Albisteak

2017/04/25

Komunikaldia jardunaldia: Kirola, komunikabideak eta generoa

Kirola, komunikabideak eta generoaren arteko harreman hizpide hartuta, maiatzaren 4an egingo dute, Aretxabaletako campusean, aurtengo Komunikaldia jardunaldia. Ikus-entzunezko Komunikazioa Graduak antolatzen du topaketa. Aurtengoa, jardunaldiaren 12. edizioa izango da.

2017/04/01

'Beti bezperako koplak' animaziozko laburrak irabazi du Huhezinemako 10. edizioko sari nagusia

Ageda Kopla Taldeak egindako 'Beti bezperako koplak' animaziozko laburrak irabazi du Huhezinemako Sail Ofizialeko Goiena saria. 10. edizioko sari banaketa egin zen atzo, martxoak 31, Aretxabaletako Arkupe Aretoan. MONDRAGON UNIBERTSITATEko Ikus-entzunezko Komunikazioa Graduko 4. mailako ikasleek antolatzen dute Huhezinema Euskal Film Laburren Jaialdia.

2017/03/31

AIC kalitate ziurtagiria lortu du Huhezinema Euskal Film Laburren Jaialdiak, gaur emango dute jakitera 10. edizioko irabazleen izenak

Albiste bikain batekin hasi da aurtengo Huhezinema Euskal Film Laburren Jaialdia: AIC kalitate ziurtagiria eman dio jaialdiari. Ziurtagiri horrekin Espainiako Asociación de la Industria del Cortometraje (AIC) erakundeak aitortu nahi izan du MONDRAGON UNIBERTSITATEko Ikus-entzunezko Komunikazioa Graduko ikaslek antolatzen duten lehiaketak egin duen 10 urteko ibilbide ona. Jaialdiak gaur emango da jakitera aurtengo edizioko iragazleen izenak. Sari banaketa ekitaldia egingo dute, 20:00etan, Aretxabaletako Arkupe aretoan.

2017/03/28

AIC kalitate ziurtagiria lortuta eta berrikuntza askorekin egingo dute Huhezinema Euskal Film Laburren Jaialdia, martxoaren 29tik 31ra

Albiste on batekin hasiko da aurtengo Huhezinema: AIC kalitate ziurtagiria eman dio jaialdiari. Horrela, Espainiako Asociación de la Industria del Cortometraje (AIC) erakundeak aitortu nahi izan du lehiaketak egin duen 10 urteko ibilbidea. Aurten gainera, ohiko lehiaketa eta proiekzio gain, Ikus-entzunezko Komunikazioa graduko 4. mailako ikasleek antolatzen duten jaialdiak berrikuntza asko izango ditu oraingo edizioan. Besteak beste, aurten estreinatuko ditu irudi grafiko eta atal berriak eta egingo dute aurreko edizioetako ikasle antolatzaileen bilkura. Martxoaren 29, 30 eta 31 egingo dute, Aretxabaletako Arkupe Kultur-Etxean, Huhezinema Euskal Film Laburren Jaialdiaren 10. edizioa.

2017/03/16

166 lagunek hartu dute parte Graduetako lehenengo Onarpen proba ekitaldian Humanitate eta Hezkuntza Zientzien Fakultatean

Pasa den larunbatean, hilaren 11n, egin zituzten Onarpen probak 2017-2018 ikasturtean graduak ikasi ahal izateko Humanitate eta Hezkuntza Zientzien Fakultatean. Proba horien lehenengo deialdi honetan 166 ikasle gaik hartu zuten parte; 118 lagunek Haur Hezkuntza eta Lehen Hezkuntza Graduetarako eta beste 48ak Ikus-entzunezko Komunikazioa Gradurako. Hurrengo Onarpen probak egingo dira apirilaren 26an eta ekainaren 10ean.