Zabalik dago izena emateko epea HUHEZIn ikasi nahi dutenentzat
2010/02/01
Otsailaren 1ean ireki da izena emateko epea 2010-2011 ikasturtean HUHEZIn ikasi nahi dutenentzat. Epea zabalik egongo da ekainaren 18a arte. Gure fakultatearen kasuan, izena eman daiteke honako ikasketetan:
- 3 graduetan: Lehen Hezkuntza, Haur Hezkuntza eta Ikus-entzunezko komunikazioa.
- Psikopedagogian.
- Bigarren Hezkuntzako masterrean.
Hiru modu izena emateko
Hiru modu daude izena emateko, eta, denetan, ikasleak adierazi beharko du egin nahi dituen ikasketen lehentasuna:
- Fakultatearen webgunean, bertako Idazkaritza birtualean.
- Mondragon Unibertsitatearen edozein fakultatetan.
- Posta erregistratu bidez. Kasu honetan, ikasleak eskatu beharko dio fakultateari gutunazala bidaltzeko.
Kasu guztietan, honako dokumentazio hau beharko da:
- Inskripzioaren eskaera beterik.
- Nortasun txartelaren fotokopia.
Eskatutako dokumentuetako edozein faltsua dela gertatuz gero, izen ematea automatikoki baliogabetuko da.