Hitzaldia azaltzeko zertan den Transition mugimendua eta berau zelan moldatu Euskal Herrian
Mondragon Unibertsitateko Humanitate eta Hezkuntza Zientzien Fakultateak, Lanki Institutuak eta Bagara elkarteak hitzaldi bat antolatu dute uztailaren 6rako Goi Eskola Politeknikoan: “Iraunkortasunerako trantsizioa: Euskal Herrirako ikasbideak”, eta bertan Ben Brangwyn eta Peter Lipman hizlariek azalduko dute zer den Transition mugimendua. Hitzaldia arratsaldeko 18:30ean izango da, areto nagusian, eta mundu guztia dago gonbidatuta bertara joatera.
Transition mugimendua
Zer da Transition mugimendua? Transition mugimendua Totnes hirian sortu zen, Devon herrialdean, Ingalaterran, eta poliki-poliki beste lurraldetara hedatu da. Petrolio ugari eta merkearen amaierak eta aldaketa klimatikoak eman diote izateko arrazoia mugimenduari. Hori dela-eta, gizarte aldaketak bultzatzen ditu petrolioarekiko menpekotasuna murrizteko eta karbono isurketak gutxitzeko, herria edo komunitatea oinarri hartuta.
Argibide gehiago, Bagara elkartearen blogean aurki daiteke.
euskaltube.com bideoak | Izenburua: Iraunkortasunerako trantsizioa: Euskal Herrirako ikasbideak | Erabiltzailea: bagara