Garabidek formazio saioak antolatu ditu Ekuadorren bi telebista kate sor ditzaten kitxuaz

Garabide elkarteak formazio egitasmo bat antolatu du, Ekuadorren bi telebista kate berri sortzeko, kitxuaz emitituko dutenak. Hori dela-eta, otsailaren lehendabiziko hamabostaldian hamar laguneko taldea izango da Euskal Herrian, batzuk Pichincha eta Umbabura probintzietatik etorriak eta besteak Cotopaxitik, denak Ekuadorkoak.

Bi aste horietan, oinarrizko formazioa emango zaie indigenen ordezkariei, han daudenean gai izan daitezen telebista bat abiarazteko: aholkularitza lana, formazioa enpresak sortzeko, erakutsi kooperatibak eta enpresa ereduak, baita telebista esperientziak Euskal Herrian ere, ohartarazi hizkuntzaren estandarizazio beharraz, eta erakutsi egungo programazio ereduak eta langintza multimedia. Programa hau osatzeko, Garabide elkarteak Huhezi fakultatearen eta bertako irakasleen laguntza izan du, eta baita Euskal Telebista, Goiena Telebista eta Goierri Telebistarena ere, EHUko irakasleena eta beste zenbait profesionalena.

Helburuak

Formazio egitasmo honek hainbat helburu ditu:

• Kitxua indartu eta garatzea, telebista kanal berrien bidez.
• Kitxua komunitateak tarte bat izatea Ekuadorko hedabideetan, bere kultura, hizkuntza eta nortasuna garatzeko.
  
• Herri indigenen benetako irudi eta aldarrikapenen berri ematea.
• Partaidetza soziala bultzatzea.
• Kulturen arteko espazioak zabaltzea telebistan, eta berau Ekuadorko kultura aniztasunaren isla bihurtzea.

Egitaraua

izango dira batez ere, eta bisitak Euskal Herrian barrena, lekuan lekuko esperientziak ezagutzeko.