Zerbitzuak

Baliabide material eta didaktikoak

Lantalde honetan kokatzen dira Teknologia Zerbitzuak, Biblioteka eta Multimedia.

Teknologia Zerbitzuak

Bai ikasleek eta baita langileek ere aukera dute teknologia berriak erabiltzeko Humanitate eta Hezkuntza Zientzien Fakultateak eskaintzen dizkien zerbitzuei esker:

  • Infogelak. Bi infogela daude Eskoriatzako campusean, 40 erabiltzailerentzako bakoitza (PC ordenagailuekin), eta infogela bat Aretxabaletan, 42 Mac ordenegailurekin, ikasleentzako erabilgarri eta ordutegi zabalarekin.
  • Posta elektronikoa. Denok dugu posta helbide bat mondragon.edu domeinu barruan, bai ikasleek eta baita langileok ere. Posta helbide hori, gainera, edozein tokitik erabilgarria da eta iraunkorra. 
  • Intranet-a. Ikasleek intranet-erako sarbidea izango dute: bertan daude beharrezko dauzkaten baliabide eta aplikazioak, euren jardunerako.
  • Wi-fi zerbitzua. Fakultateak wi-fi zerbitzua du. Bi campusetan dago (ikasgeletan, infogeletan, liburutegian, tabernan, klaustroan, ganbaran).
  • ELZ zerbitzua (Erabiltzailearen Laguntza Zerbitzua). On-line ikasketentzako laguntza tekniko zerbitzua, 08:00etatik 18:00etara.

Multimedia

Multimedia gunea erabat digitala da eta material berriekin hornituta dago, Aretxabaletan. Gune horretan daude bideo ediziorako gelak, irrati estudioa, bideo kamerak, argazki kamera profesionalak, argiztapenerako ekipoak, mikro harigabeak… Horrez gain, Aretxabaletan eta Eskoriatzan grabagailu digitalak, argazki kamerak, bideo kamerak eta beste hainbat aparatu daude.

Material guzti hori Mailegu zerbitzuak kudeatzen du, eta ikasleek aukera daukate material hori mailegatzeko, beren unibertsitate lanak egiteko.

Biblioteka

Mondragon Unibertsitateko biblioteka egokia da ikasteko, irakasteko, ikertzeko eta, oro har, unibertsitatearen baliabideak kudeatzeko. Liburutegiaren eginkizuna da, batetik baliabideak zabaltzea eta, bestetik, sortzea beharrezko baliabide teknologikoak unibertsitateko ikasprozesuak eta ezagutzak behar bezala gara daitezen.

Baliabideak

Guztira, 2.356 m2 ditu, hiru campusetan banatuta. Eraikinak berriak edo birmoldatu berriak dira. Hari gabeko sarea, 457 lanpostu, 19 gela banaka nahiz taldean lan egiteko, ordenagailuen gela, 83 PC, eskanerrak, fotokopiagailuak, inprimagailuak eta ikus-entzunezko ekipamenduak dituzte. Mailegu-zerbitzu bat ere badu, eta bertan mailega daitezke ordenagailu eramangarriak, argazki-kamerak, bideokamerak, hari gabeko txartelak, eta audio grabagailuak, besteak beste. Ikasleek liburutegiko ekipamendu informatikoetatik sarrera izango dute bakoitzarentzako ezarritako profilaren arabera, euren prestakuntzarako beharrezkoak dituzten aplikazio informatiko guztietara.

Bilduma

Bilduma 80.000 liburukik eta aldizkako 800 argitalpenek baino gehiagok osatzen dute, horietatik 250 formatu elektronikoan. Gainera, liburutegiko webgunearen bitartez, erabiltzailea sar daiteke 14 datu-base baino gehiagoko informaziora, informazio zientifiko garrantzitsuenetako atarietara, aurkibide elektronikoei dagokien aplikaziora eta  Refworks bibliografiaren kudeatzailera nahiz beste baliabide eta zerbitzu ugarietara.

Ordutegia

  • 08:00 - 21:00 Astelehenetik ostegunera.
  • 08:00 - 18:00 Ostiraletan.