Hasi dira barne txapelketak HUHEZIn, hiru kiroletan
Urtero
bezala, azaroan hasi eta abendu amaiera arte, aurten ere jokatzen ari
dira barne txapelketak Humanitate eta Hezkuntza Zientzien Fakultatean,
Eskoriatzan, hiru kiroletan: areto futbola, frontenisa eta 3x3
saskibaloia. Bertan neskak eta mutilak ari dira parte hartzen.
Partaide
kopuruari dagokionez, areto futbolak izan du arrakasta handien:
mutiletan zazpi talde aurkeztu dira berau jokatzeko, eta neskatan, lau.
Frontenisean emakumeak izan dira nagusi; 3x3 saskibaloian, berriz,
alderantziz izan da. Beste zenbait ikasle, bestalde, HUHEZItik
Arrasatera joan dira, Goi Eskola Politeknikora, bertan eskupilotan eta
palan jokatzera.
Irabazleek aukera izango dute saria jaso eta
parte hartzeko Mondragon Unibertsitateko barne txapelketan. Berau
otsailean jokatuko da, eta bertan parte hartuko dute hiru
fakultateetako ikasleek: Goi Eskola Politeknikoa, Enpresa Zientzien
Fakultatea eta Humanitate eta Hezkuntza Zientzien Fakultatea.