Graduak

Gradua Ikus-entzunezko Komunikazioa

Gradua Ikus-entzunezko Komunikazioa

MONDRAGON UNIBERTSITATEAk eskaintzen duen Ikus-entzunezko Komunikazioa Graduak komunikazioaren eta informazioaren alorreko esparru guztietan aritzeko profesionalak prestatzea du helburu. Gradua ikasi ostean edozein komunikazio-eremutan lan egiteko gauza izango zara, batez ere ikus-entzunezkoen eremuan.

1

Zerk bereizten gaituen

  • Ikuspegi praktikoa
  • Profil balioanitza
  • Praktikak egiteko aukera
  • Atzerrian ikasteko aukera
2

Bekak eta Diru Laguntzak

MONDRAGON UNIBERTSITATEAn, arazo ekonomikoengatik, inork ez diezaiola ikasteari utzi bermatzen dugu.

3

Irteera profesionalak

Ikus-entzunezko Komunikazioa ikasketak egin dituenak, gradua amaitutakoan, ikasten jarraitu, lan-merkatura irten edo bere enpresa sortzea aukera dezake.

4

Praktikak eta Gradu bukaerako lanak

MONDRAGON UNIBERTSITATEAk orientazio praktikoa du eta bere egiten ditu gizartean etengabe gertatzen diren aldaketak. Horregatik, ziurtatu egiten du ikasi bitartean bere ikasleek harreman zuzena izango dutela lan munduarekin, bereziki praktiken eta Gradu Bukaerako Lanaren bitartez.

Informazioa eta izen ematea

Kontaktua
Idazkaritza Akademikoa
Telefonoa
943714157
E-posta
idazkaritza.huhezi@mondragon.edu

Inskripzioa eta matrikula

Zatoz gu ezagutzera

Laburpen taula

Titulazio ofiziala
Ikus-Entzunezko Komunikazioan Gradua
Nori zuzendua
Esperientzia bat bizitzera prest dagoen jendearen bila gabiltza
Kreditu kopurua
240 ECTS
Hizkuntzak
Euskaraz
Eskaintzen den tokia
Aretxabaleta
Iraupena
4 urte
Modalitatea
Presentziala

Zerk bereizten gaituen

  • Ikuspegi praktikoa:jasotako ezagutza akademikoak praktikan jarriko dira beti, hainbat jarduera eta proiektu errealen bitartez. Arlo ezberdinetan egin ahal izango dituzu bai lanak, baita praktikak ere: prensa idatzia, irratia, telebista, zinema, publizitatea, komunikazio korporatiboa, internet, teknologia eta euskarri berriak… Hemen duzu, adibidez, gure ikasleek egindako zenbait lan, zer egiuten dugun jakin dezazuen.
  • Profil balioanitza: gaur egun komunikazio arloko enpresek eskatzen duten profila izateko prestatuko zaitugu; multimedia komunikatzailea izango zara.
  • Praktikak egiteko aukera: komunikazio arloko eremu ezberdinetako enpresa edo erakundeetan praktikak egingo dituzu lan mundua gertutik ezagutu ahal izateko.
  • Atzerrian ikasteko aukera: graduko zenbait materia atzerrian ikasteko aukera izango duzu, ERASMUS programari esker, eta Gradu Bukaerako Lana ere han egin dezakezu.

    Gure ikasketa eredua

    Metodologia

    Metodologia.  Metodología.

    TALDE-LANEAN PROIEKTUAK LANTZEN

    MONDRAGON UNIBERTSITATEAk bere hezkuntza eredua egungo eta biharko gizartearen erronkei heltzeko egokitu du, ondoko puntu hauetan oinarriturik: konpetentzietan oinarritutako prestakutza, ikasle eta irakasleen arteko harreman estua, talde-lana, etengabeko ebaluazioa, prestakuntza praktikoa enpresa eta erakundeetan, berrikuntza, sormena, ekintzailetza eta nazioarteko prestakuntza.

    EREDU BERRITZAILEA: PROIEKTUETAN OINARRITUTAKO IKASKUNTZA

    Ikaslea da ikaste prozesuaren ardatz eta eragile nagusia. Hurrengo metodologiak erabiltzen ditugu: kasu errealen simulazioak ikasgai bakoitzean, arazoetan, kasuetan eta proiektuetan oinarritutako ikaskuntza, praktikak...

    LANBIDEETAKO KONPETENTZIAK

    Zeharkako konpetentziak lantzeari esker, ikasleak ez ditu soilik gaitasun teknikoak bereganatuko; jakintzaz gain, egoten, ekiten eta izaten ere ikasiko du. Komunikazio eraginkorra, inplikazioa, erantzukizuna, lidergoa, ikuspegi kritiko eta globala izaten, eta horrelako gaitasunak bereganatuko ditu.

    Gure ikasketa eredua

    Praktikak eta Gradu bukaerako lanak

    MONDRAGON UNIBERTSITATEAK enpresa eta erakundeekin duen harreman estuari esker,  hauen beharrak ezagutzeko aukera dugu, bai ikerkuntzan zein proiektuen garapenean. Ikasle guztiek, graduko ikasketak burutzen dituzten bitartean edo hauek bukatzear daudela, praktikak eta Gradu Bukaerako Lanak (GBL) egiten dituzte enpresetan, erakundeetan, unibertsitatean bertan edo atzerrian. Ikerketa proiektuetan ere modu zuzenean parte hartzen dute.

    PRAKTIKAK ENPRESETAN

    Hirugarren mailan daudenean, ikasleek komunikazioaren alorreko zenbait enpresa eta erakundeetan egiten dituzte praktikak jasotako heziketaren osagarri modura; horren truke, 12 ECTS jasotzen dituzte. Praktika aldiak irauten duen bitartean (300 ordu gutxienez) ikaslearen garapenari jarraipen zuzena egiten zaio, bai unibertsitatetik tutore baten bitartez, baita enpresako tutorearen bitartez ere. Praktikak egitea derrigorrezkoa da.

    Aldi horretan, enpresak agindutako lana egiten dute, baina, horrez gain, hausnartu eta eztabaidatu egiten dute izandako esperientziaren gainean. Denbora guztian unibertsitateak eta enpresak gidatu egiten dute ikaslea praktika horietan, tutoreak erabilita.

    GRADU BUKAERAKO LANA

    Laugarren mailan daudenean ikasleek Gradu Bukaerako Lana (GBL) egiten dute banaka zein taldeka, eta, ordainez, 18 ECTS jasotzen dituzte. Lan horiek empresa edo erakunde baten eskaerari erantzun behar diote. Ikerkuntza lan osatuagoa da, epaimahai baten aurrean defendatu beharrekoa. Hemen ere, lana egin bitartean ikasleek tutore bat izaten dute bai enpresan eta baita fakultatean ere. Gradu titulua jasotzeko ezinbestekoa da Gradu Bukaerako Lana (GBL) gainditzea, eta berau aurkezteko ikasleek gaindituta izan behar dituzte irakasgai guztiak.

    ENPRESA KOLABORATZAILEAK

    Praktikak eta Gradu Bukaerako Lana (GBL) egiteko, MONDRAGON UNIBERTSITATEAK enpresa eta erakunde ugarirekin egiten du lan, besteak beste, honakoekin:

    EKOIZTETXEAKTELEBISTA KATEAKIRRATIAKKOMUNIKAZIO TALDEAK

    Baleuko Produkzioak

    Sayaka Producciones

    Bideografik ekoizpenak S.L.

    Pausoka

    La frutería productions S.L.

    Pausa Digital

    Dragoi Produkzioak E.M.

    Berde Produzkioak Koop.e.

    Bainet

    3 Koma

    Goiherriko ikuskari S.L. (GITB)

    Hamaika Telebista

    Teledonosti S.L.

    Bainet televisión S.A.

    ETB

    Urdaibai TB

    28 kanala

    Goiena telebista

    Xiberoko Botza

    Hala Bedi irratia

    Arrasate Irratia

    Radio Euskadi

    Radio Vitoria

    Euskadi Irratia

    Herri Irratia

    Segura Irratia

    Punto Radio

    EITB

    Goiena Komunikazio Taldea

    Bilbo Handia Ikus-entzunezkoak

    Busturialdeko Irrati Telebista S.L.

    Urolaldeko Komunikabideak S.L.

    Tolosako komunikabideak S.L.

    Donostialdea Ikus-entzunezkoak S.A.

    BLB Komunikazioa Koop.E.

    ENPRESA ETA ERAKUNDEAK

    Zabalik 2000 S.L.

    Danobat Koop.E.

    Garabide

    Silverspace Animation Studios S.L.

    Portaloi Kultur Elkartea

    Gertu enpresa aholkulariak eta abokatuak S.L.

    Euskal Herriko Bertsozale Elkartea

    Publiescena S.L.

    Booker 35 S.L.

    Idem 4 S.L.

    Cikautxo Koop.E.

    MU Enpresagintza

    Ulma Koop.E.

    Lanku Bertso Zerbitzuak S.L.

    Korrika – AEK

    Balenciaga S.A.

    Mundukide Fundazioa

    Arteman Komunikazio Koop.e.

    EMUN

    Renderizarte

    Prismaglobal Servicios y Proyectos S.L.

    Udom S.A.

    Ulma Cye S.Coop.

    Markina-Xemeingo Udala

    Infobide S.L.

    Badihardugu Euskara Elkartea

    Arizmendi Ikastola

    Asociación Cultural Casco Viejo

    AZK taldea

    Urkan Fotografía S.L.

    Mondragon Lingua

    Ordiziako Udala

     

    LKS ingeniería

    Sugar Factory S.L

    Asociación Hego-alde

    Urgull 2004 S.A.

    Basque Culinary Centre

    Alecop Koop.E.

    Beacon Language Consultants

    Zumarraga- Urretxuko Bertso eskola

    Grupo Mondragón

    LKS Ingeniería

    ULMA

    INTERNETEKO ATARIAKKOMUNIKAZIO AGENTZIAKEGUNKARIAK ETA ALDIZKARIAK

    Hirinet.net

    Uztarria.com

    Ahotsak.com

    Goiena.net

    Arteman Komunikazioa

    AZK komunikazioa

    Zabalik 2000 S.L.

    Urgull 2004 S.A.

    Goiena papera

    Noticias de Gipuzkoa

    Uztarria

    Gure ikasketa eredua

    Mugikortasuna eta Nazioarteratzea

    Mugikortasuna eta nazioartekotasuna. Movilidad e internacionalización

    Mundura erabat konektatuta egiten dugu lan, Hegoaldeko zein Iparraldeko herriekin. Horretarako akordioak ditugu herrialde hauetako unibertsitate, eskola eta enpresekin: Mexiko, Herbehereak, Norvegia, Suedia, Estonia, Danimarka, Finlandia, Belgika, Ingalaterra.

    ERASMUS

    ERASMUS programaren bitartez egonaldi akademikoak egiteko parada izango duzu atzerriko unibertsitateetan. Programa honen bitartez ikasleen mugikortasuna sustatzen da, atzerriko sona handiko unibertsitateekin MONDRAGON UNIBERTSITATEAk egiten dituen hitzarmenei esker. Atzerriko egonaldiaren ostean, ikasleei “learning agreement-en” adostu diren kreditu errekonozimendua emango zaie.

    GRADU BUKAERAKO LANA ETA PRAKTIKAK ATZERRIAN

    ERASMUS programaren bitartez, ikasleek egonaldia egiten dute atzerriko hainbat unibertsitatetan, eta ‘learning agreement-en’ adostu den kreditu aitorpena emango zaie. Gradu Bukaerako Lana (GBL) ere atzerrian egiteko aukera dago.

    Irakaskuntza programa

    Helburuak eta Konpetentziak

    Helburuak eta konpetentziak.Objetivos y competencias

    Tituluaren helburu nagusia da komunikazioaren eta informazioaren arloan jarduteko profesional balioanitzak prestatzea, komunikazioaren edozein eremutan jarduteko gaituak, eta batik bat, ikus-entzunezkoetan eta multimedian. Ikasleek formazio teorikoa eta praktikoa jasoko dute; arazoetan eta kasuetan oinarritutako metodologiez baliatuz, eta proiektuak gauzatzera bideratuta: multimedia komunikatzaileak prestatuko ditugu.

    Ikasleen ikus-entzunezko hizkuntzari zein tresneriari buruzko ezagutzak barneratuko dituzte, talde-lanean jardungo dute, eta komunikazio eta giza-trebetasunak bereganatuko dituzte.

    Profesional arduratsu, sortzaile eta konprometituak hezi nahi ditugu, errealitatearen interpretazio kritikoa egiten dutenak eta, aldi berean, gizarte aldakorrera egokitzen jakingo dutenak.

    Bestalde, MONDRAGON UNIBERTSITATEAK baditu zehaztuta bere metodologian hainbat zeharkako konpetentzia komun batzuk gradu guztietarako. Hurrengoak dira gaitasun horiek:

    • Talde-lana
    • Lidergoa eta ekintzailetasuna
    • Ikasten ikasi
    • Izpiritu kritikoa

      Irakaskuntza programa

      Ikasketa plana

      Irakaskuntza programa.Programa formativo

      1. MAILA 1. seihilekoa 1. MAILA 2. seihilekoa
      IKASGAIAMOTAECTSIKASGAIAMOTAECTS

      Ikus-entzunezko komunikatzailea

      D 2
      Ikus-entzunezko dokumentazioa OF 6 Ikus-entzunezko komunikazioaren historia
      OF 6
      Diseinuaren oinarriak
      D 6 Komunikazioaren teoria eta egitura OF 6
      Argazkigintza eta irudiaren lanketa digitala OF 6 Ikus-entzunezko teknologia
      D 4
      Idatzizko komunikazioa OF 6 Ahozko komunikazioa D 6
      Proiektua: komunikazio digitala D 6 Proiektua: Irratsaioa sortzea D 6
      Guztira 30 Guztira 30
      2. MAILA 3. seihilekoa 2. MAILA 4. seihilekoa
      IKASGAIAMOTAECTSIKASGAIAMOTAECTS
      Ikus-entzunezko komunikazioaren zuzenbidea
      OF 6 Zinemaren eta telebistaren teoria eta analisia OF 6
      Ikus-entzunezko kultura OF 6 Entretenimendurako gidoia
      D 3
      Ikus-entzunezko lengoaia
      OF 6 Antolaketa, programazioa eta audientziak telebistan
      D 6
      Animazio grafikoa I
      D 3 Identitatea, kultura eta informazioaren gizartea
      OF 6
      Ingelesa, ikus-entzunezko komunikazioan D 3 Animazio grafikoa II D 3
      Proiektua: Telebistarako albistegiak D 6 Proiektua: Telebista programa D 6
      Guztira 30 Guztira 30
      3. MAILA 5. seihilekoa 3. MAILA 6. seihilekoa
      IKASGAIAECTSIKASGAIAMOTAECTS
      Ikus-entzunezko narratiba
      D 3 Ikus-entzunezkoen errealizazioa
      D 3
      Fikzioko gidoia D 3 Aktore zuzendaritza D 3
      Kultura garaikidearen oinarriak D 3 Ikus-entzunezkoen produkzioa eta finantzaketa D 3
      Argazkigintza eta argiztapen zuzendaritza I D 3 Argazkigintza eta argiztapen zuzendaritza II D 3
      Soinuaren teoria eta teknika I
      D 3 Soinuaren teoria eta teknika II D

      3

      Hautazkoak H 3 Hautazkoak H 3
      Proiektua: Dokumental garaikidea
      D 6 Proiektua: Fikzioko praktikak D 6
      PRAKTIKAK ENPRESETAN
      D 6 PRAKTIKAK ENPRESETAN D 6
      Guztira 30 Guztira 30
      4.MAILA 7. seihilekoa 4.MAILA 8. seihilekoa
      IKASGAIAMOTAECTSIKASGAIAMOTAECTS
      Berrikuntzako laborategia
      D 3 Hautazkoak
      H 6
      Ikus-entzunezko enpresen eraketa eta kudeaketa
      D 4 GRADU BUKAERAKO LANA GBL 24
      Ikus-entzunezko obraren publizitatea, sustapena eta hedapena D 4
      Gizarte aldaketa eta informazio aroa D 6
      Ikus-entzunezko animazio teknikak
      D 4
      Hautazkoak
      H 3
      Proiektua: Formatu eta eduki berriak sortzea
      D 6
      Guztira 30 Guztira 30
      • OF - Oinarrizko Formazioa
      • D - Derrigorrezkoak
      • H - Hautazkoak
      • GBL - Gradu Bukaerako Lana
      ECTSak ikaslearen lan-orduetan neurtzen dira, ECTS bat = 25 lan-ordu (bertan sartzen dira ordu presentzial eta ez-presentzialak).

        Irakaskuntza programa

        Gida eta Arautegiak

        Mondragon Unibertsitateko graduko gida eta arautegia.

        Tituluak honako gidak eta arautegiak ditu.

        Hauek guztiek osatzen dute irakaskuntzaren garapen egokia aurrera eraman ahal izateko ikasleek, irakasleek eta langileek kontuan hartu behar duten arautegi eremua.

        Graduko Arautegi Akademikoa pdf
        Erasmus egonaldien gida eta arautegia pdf
        Praktiketako gida akademikoa pdf

        Irakaskuntza programa

        Irteera profesionalak

        IRteera profesionalak. Salidas profesionales

        Ikus-entzunezko Komunikazioa ikasketak egin dituenak, gradua amaitutakoan, ikasten jarraitu, lan-merkatura irten edo bere enpresa sortzea aukera dezake.

        Titulu honetako graduatuen profila oso anitza da. Hauek dira profil desberdinak:

        • Produktore eta kudeatzaile ikus-entzunezkoetan.
        • Erredaktore, diseinatzaile grafiko, eduki kudeatzaile Interneten.
        • Ikus-entzunezkoen produkzio eta postprodukzioa (irudia, soinua, grafismoa...).
        • Ikus-entzunezkoen ikerle, aditu, irakasle.
        • Zuzendari, gidoigile eta ikus-entzunezko errealizadore.
        • Erredaktore, diseinatzaile grafiko, eduki kudeatzaile interneten eta bestelako hedabideetan.

          Ikasle berriak

          Sarrera eta Onarpena

          Sarrera eta onarpena. Acceso y admisión.

          1) SARRERA-PROFILAK

          Egin nahi diren ikasketetan eskaeren kopurua eskainitako plazena baino handiagoa denean, plazak irizpide hauen arabera esleituko dira:

          • Batxiler-titulua izan eta selektibitatea gaindituta dutenak (baldin eta ez badute hasi ikasketa unibertsitariorik): plaza guztien %60.
          • Goi-mailako Teknikari-titulua edo Goi-mailako Kirol Teknikari titulua dutenak: plaza guztien %30.
          • Bestelakoak: plaza guztien %10.
            • 25 urtetik gorakoen sarbidea hartzen dutenentzat: %2.
            • 45 urtetik gorakoen sarbidea hartzen dutenentzat: %1.
            • %33ko ezintasun-maila edo handiagoa duten ikasleentzat: %3.
            • Goi-mailako kirolarientzat: % 1.
            • Unibertsitate-ikasketak hasita dituzten ikasleentzat eta unibertsitateko titulazioa daukaten ikasleentzat: %3.

           

          2)   ONARPEN-NOTA KALKULATZEKO IRIZPIDEAK

          Ikasleak hautaketa-prozesu honen arabera onartuko dira:

            • Batxiler-titulua izan eta selektibitatea gaindituta dutenak (baldin eta ez badute hasi ikasketa unibertsitariorik):
              • Onarpen-nota honela kalkulatuko da: Batxilergo notaren %60 +Selektibitateko Fase Orokorraren notaren %40 + a x 0,2+b x 0,2 (a eta b: fase espezifikoan, sartzeko notarik onenak ematen dituzten gainditutako ikasgaietako kalifikazioak; ikasgai bi, gehienez).
              • Selektibitatea 2010 baino lehenago gainditu dutenen kasuan, fase espezifikora aurkeztea erabakitzen baldin badute, onarpen-nota honela kalkulatuko da: Sartzeko Probaren behin betiko kalifikazioa (2010 edo aurreko ikasturteak) + a x 0,2+b x 0,2.
              • HUHEZIk 0,2ko haztapena emango die ondoko taulan ezarritako ikasgai guztiei, jarraian azaltzen den moduan:


              • Goi-mailako Teknikari-titulua edo Goi-mailako Kirol Teknikari titulua dutenak espediente akademikoaren batez besteko notaren arabera:

                Lehentasuna izango dute egin nahi den gradu-titulazioko ezaguera-adarrari lotutako Lanbide Heziketako titulua dutenek.

                 

                 

                GOI MAILAKO HEZIKETA ZIKLOEN FAMILIAK

                GOI MAILAKO TITULUEN ZERRENDA

                HAUR HEZKUNTZAKO GRADUA

                Gizarte eta Kultur Zerbitzuak

                • Gizarte eta kultur animazioa
                • Gizarte integrazioa
                • Haur hezkuntza
                • Zeinu mintzairaren interpretazioa

                LEHEN HEZKUNTZAKO GRADUA

                Gorputz eta kirol ekintzak

                • Gorputz eta kirol ekintzen sustapena

                Gizarte eta Kultur Zerbitzuak

                • Gizarte eta kultur animazioa
                • Gizarte integrazioa
                • Haur hezkuntza
                • Zeinu mintzairaren interpretazioa

                IKUS-ENTZUNEZKO KOMUNIKAZIOKO

                GRADUA

                Arte grafikoak

                • Argitalpen diseinua eta produkzioa
                • Arte grafikoen industrietako produkzioa

                Irudia eta Soinua

                • Ikus-entzunezkoen eta ikuskizunen errealizazioa
                • Soinua
                • Irudia
                • Ikus-entzunezkoen, irratiaren eta ikuskizunen produkzioa

                 

                Maiatzaren 7ko 558/2010 Errege Dekretuaren arabera, baldin eta unibertsitateko ikasketa ofizialetan graduko eskaera-kopurua plaza-kopurua baino handiagoa bada, lanbide-heziketako ikasleak fase espezifikora aurkeztu ahal izango dira onarpen-nota hobetzeko. Kasu horietan onarpen-nota honela kalkulatuko da:

                Onarpen nota = ZBN + a*M1 + b*M2

                  • ZBN = Heziketa-zikloko batez besteko nota.
                  • M1, M2 = Fase espezifikoan gainditutako proben artetik onarpen-nota onena ematen duten kalifikazioak (gehienez, bi).
                  • a, b = Fase espezifikoko azterketako notak haztatzeko parametroak.

                 

                • 25 urtetik gorako sarbide-proba gainditu dutenak: sarbide-probaren notaren arabera.
                • 45 urtetik gorako sarbide-proba gainditu dutenak: sarbide-probaren notaren arabera.
                • Unibertsitate-titulua dutenak edo unibertsitate-ikasketak hasita dituztenak: espediente akademikoa-ren batez besteko nota.

                 

                3)  2014-2015  IKASTURTEKO  INFORMAZIOA

                Ibilbide bakoitzeko ikasle-kopurua eta sarbide-nota iraileko hautatze-prozesuan:

                titulazioaplaza kopuruanondiksarrera nota

                 

                HAUR HEZKUNTZA

                 

                100

                Selektibitatetik 5,02
                Lanbide Heziketatik 5,80

                 

                HH-ATZERRIKO HIZKUNTZA

                 

                10

                Selektibitatetik 5,69
                Lanbide Heziketatik ----

                 

                LEHEN HEZKUNTZA

                 

                37

                Selektibitatetik 5,43
                Lanbide Heziketatik 6,77

                 

                LH-ATZERRIKO HIZKUNTZA

                 

                35

                Selektibitatetik 5,88
                Lanbide Heziketatik 7,00

                 

                LH-HEZKUNTZA BEREZIA

                 

                32

                Selektibitatetik 5,58
                Lanbide Heziketatik 7,14

                 

                LH-HEZIKETA FISIKOA

                 

                38

                Selektibitatetik 5,14
                Lanbide Heziketatik 6,20

                 

                IKUS-ENTZUNEZKO KOMUNIKAZIOA

                 

                45

                Selektibitatetik 5,63
                Lanbide Heziketatik 5,30

                4) AURREZ AURREKO ELKARRIZKETAK

                Behin aurreinskripzioa eginda, Ikus-entzuneko Komunikazioa gradua egin nahi duten ikasle guztiekin aurrez aurreko elkarrizketak egiten dira.  Bilera horietan, balizko ikaslearen motibazio eta formazio maila ezagutzeaz gain, matrikulazio prozesuaren gaineko argibideak ematen  zaizkie.

                 

                5) FAKULTATEAN IKASTEN HASI AURREKO LANTEGIA

                Komunikatzaile izateko ikasketak hasi aurretik, prestakuntza berezi bat eskaintzen du Humanitate eta Hezkuntza Zientzien Fakultateak: “Fakultatean ikasten hasi aurreko lantegia”. Goiz bateko lantegi horretan ikasleak aukera izango du, batetik, unibertsitatearekin lehenengo harreman bat izateko, bestetik, bertatik bertara ezagutzeko Humanitate eta Hezkuntza Zientzien Fakultatearen lan egiteko moduak, eta, azkenik, ezagutzeko, giro informal batean, ikaskide izango dituen lagunak. Gainera, elkargune hori baliatuko da argitzeko graduaren gainean egon daitezkeen zalantzak eta informazio emateko bizitza unibertsitarioaren gainean.

                “Fakultatean ikasten hasi aurreko lantegian” parte hartu ahal izateko, ezinbestekoa izango da ikasketetan inskripzioa eginda izatea.

                Behin unibertsitatera sartzeko beharrezko baldintzak beteta izanda, lantegian parte hartu izanak bidea emango du zuzenean matrikula egiteko.

                • Data: 2015eko martxoaren 14an.
                • Ordua: 11:00-12:30.
                • Lekua: Aretxabaletako campusa.

                Ikasle berriak

                Inskripzioa eta matrikula

                Mondragon Unibertsitateko inskripzio epea ingeniaritza mekanikoko graduan

                INSKRIPZIOA

                NOIZ EGIN DAITEKE?

                • Epea arrunta: 2014-12-01tik 2015-06-12ra
                • Epea apartekoa: 2015-07-08tik 2015-09-04ra (leku hutsak dituzten titulazioen kasuan)

                NON EMAN DAITEKE IZENA?

                Lotura honetan.

                MONDRAGON UNIBERTSITATEko edozein Fakultatetan.

                Nortasun Agiriaren fotokopia eranstea ezinbestekoa izango da (dokumentu bakarrean txertatu behar da).

                ELKARRIZKETA PERTSONALA

                Behin inskripzioa eginda deitu egingo dizugu, Graduko ikasketetako irakasle arduradun batekin elkarrizketa pertsonala egiteko. Elkarrizketa egin ondoren, eta hautatze prozesuan sartzeko, nahitaez dokumentazioa ekarri beharko da.

                AURKEZTU BEHARREKO DOKUMENTAZIOA

                • Batxilergoa: selektibitatearen txartela eta eskola liburuaren fotokopia bat.
                • Goi Mailako Heziketa Zikloa: ziurtagiri akademikoa.
                • Unibertsitate tituludunak eta sartzeko probak gaindituta dituzten 25 eta 45 urtetik gorako ikasleak: ziurtagiri akademikoa eta, dagokienean, sartzeko probak gainditu direla egiaztatzen duen ziurtagiria.

                Dokumentazio hau matrikula garaian entregatu ahal izango da, ekainaren 22ra arte.

                ONARTUEN JAKINARAZPENA

                Hautatze prozesua amaitzen denean, ikasleei onartuak izan diren edo ez jakinaraziko zaie inskripzioa egin duten plataformaren bitartez, ekainaren 23an.

                 

                MATRIKULA

                NOIZ EGIN DAITEKE?

                Ohiko epea :  2015eko uztailak 1, 2, 3, 6 eta 7

                Selektibitatea 2. txandan egin behar baduzu, ez ohiko epea irekiko da uztailaren 20tik 23ra eta irailaren 7an.

                Ordutegia: 09:00etatik 12:00etara

                EKARRI BEHARREKOA

                Argazki bat, originala, karneterako neurrikoa (izen-abizenak idatzita atzealdean).

                  • Argazki bat, originala, karneterako neurrikoa (izen-abizenak idatzita atzean).
                  • NAren fotokopia.
                  • Matrikula ordaintzeko erabili behar den libreta edo kontu korronteko libretaren fotokopia bat, non titularra, kontu zenbakia, BICa eta IBANa azaltzen diren.
                  • SEPA orria beteta eta titularrak sinatuta (originala izan behar da).
                  • Familia ugariko kide izanez gero, familia ugariaren liburua.
                  • Batxilergoan Ohorezko Matrikula lortu baduzu, egiaztagiria.

                    Matrikula epea bukatutakoan, erreserban gelditzen diren hautagaiekin telefonoz jarriko gara harremanetan plaza libreak sortzen diren heinean.

                    *Oharra: uztailean plaza libreak gelditzen badira, irailean aukera egongo da matrikula egiteko (eguna aurrerago zehaztuko da).

                    Ikasle berriak

                    Prezioak

                    Prezioak. Precios.

                    Kreditu kopurua: 60 ECTS

                    2015-16 aurreikusitako zenbatekoa: 4.980€

                    * Zenbateko hau behin-behinekoa da, Errektore Kontseiluaren onarpenaren faltan.

                    Ikasle berriak

                    Bekak eta diru laguntzak

                    Bekak eta diru laguntzak. Becas y ayudas

                    MONDRAGON UNIBERTSITATEAn ikasteko arazo ekonomikoak oztopo ez izatea da gure printzipioetako bat. Horretarako beka, laguntza programa zabala eta finantziazioa eskaintzen dizuegu.

                    Hemen aurkituko duzu informazio guztia Beka eta laguntzei buruz.

                    Ikasle berriak

                    Ostatua eta Garraioa

                    Ostatua eta garraioa. Alojamiento y transporte.

                    OSTATUA

                    MONDRAGON UNIBERTSITATEAk hainbat aukera eskaintzen dizkizu ikasturte osoan ikaslekutik gertu bizi zaitezen.

                    PEDRO BITERI ETA ARANA IKASTETXE NAGUSIA

                    Biteri Ikastetxe Nagusia MONDRAGON UNIBERTSITATEAn integratutako zentro unibertsitarioa da.

                    Ikastetxe Nagusia ikaslearen lagungarri izango den erakunde bat da. Oinarrizko beharrizanak beteko ditu lehenbizi, ostatu eta jantoki zerbitzuarekin; eta bigarrenik, zure formazio akademiko eta ez akademikoa zaintzen eta garatzen lagunduko dizu.

                    Ikaslearen ibilbide akademikoan makulu izango dira bertako langileak. Elkarrekin orpoz orpo lanean pentsaezinak diren helburuak lortuko dituzte.

                    Gainera, bizikidetza osasuntsuan adiskide berri eta sendoak egiteko aukera eskaintzen dizkio ikasleari Ikastetxe Nagusiak. Horrela, elkarrenganako benetako errespetutik hasita, norbanakoa eta egoiliar talde osoa, ahaztezinak izango diren urteak pasako dituzte elkarren ondoan.

                    Izena emateko epea: 2013-12-02tik 2014-06-13ra.

                    Matrikula epea: 2014ko uztailaren 1etik 7ra.

                    *Ikastetxe Nagusiak, zerbitzua ematen die Eskoriatza, Aretxabaleta, Arrasate eta Oñatiko campusei.

                    ETXEBIZITZA PARTEKATZEKO ZERBITZUA

                    Ikastetxe Nagusian ostatu hartu beharrean ikasleak beste ikasle batzuekin bizi nahi badu, unibertsitateak etxebizitza partekatu nahi duten beste ikasle batzuekin harremanetan jartzeko aukera eskainiko dio, etxebizitza bilatzeko online zerbitzuaren bitartez.

                    GARRAIOA

                    MONDRAGON UNIBERTSITATEAk ez du garraio zerbitzu propiorik, baina campusetara hurbiltzeko, garraio publikoa dago. Ondorengo garraio konpainietako webguneetan ordutegiak kontsultatzeko aukera izango duzu.

                    GARRAIO PUBLIKOAREN ORDUTEGIAK:

                    Ikasle berriak

                    Kredituak aitortzea

                    Kredituak aitortzea. Reconocimiento de créditos.

                    KREDITUAK AITORTZEA

                    Hauxe esan nahi du kredituak aitortzeak: ikasleak MONDRAGON UNIBERTSITATEAn zein beste edozein unibertsitatetako ikasketa ofizialetan eskuratutako kredituak, ikasten ari den Graduko tituluan konputatuko dira (kasuan kasukoan), titulu ofiziala eskuratzeko helburuarekin.

                    Espedientea beste edozein unibertsitatetatik MONDRAGON UNIBERTSITATEko Humanitateak eta Hezkuntza Zientzien Fakultatera lekualdatzekotan, edo, Mondragon Unibertsitatean bertan, irakaskuntza ofizialak aldatzekotan, oinarrizko formazioko kredituak automatikoki aitortuko zaizkio ikasleari, baldintza hauek betetzen badira:

                    • Gizarte eta Zuzenbide Zientzia adarrekoak izatea kredituak.
                    • Baliokideak izatea bai edukietan eta baita kreditu kopuruan ere.

                     

                    Lanbide Heziketako goi mailako teknikarien tituluak aitortzeko, honako hauek hartuko dira egokitzapena, gaitasunei, ezagutzei eta ikaskuntzako emaitzei dagokienez. Zehazki honako kontuan: graduko tituluko irakasgaien eta goi teknikarien tituluko modulu edo irakasgaien arteko egokitzapena.

                    Zehazki Ikus-entzunezko Komunikazioa Graduan lanbide Heziketako kreditu hauek aitortuko dira: icono pdf

                    Gainerako kredituak Fakultate honek aitortu ahal izango dizkio ikasleari, berak aurreko ikasketetan gainditutako materietako gaitasun eta ezagutzen eta Huheziko Graduan aurreikusita daudenen arteko egokitzapenaren arabera.

                    Aurreko paragrafoetan jasotakoaren arabera aintzat harturiko kredituak zenbakizko noten bidez kalifikatuko dira, irailaren 5eko 1125/2003 Errege Dekretuko 5. artikuluan xedatutakoaren arabera.

                    KREDITUEN TRANSFERENTZIA

                    Kredituen transferentzia terminoak hauxe adierazten du: ikasleak  MONDRAGON UNIBERTSITATEAn zein beste edozein unibertsitatetako ikasketa ofizialetan eginiko ikasketei dagozkien kredituak, titulu ofizial bat erdiestera bideratu ez badira, ziurtagiri akademiko ofizialetan sartzea.

                    Campusa

                    Aurkezpena

                    Aurkezpena. Presentación

                    Irakasle Eskola moduan sortu zenetik, 1976an, Mondragon taldeko mugimendu kooperatibora atxikitako hezkuntza kooperatiba izan da. Hortaz, kooperatiba izaera duen erakundea da Fakultatea, Euskal Herrian errotua. Era berean, ezagutzari lotutako formazio, ikerketa, aplikazio eta transferentzairi dagokionez, HUHEZI irekita dago mundu osoan arlo horretan diharduten beste zentro, pertsona eta erakunde batzuekiko elkarlan eta hartu-emanetara.

                    Sortu zenetik eta MONDRAGON UNIBERTSITATEA eratu arte, Irakasle Eskolaren eginkizuna irakasleak prestatzea izan zen; hori dela eta, soil-soilik Irakasle tituluak eskaintzen zituen.1998an, Mondragon Unibertsitatea sortzearekin batera, enpresara egokitutako Humanitate Lizentziatura eskaintzen hasi zen.

                    Hezkuntzako tituluei dagokienez, Irakasle tituluen eskaintza zabaldu egin zen, Heziketa Fisikoa eta Entzumena eta Mintzaira txertatuz. Horrez gain, 2000-2001 ikasturtean, Psikopedagogia Lizentziatura ezarri zen Hizkuntzen Psikopedagogiaren lerroan, eta, 2002-2003 ikasturtean, Esku-hartze Psikopedagogikoaren lerroa ireki zen. 2005ean, Ikus-entzunezko Komunikazioko Lizentziatura eskaintzen hasi zen.

                    2009-2010 ikasturtean, eta Bolognia prozesuaren ondorioz, Europar esparrura egokitutako titulazio berriak eskaintzen hasi zen, zehazki honako hauek:

                    Graduak: Haur Hezkuntza, Lehen Hezkuntza eta Ikus-entzunezko Komunikazioa.

                    Masterrak: Derrigorrezko Bigarren Hezkuntzan, Batxillergoan, Lanbide Heziketan eta Hizkuntzen Irakaskuntzan irakasle gisa aritzeko gaitzen duen Unibertsitate Master Ofiziala.

                    2011-2012an bi Unibertsitate Master Ofizial eskeintzen hasi zen: Hezkuntza Testuinguru Multikultural eta Eleaniztunetan Masterra eta Berrikuntza Didaktiko eta Metodologikoko Proiektuen Garapena eta Kudeaketa Hezkuntza Erakundeetan Masterra.

                    2012-2013an Vic-eko unibertsitatearekin batera diseinatutako eta antolatutako Doktorego Programa berri hau jarri zen abian: Berrikuntza eta esku-hartzea Hezkuntzan Programa.

                    ARETXABALETAKO CAMPUSA

                    2013. urtean inauguratu zen, guztira 3.228,69 m2 ditu.

                    ESKORIATZAKO CAMPUSA

                    Eskoriatzako campusa, bi eraikinek osatzen dute, Nagusia eraikinak (5544 m2) eta Dorleta Eraikina (2000 m2)

                     


                    Campusa

                    Instalazioak

                    ARETXABALETAKO CAMPUSA

                    2013. urtean inauguratu zen, Aretxabaletan (Gipuzkoa).  Ikus-Entzunezko Komunikazioko ikasketak ematen dira, eta beste zenbait Aditu Titulu eta ikastaro ere. Instalazio guztiak ikasketa guztiz praktikoak izateko egokituta daude.

                    Eraikinak baditu hiru solairu eta 2.700 metro koadro erabilgarri. Beheko solairuan, honako atal hauek daude: atondoa eta ikasleentzako zerbitzu orokorrak; areto nagusia, hainbat ekitaldi eta talde-lanetarako erabiltzen dena; platoa, croma sistemaz jantzita dagoena eta hainbat eginkizunetarako balio duena, hala nola aktore-zuzendaritzarako. Eta, azkenik, wifiz hornitutako ikasketa-gela handi bat ere badago solairu horretan.

                    Lehen solairuan, 40 ordenagailuz hornitutako “infogela” handi bat, ikasgela handi bat, tamaina ertaineko beste hiru ikasgela eta hiru ikasgela txiki egokitu dira. Bigarren eta azken solairuan, komunikazio-berrikuntzako laborategia, irakasle-gela, irrati-estudioa, multimedia-tailerra, animazio-gela eta zortzi edizio-gela daude.

                     

                    ESKORIATZAKO CAMPUSA

                    HUHEZIko Eskoriatzako (Gipuzkoa) campusean, Haur Hezkuntzako eta Lehen Hezkuntzako graduak eskaintzen dira. Baita Derrigorrezko Bigarren Hezkuntzan, Batxillergoan, Lanbide Heziketan eta Hizkuntzen Irakaskuntzan irakasle gisa aritzeko gaitzen duen Unibertsitate Master Ofiziala eta beste zenbait Aditu Titulu eta ikastaro ere.

                    Eskoriatzako campusak bi eraikin ditu: Irakasle Eskola bezala 1976an inauguratu zena (Dorleta eraikina), eta ondoko San Viator eraikin historikoa (XVII. mendekoa), Gizabidea Fundazioak 1999ean erosi zuena (eraikin nagusia).

                    Campusa

                    Zerbitzuak

                    Zerbitzuak. Servicios

                    Humanitate eta Hezkuntza Zientzien Fakultateak hainbat zerbitzu eta azpiegitura eskaintzen dizkie bere ikasleei ikasketek iraun bitartean, haien bizikidetza errazteko.

                    ZERBITZU OROKORRAK

                     

                    IKASKUNTZA-IRAKASKUNTZA ZERBITZUAK

                    • Orientazio Zerbitzua: tituluaren koordinatzaileak eta seihileko irakasle-taldeak hartzen dute parte.
                    • Zerbitzu akademikoak:
                      • Izena ematea eta matrikula
                      • Beka-eskariak eta ikasteko laguntzak
                      • Ziurtagiriak, espedienteak eta tituluak ematea
                      • Gradu eta Master Bukaerako Lanak kudeatu eta esleitzea
                      • Nazioko eta nazioarteko mugikortasuna kudeatzea
                      • Doktoregoa kudeatzea
                      • Campus birtuala: Moodle plataformak jarduera malgu batzuk eskaintzen ditu, irakasleen eta ikasleen interakzioaren bitartez irakaskuntza-ikaskuntzaren prozesuko hainbat alderdi lantzeko.
                      • Erreprografia zerbitzua.
                      • Ekipo informatikoa kudeatzeko eta mantentzeko zerbitzua.

                      Campusa

                      Graduondoko tituluak

                      Graduondoko tituluak. Títulos de postgrado

                      Zure prestakuntza sakondu nahi baduzu, MONDRAGON UNIBERTSITATEAk gradu-ondoko programa zabala eskaintzen dizu, bai Unibertsitate Masterretan bai Ikerketarako Master Ofizialetan bai Master mailako Titulu propietan eta bai aditu kurtsoetan eta kurtso aurreratuetan. Informazio gehiago.

                        Ikerketa

                        Ikerketa. Investigación.

                        HUHEZI fakultatean Ikerketa eta Transferentzia arloa hiru eremutan ari da garatzen: Hezkuntza, Komunikazioa eta Lankidetzaren eremuetan, hain zuzen. Esparru horietan hiru ikerlerro nagusi identifikatzen dira:

                        Ikerlerro bakoitzean zenbait ikertalde daude atxikita. Haietako bakoitzak hainbat jarduera akademiko eta hainbat ikerketa eta transferentzia proiektu eramaten ditu aurrera: argitalpenak, jardunaldi zientifikoetan ekarpenak, proiektu finantzatuak eta transferentzia jarduerak (bai administrazio eta erakunde publikoetan bai enpresa eta erakunde pribatuetan).

                        Ezagutu gure ikertaldeak.

                        Kalitatea

                        Kalitatea

                         

                        VERIFICA

                        Ikasketa plan ofizialen proposamenak ebaluatzeko programa da, Europako Goi Hezkuntza Esparruarekin bat eginda diseinatuta.

                        ANECAren aldeko txostena ezinbestekoa da tituluak izaera ofiziala izan dezan.

                        Homologaziorako

                        eskari-txostenak

                        ANECAren behin-betiko

                        informeak

                        Ofizialtasuna emateko eta RUCTn

                        erregistratzeko akordioak

                         

                        Ikus-entzunezko Komunikazioa Gradua

                        RUCTera lotura

                         

                        MONITOR

                        Unibertsitateen zerbitzurako programa bat da, titulu ofizialen jarraipena egiten laguntzeko, zuzen ezartzen direla eta emaitzak egokiak direla egiaztatzeko.

                        Jarraipen-txostena

                        UNIBASQeko txostena

                         

                        Ikus-entzunezko Komunikazioa Gradua

                         

                         

                        ACREDITA

                        Programaren helburua da titulu ofizialen balorazioa egitea. Bere xede nagusia da, alde batetik tituluaren emaitzak egokiak direla bermatzea eta bestetik, titulua zuzen ematen dela ikustea, egiaztapenaren hurrengo berrikuntzara arte.

                         

                        Iradokizun eta Proposamenak

                        Ikasleek formulatzen dituzten iradokizunak eta proposamenak dira Unibertsitateak etengabeko hobekuntzarako dituen tresna nagusietakoak.

                        Hobetzeko iradokizun eta proposamenik baduzu eta guri helarazi nahi badiguzu, bete dokumentu hau:

                        Dokumentua entregatzeko bi aukera daude:

                        1.- Posta elektronikoz bidali: iradokizunak.huhezi@mondragon.edu

                        2.- Dokumentua fakultateko edozein leihatilatan entregatu