoari loturiko zerbitzuak:

Izena ematea eta matrikula
Beka-eskariak eta ikasteko laguntzak
Ziurtagiriak, espedienteak eta tituluak ematea
Gradu eta Master amaierako lanak atzeman eta esleitzea
Nazioko eta nazioarteko mugikortasuna kudeatzea
Doktoregoa kudeatzea

Campus Birtuala. Moodle plataformak jarduera malgu batzuk eskaintzen ditu, irakasleen eta ikasleen interakzioaren bitartez irakaskuntza-ikaskuntzaren prozesuko hainbat alderdi lantzeko. Askotariko jarduerak egoki uztartuz, baita ikasleen eskura jarritako baliabideak eta materialak ere (dokumentazio-fitxategiak, bideoak, audioak, kanpoko orrialdeetara estekak), ikaskuntza osoagoa eta eraginkorragoa lor daiteke.

Erreprografia Zerbitzua. Unitate didaktikoak saltzeko eta fotokopiak egiteko gune bat du. Zerbitzuak campuseko hainbat eraikinetako atarietan kokaturiko fotokopiagailuen eta inprimagailuen mantentzea kudeatzen du.

Ekipo informatikoa kudeatzeko eta mantentzeko zerbitzua. Irakasgaietarako ikasleek behar dituzten softwareak lortzeaz, ezartzeaz eta eguneratzeaz arduratzen da; eta informatikako geletan izaten diren jazoerei erantzuteaz, eskola-ordutegian nahiz eskola-ordutegitik kanpo.

Instalazioak erabiltzeko ordutegia. Eskola-ordutegitik eta -egutegitik kanpo (Eskola-ordutegia: astelehenetik ostiralera 7:00etatik 19:00etara) ikasleek aldez aurretik baimena eskatuta instalazioak erabil ditzakete. Honela:

-Astelehenetik ostegunera, 24 orduak

-Ostiraletan: 00:00etatik 23:00etara

-Jai-egunetan eta oporraldietan: 8:00etatik 18:00etara

Habitatarekin harremanetan

Gizarte lokalak. MGEPko ikasleen eta irakasleen eskura hainbat gizarte-lokal daude, autozerbitzu gisa erabiltzeko oinarrizko sukaldeak dituztenak.

Kafetegia eta autozerbitzu makinak

Irakaslegoa

Tituluan klaseak ematen dituzten irakasleen zerrenda jasotzen duen dokumentua deskargatu.

Kalitatea

^{SGIC - Kalitatearen barne bermerako Sistema}

Kalitate-manuala
Prozesuak
Prozedurak
Hobekuntza plana	Ez daude

^Verifica

	Homologaziorako eskari-txostenak	UNIQUAL & ANECAren behin-betiko informeak	Ofizialtasuna emateko eta RUCTn erregistratzeko akordioak	Jarraipen adierazleak
Industria Antolakuntzako Ingeniaritzan Gradua

Atalak

Industria Antolakuntzako Ingeniaritzan Gradua

Zerk bereizten gaituen

Bekak eta Diru Laguntzak

Gradua amaitu ostean, zer?

Praktikak eta Gradu bukaerako lanak

Laburpen taula

Informazioa eta izen ematea

Zerk bereizten gaituen

Gure ikasketa eredua

Metodologia

Gure ikasketa eredua

Praktikak eta Gradu bukaerako lanak

Praktikak enpresan

Gradu Bukaerako Lana

Gure ikasketa eredua

Mugikortasuna eta Nazioarteratzea

Hezkuntza Eredua

Helburuak eta Konpetentziak

Hezkuntza Eredua

Irakaskuntza Programa

Ikasketa Plana

Hezkuntza Eredua

Gradua amaitu ostean, zer?

Ikasle berriak

Sarrera eta Onarpena

Ikasle berriak

Inskripzioa eta matrikula

Ikasle berriak

Prezioak

Ikasle berriak

Bekak eta diru laguntzak

Ikasle berriak

Ostatua eta Garraioa

Ostatua

Garraioa

Mondragon Unibertsitateko zerbitzuak

Garraio publikoaren ordutegiak

Ba Goaz

Campusa

Aurkezpena

Campusa

Zerbitzuak

Irakaslegoa

Kalitatea

Kalitatea

SGIC - Kalitatearen barne bermerako Sistema

Verifica

Gure ikasketa eredua

Hezkuntza Eredua

Ikasle berriak

Campusa

^{SGIC - Kalitatearen barne bermerako Sistema}

^Verifica