Albisteak http://www.mondragon.edu daily 1 2010-12-02T15:00:18Z Hitzarmena MU - Universidad Federal de Fronteira Sul http://www.mondragon.edu/eu/huhezi/aktualitatea/albisteak/mu-uffs-ituna Lanki ikertegiak eta Mundukide Fundazioak babestuta, Mondragon Unibertsitateak eta Fronteira Sulgo Unibertsitate Federalak, berau Brasilgoa, lankidetza hitzarmena sinatu zuten maiatzaren 22an Eskoriatzan. Hitzarmenaren helburua da nazioarteko lankidetza sustatzea unibertsitate bien artean. Antonio Inacio Andrioli UFFSko errektoreordeak eta Iosu Zabala MUko errektoreak sinatu zuten hitzarmena, ondoan zituztela Movimento dos Trabalhadores Rurais Sem Terra (MST) elkarteko ordezkaritza bat eta Nekane Arratibel HUHEZIko dekanoa.

Hain zuzen ere, egun hauetan Euskal Herrian da Brasilgo ordezkaritza bat, bost lagunek osatua. Horietatik hiru etorri dira Parana estatutik eta bi Sergipe estatutik. Bi dira MST mugimendukoak eta gainerakoak inguru haietako unibertsitate eta eskoletakoak. Bidaiaren helburu bat izan da hitzarmena sinatzea MUrekin, eta jarraipena egitea erakunde horiek Mundukide fundazioarekin eta Lanki ikertegiarekin martxan dituzten proiektuak.

]]> No publisher Joxe Aranzabal 2012-05-23T09:45:00Z Albistea Jardunaldia Hezkuntza berrikuntzaren inguruan http://www.mondragon.edu/eu/huhezi/aktualitatea/albisteak/hezkuntza-berrikuntza Ekainaren 1ean jardunaldi bat egingo da Mondragon Unibertsitatearen Humanitate eta Hezkuntza Zientzien Fakultatean: "Hezkuntza berrikuntza: nola erantzun eskolaren erronkei?". Ekitaldiaren asmoa da sakontzea unibertsitate eta eskolen arteko harremanean, beti ere, elkarlanean eta esperientziak partekatuta. Jardunaldiak goiz osoa iraungo du, eta bertan hitzaldiak eta mahai inguru bateratuak egongo dira, eta baita bi ibilbide aukeran: “Berrikuntza metodologikoa” eta “Eleaniztasuna eta irakasleen formazioa hizkuntzen didaktikan”.

Jardunaldia zuzenduta dago, besteak beste, eskoletako irakasleei, orientatzaileei, zuzendariei eta berritze guneetako teknikariei . Matrikula doakoa izango da. Hori bai, izena eman beharko da maiatzaren 28a baino lehenago, hurrengo helbidean: harrera.huhezi@mondragon.edu Izena ematerakoan, zehaztu behar da zein den aukeratutako ibilbidea.

Egitaraua

08:45 Harrera: Dokumentazio banaketa.
09:00 Ongi etorria: Nekane Arratibel, Huheziko dekanoa.
09:15 Hitzaldia: “Hezkuntzaren Hobekuntza: ildoak, estrategiak. Eragileen zereginak”.  Agurtzane Martinez (Huhezi).
10:00 Kafea.
10:30 Esperientziak eta eztabaida, bi ibilbide aukeran:

  • A ibilbidea: Berrikuntza Metodologikoa (Tokia: Areto Nagusia N.0.2)
    • “Ikaskide taldeak. Berrikuntza baten ezarpenean izandako esperientzia”. Joseba Bilbao (Bihotz Gaztea ikastola, Santurtzi).
    • “Haurraren seinaleak hobekuntzaren abiapuntu”.  Alex Barandiaran (Huhezi).
    • “Etorkizuneko erronkei erantzuten ikastea. Irakasletzako ikasketen ikuspegi aldaketa”. Mariam Bilbatua (Huhezi). Eztabaida.
  • B ibilbidea: Eleaniztasuna eta irakasleen formazioa hizkuntzen didaktikan (Tokia: N.0.9 Aretoa)
    • “Hezkuntza berrikuntzarako elkarlana: Teoria eta praktikaren uztarketa ikastolen “Eleanitz” egitasmoan”.  Itziar Elorza (Ikastolen Elkartea).
    • “Eskola eta unibertsitatearen arteko elkarlana: Luis Ezeiza Herri Ikastetxean izandako esperientzia”. Begoña Pedrosa eta Pili Sagasta (Huhezi).
    • “Irakaslearen autokonfrontazioa hizkuntzaren didaktika berritzeko tresna gisa. Esperientzia bat Zarauzko Salbatore Mitxelena Ikastolan”. Matilde Sainz (Huhezi), Arantza Ozaeta (Huhezi) eta  Joxan Elola (Salbatore Mitxelena Ikastola, Zarautz). Eztabaida.

12:30 Mahai-ingurua: “Nola erantzun eskolaren erronkei:  Eskola eta Unibertsitatearen arteko elkarlana”. Lourdes Etxebarria (Aretxabaletako Kurtzebarri Eskola),  Joseba Bilbao (Bihotz Gaztea Ikastola, Santurtzi), Paloma  Gabirondo (Salbatore Mitxelena, Zarautz),  MKarmen Garrido (San Martin eskola, Aramaio), Mariam Bilbatua (Huhezi) eta Arantza Ozaeta (Huhezi). Moderatzailea: Ainara Artetxe (Huhezi).

]]> No publisher Joxe Aranzabal 2012-05-22T14:55:00Z Albistea Komunikazioko ikasleek egindako lanak ikusgai sarean http://www.mondragon.edu/eu/huhezi/aktualitatea/albisteak/ikasleen-lanak-webean Mondragon Unibertsitateko Komunikazio guneak orri berezi bat sortu du Humanitate eta Hezkuntza Zientzien Fakultateko webgunean, bertan erakusteko Ikus-entzunezko komunikazioa egiten ari diren ikasleek zelako lanak egiten dituzten. Web orriaren izena da Ikasleek egindako lanak, eta bertan erakutsiko dira ikasleek egindako lanik onenak, arlo hauetan: bideoak, audioak, idazlanak, diseinua, grafismoa eta argazkiak. Horra iritsi aurretik baina, lan horiek gainditu beharko dute galbahe bat, irakasleen iritziz gutxieneko kalitatea izan beharko dute-eta web orrian azaltzeko.

Orri horren helburua da, alde batetik komunikazioko ikasketen erakusleiho izatea, jendeak ikus dezan hemen dabiltzan ikasleak zertarako gai diren sei arlo horietan. Bestetik, motibazio iturri izan nahi du ikasleentzat, ikusita ondo egindako lanak aitorpena jaso dezakeela. Hona hemen zenbait adibide:

Bideoa

Audioa

By Oihane Beñaran.

Diseinua

Argazkiak

]]> No publisher Joxe Aranzabal 2012-05-19T14:35:00Z Albistea Hasi da ekonomia solidarioaren inguruko graduondoa http://www.mondragon.edu/eu/huhezi/aktualitatea/albisteak/ekonomia-solidarioa2 Hiru hilabetez, apirilaren 23tik uztailaren 13ra bitartean, iraungo du aurten ekonomia solidarioaren inguruko graduondoak: “Ekonomia solidarioaren garapenerako kudeaketa ekonomiko eta soziala”. 2010ean bezala, orduan egin baitzen graduondoaren lehen edizioa, aurten ere 17 lagun ari dira bertan parte hartzen, denak Latinameriketakoak. Aurten ere LANKI Institutuak Ekonomia solidarioaren inguruko graduondoa jarri du martxan. 2001tik aurrera LANKIk Mundukide fundazioarekin batera ekonomia solidarioko ekimenen eta Arrasateko kooperatiba esperientziaren arteko elkarlana garatzeko sortutako ekinbideetako bat da graduondo hau.

Aurten bigarrenez egiten ari garen formazio honen bidez ekonomia solidarioko ekimenak sendotu eta bideragarri egiteko baliabideak eskaini nahi dira, horretarako ekimen hauetako ordezkariekin beraien jarduerak efizientziaz antolatu eta kudeatzeko behar diren ezagutzak eta konpetentziak landuz. Helburu hauek lortzeko kooperatibigintza, ekonomia solidarioa,  garapen komunitarioa, garapenerako lankidetza, kudeaketa ekonomikoa, kudeaketa soziala eta ekintzailetasunaz loturiko gai eta tresnak lantzen dira.

Aldi berean, ekonomia solidarioan oinarritutako enpresekiko elkarlanean sortzen diren esperientzia, ezagutza eta sare-fluxuen bidez, Arrasateko kooperatiben proiektu sozial kooperatiboa indartu nahi da, elkartasuna ikuspegi globaletik ulertuta, tokiko eta nazioko mugetatik harago.

Partaideak

Gradu-ondoko 17 ikaleen inguruko informazio zehatzagoa:

  • Joel Capitani (Brasil) MST – Ceagro eskola
  • Jefferson Luis da Silva (Brasil) Crenhor kooperatiba
  • Jose Aldemi Santos (Brasil) Cooperarsul kooperatiba
  • Terezinha de Jesus Pimenta (Brasil) Capina elkartea
  • Isabel Cristina Alves (Brasil) Gife Criole kultura elkartea
  • Paulina Garrido (Mexiko) Tosepantomin kooperatiba
  • Irene Macuilaco (Mexiko) Tosepantomin kooperatiba
  • María del Mar Avilés (El Salvador) Aprainores nekazari elkartea
  • Felipa Ernestina Campos (Nikaragua) Organización Autónoma de Mujeres emakume elkartea
  • Vladimir Felix Rojas (Bolivia) Condo K elkartea
  • Hugo Armando Cano (Kolonbia) ACAB nekazari elkartea
  • Patricio Ramiro Guamán (Ekuador) Apicultores S. Pedro de Vilcabamba nekazari elkartea
  • María Soledad Sánchez (Ekuador) Redesol sarea
  • María del Carmen Vargas (Ekuador) Corporación Salinas
  • Agustín Pandolfini (Argentina) Nuestras Huellas elkartea
  • Edgardo Hernán (Argentina) Creando conciencia kooperatiba
  • Jorge Alberto Carrión (Txile) El Manzano eko-eskola
]]> No publisher Joxe Aranzabal 2012-05-19T13:55:00Z Albistea MUk hitzarmena sinatu du Vic-eko Unibertsitatearekin http://www.mondragon.edu/eu/huhezi/aktualitatea/albisteak/mu-vic-hitzarmena Mondragon Unibertsitateak eta Vic-eko Unibertsitateak lankidetza hitzarmena sinatu dute sei urterako. Horren arabera, unibertsitate biek doktoretza programa bat abiaraziko dute elkarrekin Hezkuntza Zientzietan. Mondragon Unibertsitateak eta Universitat de Vic-ek bien arteko lankidetza-harremanak estutu dituzte Hezkuntza Zientzien alorrean, aliantza estrategiko batekin unibertsitate bien arteko sinergietan sakontzeko.

Hain zuzen, gaur, Mondragon Unibertsitatean, lankidetza-hitzarmena sinatu dute Mondragon Unibertsitateko errektore Iosu Zabalak eta Universitat de VICeko errektore Jordi Montañak, Mondragon Unibertsitatearen Humanitate eta Hezkuntza Zientzien Fakultateko (HUHEZIko) dekano Nekane Arratibelek eta fakultate horretako doktoretza-progra honen arduradun Amelia Barquinek lagunduta, unibertsitate bien artean “Hezkuntzako Berrikuntzan eta Esku-hartzean” baterako doktoretza-programa bat egiteko.

Horrela, datorren ikasturte akademikotik aurrera (2012-2013), behin ANECAk programa onartu eta gero, Mondragon Unibertsitateak eta Universitat de VICek batera emango dute “Hezkuntzako Berrikuntzan eta Esku-hartzean Doktoretza” Mondragon Unibertsitatetik eta Universitat de VICetik titulu ofiziala lortzeko ibilbide hau. Gainera, doktoretzen erregularizaziorako azken dekretuaren ondoren, bi unibertsitateren arteko aurreneko baterako doktoretza-programetariko bat izango da.

Lankidetza-hitzarmenak sei urteko iraupena izango du eta 80ko hamarkadatik unibertsitate biek hezkuntza-alorrean duten harremana (doktoregaien arteko prestakuntza- eta ikerketa-lankidetza) sakonduko du. Hori dela eta, programa unibertsitate bientzat aberasgarria izango da.

 

Hitzarmenak, era estrategikoan, doktoregaien eta irakasleen mugikortasunaren alde egiten du, eta unibertsitate bien ikerketa-lerroak nahiz ikerketa-taldeak sendotzea du helburu, gai horietan sakontzeko eta prestakuntza-prozesu osoan ikasle eta irakasleen hezkuntza-eskaintza hobetzeko. Horri esker, unibertsitate bietako doktoregaiek nahiz irakasleek beste esperientzia batzuk ezagutuko, unibertsitate bietako prestakuntza- eta ikerketa-jardueretan parte hartuko eta ikertzaileen artean sareak sortuko dituzte.

Unibertsitate biek programa berritzaile horren inguruan finkaturiko helburuak honako hauek dira: hezkuntzan ikerketa-lerro osagarriak sustatzea; baterako ikerketa-proiektuak sustatzea, erakunde bietako ikerketa-taldeen artean; erakunde bien inguruko ikastetxeekin lankidetza-esperientziak partekatzea; ikerketa-karreran ikasleek aukera handiagoak izatea; eta ikertzaileen masa kritiko egokia bermatzea.

Doktoretza-programa egin nahi duen ikasleak unibertsitate bietako batean egin beharko du izena emateko eskabidea. Hortaz, ondorio akademikoei eta administratiboei dagokienez, matrikulatu den unibertsitatearekin izango du lotura. Doktoretza-programa euskaraz, gazteleraz eta katalanez emango da.

Mondragon Unibertsitatearen eta Universitat de VICen harremana 80ko hamarkadan hasi zen, erakunde biek zituzten antzekotasunak zirela eta:  unibertsitate txikiak, gazteak eta unibertsitatearen eginkizuna ulertzeko antzeko modua, bai hizkuntzaren ikuspuntutik, bai ingurunearekiko inplikazioagatik.

Harrezkero unibertsitate biek hainbat proiektutan jardun dute lankidetzan. 1989an umeentzako ipuin-bilduma argitaratu zuten. 1991n Lehen Hiztegia argitaratu zuten, euskarazko eta katalanezko oinarrizko hiztegia; izandako arrakasta dela eta, hiztegi horren hirugarren edizio berritua argitaratu da. Gainera, Mondragon Unibertsitateak, Universitat de VICekin, metodologiari, curriculumari eta antolakuntzari buruzko gogoetak partekatu ditu. Unibertsitate bien arteko ikasleen eta irakasleen bisitak etengabekoak izan dira, harremana estutzeko eta irakasleak nahiz ikasleak beste esperientzia batzuekin aberasteko.

]]> No publisher Joxe Aranzabal 2012-05-11T14:25:00Z Albistea “Ekaitza” eta “She´s lost control”, irabazle Huhezinema 2012an http://www.mondragon.edu/eu/huhezi/aktualitatea/albisteak/huhezinema2012sariak Ostegunean, maiatzak10, amaitu zen Huhezinema, Euskal Film Laburren V. Jaialdia. Hiru sari nagusiak izan ziren: Euskarazko film laburrik onena: "Ekaitza". Film labur onena: "She´s lost control". Ikasleek egindako lanik onena: "Maskarak". Aurtengo edizioaren berritasunik handiena Euspot lehiaketa izan da. Sari ofizialak

Huhezinema festibaleko epaimahaiak horrela banatu zituen aurtengo sariak:

  • Euskarazko film labur onena (Goiena saria, 1.000 euro): "Ekaitza", Alberto Gastesik zuzendua Donostia hotz eta euritsu batean. Bertan istorioa pizten da neska bat eta mutil bat kalean gurutzatzen direnean.
  • Film Labur Onena eta Produkzio Onena (Eiken saria, 600 euro): "She´s lost control", Haritz Zubillagarena. Irabazleak 600 euro irabazi ditu, eta Eikenerako bazkidetza kuota urtebeterako.
  • Ikasleen Labur Onena (500 euro): "Maskarak". Egileak: Ander Bolibar, Ariane Irazusta, Miren Ormazabal eta Oihan Vitoria.

Publikoaren sariak

Ikusleek hiru sari banatu zituzten.

  • Labur onena lehiaketa ofizialean: "Zeinek gehiago iraun", Gregorio Murorena. 400 euro eta Pates Zubia saskia.
  • Ikasleek egindako dokumental onena: "Maskarak".
  • Film labur onena: "Ohartxoak".

Epaimahaia

Aurten honako profesionalek osatu dute epaimahaia: Aitor Gutierrez eta Maialen Sarasua errealizatzailak, Beñat Sarasola idazlea eta Miguel Gomez-Tejedor ekoizlea.

Huhezinema 2012 saridunak

Argazkia: Goiena

]]> No publisher Joxe Aranzabal 2012-05-11T14:05:00Z Albistea Gradurako egokitze kurtsoak irakasleentzat http://www.mondragon.edu/eu/huhezi/aktualitatea/albisteak/egokitze-kurtsoak-irakasleentzat Datorren ikasturtean Mondragon Unibertsitatearen Humanitate eta Hezkuntza Zientzien Fakultateak Gradurako egokitze kurtsoak eskaini behar ditu irakasletzan diplomatuak direnentzat. Antolatu diren kurtsoak hiru multzotan banatuko dira:

  1. Norberaren diplomatura Gradu bihurtzea.
  2. LHko diplomatura Gradu bihurtzea, baina beste Ibilbide edo espezialitate batean.
  3. Edozein diplomatura (HH edo LH) Gradu ezberdin batera egokitzea.

Kurtsoak blended modalitatearen arabera egingo dira. Bertan on lineko ikasketak eta presentzialitatea uztartuko dira.

Horri guztiari buruzko informazioaren berri maiatzaren 14tik aurrera emango da webgune honetan.

Ikasketa hauek ANECA agentziaren azken onarpenaren zain daude.

]]> No publisher Joxe Aranzabal 2012-05-07T15:10:00Z Albistea Euspot, euskarazko spot lehiaketaren 1. edizioa http://www.mondragon.edu/eu/huhezi/aktualitatea/albisteak/euspot-1-edizioa Huhezinema jaialdiaren babesean, maiatzaren 8an Euspot euskarazko iragarki lehiaketaren I. edizioa egingo da Aretxabaletan, Arkupe aretoan. Mondragon Unibertsitateak, Aretxabaletako Udalak eta Arteman Komunikazioak antolatuta, hiru sari handi banatuko dira. Publikoak maiatzaren 6a arte izango du aukera onena hautatzeko. Guztira bederatzi iragarki jaso dira Euspot lehiaketan, denak ere ikusgai antolatzaileen webgunean. Maiatzaren 8an hiru sari handi banatuko dira:

  • Spot onenaren egileak 1.800 euroko jasoko ditu.
  • MUko ikasleek egindako spot onenak 800 euroko saria izango du
  • Publikoaren saria jasotzen duenak, berriz,: 500 euro irabaziko ditu.

Egitaraua

Arkupe aretora doazenek egitarau hau izango dute, sariak banatu bitartean:

  • Alex Arantzabalek (EITB) publizitatearen gaineko hitzaldia eskainiko du.
  • Lehiaketan parte hartu duten iragarkien erakustaldia egingo da.
  • Kepa Errasti aktoreak saioa eskainiko du.
  • Ekitaldiaren ondoren luntxa izango da bertaratutako guztientzat.

Sariak

Horrela banatu dira lehen edizioko sariak:

  • Spot onena: "Merkataritzaren erabilera da balioa", Iñaki Lasarena.
  • MUko ikasleek egindako spot onena: "Bai jolasten eta bai erosten, euskaraz nahiago", Pototan hitza taldeak egina.
  • Publikoaren saria: "Erosi euskaraz, bizi euskaraz, egin euskara", Kapikua taldeak sortua.

]]> No publisher Joxe Aranzabal 2012-05-04T13:35:00Z Albistea Unipanamericana unibertsitatearen ordezkaritza bat gurean http://www.mondragon.edu/eu/huhezi/aktualitatea/albisteak/unipanakoak-gurean Unipanamericana Unibertsitatearen ordezkaritza bat etorri da egun batzuetarako Kolonbiako hirituburutik Mondragon Unibertsitatera, berau ezagutu eta aztertzeko unibertsitate biek etorkizunean zelako lanak egin ditzaketen elkarlanean. Unipanamericana Unibertsitatea Bogotan dago, Kolonbian, eta bertako ordezkaritzak aste osoa igaroko du gure artean. Astearen lehen bi egunetan Goi Eskola Politeknikoan eta Enpresagintzan izan ziren. Gainerako egunetan, berriz, Humanitate eta Hezkuntza Zientzien Fakultatean izango dira, Eskoriatzan.

Bost lagunek osatzen dute Unipanamericanaren ordezkaritza.

  • María de los Angeles Briceño (Enpresa Fakultateko dekanoa)
  • Maria Elena Cardenas (Hezkuntzako dekanoa)
  • Diana Patricia Santana (Komunikazioko dekanoa)
  • Aída Judith Daza (Enpresa Zerbitzuetako kudeatzailea)
  • Gina Bernal (Nazioarteko Harremanen arduraduna)

Mondragon taldeak Unipanamericanaren zati bat dauka, %20, MEI enpresaren bitartez, Mondragon Educación Internacional.


]]> No publisher Joxe Aranzabal 2012-04-25T12:55:00Z Albistea Literatura Topaketa apirilaren 24an izango da http://www.mondragon.edu/eu/huhezi/aktualitatea/albisteak/literaturatopaketa2012 Mondragon Unibertsitatearen Humanitate eta Hezkuntza Zientzien Fakultateak Literatura Topaketa antolatu du 13. edizioa eginez. Iaztik, egun bakarreko mintegi edo topaketa bihurtu da. Aurtengo ekitaldia antolatzaileek aspaldi buruan zerabilten gai bati eskainia dago: Haur Literaturari. Aurtengo edizioari, beraz, honako izenburua jarri zaio, Haur Literatura: Helduentzako Literatura. Egitaraua

09:30 Juan Kruz Igerabide (idazlea eta irakaslea): “Bizirik irauteko literatura”. Igerabide topaketen gaian murgilduko gaitu. Haur Literaturan datzan bizitzarako jakintza eta pertsonaren eraikuntzarako bidea azalduko du.
10:30 Eider Eibar (ilustratzailea): “Marrazki bizia” hitzaldian irudiaren “hizkuntzara” hurbilduko gaitu.
11:30 Kafea.
12:00 Yolanda Arrieta (idazlea eta irakaslea): “Iruditik hitzera. Literaturaren baliabideak ezagutzeko tailer-bilduma” saioan tailerrak egingo ditu literatura modu bibentzialean ezagutu eta ezagutarazteko.
13:30 Bazkaria.
15:00 Pello Añorga (idazle eta ipuin kontalaria): “Haur ipuinak helduentzat: helduak izatera heltzeko” saioan ipuin kontaketa egingo du topaketen espiritua ardatz.


Nondik dator izenburu hori?

Batetik, Haurtzaroan egiten diren irakurketek nolabaiteko immanentzia dute eta hor gelditzen dira gure imaginarioan itsatsirik. Haurtzaroko ipuin, poesia, kantu, irudi-ilustrazioek…  gure haurtzaroko elikadura ez ezik, nerabezarorako zubi dira, eta are, gure helduaroan ere hor daude oihartzun horiek. Aurtengo kartelak, beti bezala, AZK taldeak egina, oso ondo jasotzen du ideia hori, eta horrela azaldu du Juan Luis Azkaratek Iñigo Urrutiaren exekuzioa:

  • “Kartelak azaltzen du Haur-Heldu Literaturaren bidegurutze horretan nola bizitza osoan zehar irakurketak kateatzen joaten garen. Teoren ipuinetatik hasi, eta Alice, The Petit Prince, Mary Popins… eta horrelako klasiko atenporalak barne.”

Bestetik, badugu ustea Haur Literatura bizitzako gertaeren agertoki dela, bertan daudela agertuta modu sinbolikoan gizakiari dagozkion esperientziak, bizipenak, beldurrak, galderak. Eta zentzu horretan, erabateko zilegitasuna du Haur Literaturak helduaroan.

Hirugarrenik, ez dugu aipatu gabe utzi nahi Haur Literaturak duen estetika, bai hitzezkoa eta bai irudizkoa ere. Irudi eta hitzen arteko elkarrizketak haur, nerabe eta helduen gozamena eta bizitzarako ikaskuntza ematen ditu.

Bukatzeko, azpimarratu nahi dugu HUHEZIko ikasleen profila: etorkizuneko irakasle, aholkulari edota ikus-entzunezko profesionalak. Topaketen helburua euren ni-a elikatzeaz eta aberasteaz gain, alderdi profesionalean janztea eta sendotzea da.

]]> No publisher Joxe Aranzabal 2012-04-16T21:10:00Z Albistea Epaimahaiak aukeratu ditu Huhezinemako finalistak http://www.mondragon.edu/eu/huhezi/aktualitatea/albisteak/huhezinema5finalistak Aurten sekula baino film labur gehiago jaso dira Huhezinemarako, 130, eta epaimahaiak egin du lehen entresaka, hamar finalistak aukeratuta. Filmok maiatzaren 8, 9 eta 10ean ikusi eta sarituko dira. Zinemaldiak, gainera, publiko egin du aurtengo kartela, Beñat Flores ikasleak egina. Hamar finalistak

Hauek dira epaimahaiak finalerako aukeratu dituen hamar film laburrak:

  • Ekaitza (Alberto Gastesi)
  • Ismalia (Xabier Cereceda-Hoz)
  • Zeinek gehiago iraun (Gregorio Muro)
  • Superzebraman (Javier Urtasun)
  • Istmo (Alberto Gastesi)
  • Dicen (Alauda Ruiz de Azua)
  • Garaipena (Esteban Ramos)
  • No se qué hacer contigo (Miguel Campión)
  • She’s lost control (Haritz Zubillaga)
  • Por los camareros (Javier Etxaniz-Gregorio Muro).

Aukeratutako lan hauek guztiak Huhezineman erakutsiko dira, eta bertan epaimahaiak bi sari emango ditu: euskarazko film labur onenari 1.000 eurokoa, eta film labur onenari beste 600 eurokoa. Hirugarrena, berriz, 400 eurokoa, publikoak erabakiko du.


Kartela

Aurtengoan bigarren aldiz, antolatzaileek kartel lehiaketa antolatu dute, finkatzeko V. edizioaren irudia. Guztira 32 kartel jaso dira, eta antolatzaileek aukeratu dute Beñat Floresena, berau Ikus-entzunezko 2. mailako ikaslea.

Huhezinema kartela

]]> No publisher Joxe Aranzabal 2012-04-13T12:50:00Z Albistea Komunikazioko ikasleak film laburrak grabatzen ari dira http://www.mondragon.edu/eu/huhezi/aktualitatea/albisteak/laburrak-egiten Egun hauetan Komunikazioko ikasleak —Ikus-entzunezko komunikazioko 4. mailakoak, zehatzago esateko— film laburrak grabatzen ari dira Narratiba II ikasgaiaren barruan, ondoren film luze bat egiteko, denetan gaia bat eta bera izango baita: maitasuna. Lanen filmazioan aktore ezagunak parte hartzen ari dira. Guztira sei labur egingo dituzte Narratiba II irakasgaiaren barruan, Aitor Arregi irakasle eta zinegilearen laguntzarekin. Lan guztiak amaitutakoan film luze bat egingo dute, labur guztiek gai bera partekatzen baitute: maitasuna. Grabazioetan aktore ezagunak parte hartzen ari dira, hala nola, Peter Ansorena, Loli Astoreka, Sara Cozar, Iker Galarza, Asier Hormaza eta Jose Ramon Soroiz, besteak beste.

Goiena Telebistak ondoko bideoa egin du, MUko ikasleen lana erakusteko.

 

HUHEZIko ikasleak film laburrak grabatzen, gero film luze bat egiteko from Goiena Komunikazio Taldea on Vimeo.

/>Informazio gehiago, Goiena.net-en.

]]> No publisher Joxe Aranzabal 2012-03-30T15:05:00Z Albistea Martxoaren 23an Ikaskide jardunaldiaren 2. aldia egingo da http://www.mondragon.edu/eu/huhezi/aktualitatea/albisteak/ikaskide2 Datorren martxoaren 23an, ostiralez, Ikaskide jardunaldiaren 2. aldia egingo da Eskoriatzan, Mondragon Unibertsitatearen Humanitate eta Hezkuntza Zientzien Fakultatean, lelo honen inguruan: "Elkarrekin bizitzen ikasi". Egitaraua

08:45 Dokumentazio banaketa
09:15 Jardunaldiaren aurkezpena. Nekane Arratibel (MU eta Andoni Zendoia (Erkide): "Elkarrekin Bizitzen Ikasi: Ikaskide Taldeak".
09:30 Hitzaldia: Ainara Artetxe (MU) eta Meltxor Artetxe (MU): "Elkarrekin ikasiz ikastearen atsegina eta gogoa sustatuz".
10:45 Atsedena eta kafea
11:15 Motibazioa sustatzeko estrategiak. Tailerrak: Ainara Artetxe, Meltxor Artetxe, Mariam Bilbatua, Pello Jauregi, Marije Fullaondo, Ana Usabiaga Ikaskide Taldeko aholkulari Taldea (MU).
13:00 Ikastetxeetako esperientziak:

  • A Taldea: Lehen Hezkuntza
    • El Regato Ikastetxea (Barakaldo)
    • Bihotz Gaztea Ikastola (Santurtzi)
    • Salbatore Mitxelena Ikastola (Zarautz)
  • B Taldea: Bigarren Hezkuntza
    • Bihotz Gaztea Ikastola (Santurtzi)
    • Pasaia-Lezo Lizeoa (Pasaia-Lezo)

Ikaskidetza proiektua

Proiektu honetan hiru hezkuntza-erakunde bildu dira, premia eta beharra izan dutenak elkarkidetza hezkuntzan garatzeko eta elkarlanean aritzeko: Erkide (Euskadiko Lan Elkarteen, Irakaskuntza eta Kreditu Kooperatiben Federazioa), Ikaskide taldea (berau Mondragon Unibertsitatekoa) eta zenbait ikastetxe Ikaskidetza proiektuan parte hartzen dutenak.

Ikaskide proiektuaren helburua da ikaskidetzaren kultura eta balioak garatzea, eta berauek uztartea ondoko konpetentzia hauekin: elkarrekin bizitzea eta lan egitea, komunikatzen ikastea eta ekintzailetasuna.

]]> No publisher Joxe Aranzabal 2012-03-16T12:55:00Z Albistea Aurtengo Komunikaldiak, bideo jokoen inguruan izango dira http://www.mondragon.edu/eu/huhezi/aktualitatea/albisteak/komunikaldiak.2012 Martxoaren 21ean, asteazkena, Komunikaldien 7. aldia egingo da Mondragon Unibertsitatearen Humanitate eta Hezkuntza Zientzien Fakultatean, Eskoriatzan, gai honen inguruan: "Bideojokoak eta hezkuntza". Egitaraua

Hauxe izango da egitaraua:
09:00 Aurkezpena eta ongietorria: Jon Altuna (Mondragon Unibertsitateko errektoreordea)
09:15 Hitzaldia: “Bideo jokoak, fenomeno unibertsala, baita gurean ere”. Arantza Atutxa (Creativity Zentrum)
10:00 Hitzaldia: “Zelan egiten den bideo joko bat”. Asier Quesada (Delirium Studios)
10:45 Kafea
11:15 Hitzaldia: “Zelan txertatu bideo jokoak hezkuntzan”. Carlos Gonzalez Tardón (People&Videogames)
12:00 Demoak
13:00 Bazkaria
15:30 Mahai ingurua: Bideo jokoak Euskal Herrian. Lau esperientzia

  • Igor Leturia (moderatzailea)
  • Iruri Knorr (Ideateca)
  • Ignacio de Otalora (DigiPen)
  • Josu Cobelo (Dada Company)
  • Joannes Txabarri (Ikasplay)

Bibliografia

Kontuan izanda gai hau interesgarria izan daitekeela bai Hezkuntzako ikasle zein irakasleentzat eta baita Ikus-entzunezko komunikaziokoentzat, oinarrizko bibliografia bat prestatu dugu, gaia interesatzen zaienentzat. Horrezaz gain, martxoaren 21ean HUHEZIko bibliotekak mahai bat jarriko du liburutegian, eta bertan erakutsi zer liburu dauzkagun fakultatean gai horren inguruan.

Ordenagailu gela bideo jokoekin

Horrezaz gain, elementu osagarri gisa, egun horretan Teknologia Zerbitzuek prestatuko dute ordenagailu gela bat, eta bertako 19 ordenagailuetan hainbat bideo joko jarriko dituzte, nahi duenak bertan egin dezan jolas, bideo jokoak probatzen.

Kartela eta iragarkia

Yera Sanchez eta Goio Arana irakasleek prestatu dute Komunikaldiak 2012 kartela. IKOko 3. mailako zenbait ikaslek, berriz, irrati iragarki bat egin dute Komunikaldiak iragartzeko.

Komunikaldiak podcast by izaskunzalakain

Babesleak

Mondragon Unibertsitateak antolatu du Komunikaldiak 2012 jardunaldia, bi babesle nagusirekin: Gizarte Kutxa eta Euskaltel. Horrezaz gain, Eskoriatzako Udalak, Fagor Ederlanek eta Coprecik ere diruz lagundu dute.

Zergatik bideo jokoak

Munduan milioika lagunek erabiltzen dituzte bideo jokoak, eta sektoreko adituek adierazi dutenez, 2011n bideo jokoek 60.000 milioi dolar baino gehiago sortu dituzte mundu osoan. Hala ere, oraindik beldur gara bideo jokoak hezkuntza curriculumean sartzeko, bai oinarrizko hezkuntzan eta baita goi hezkuntzan ere, nahiz eta Javier Etxeberria zientzialariak uste duen onuragarriak diren:

"Bideojokoek xehetasuna, azkartasuna, egokitzapena, ikasketa eta gaitasun kognitiboak garatzen dituzte. Gainera, hezkuntzarako, berriztapenerako eta sozializaziorako garrantzitsuak dira. Era berean, hauei esker haurrak autodidaktak eta kooperatiboak dira eta sozializatzen laguntzen die (...)".

Kezka horrek, hain zuzen, eraman du Mondragon Unibertsitatea ikasturte honetako Komunikaldiak gai horren inguruan zentratzera: bideo jokoak eta hezkuntza.

Komunikaldien historia

Abiatu zenetik 2006an, Komunikaldien sei edizio egin dira, zein baino zein interesgarriagoa:
2011 Egile eskubideak
2010 Telebista Interneten
2009 Gure zinema gaur
2008 Etorkizuneko komunikatzaileak
2007 Tokiko telebista digitala euskaraz
2006 Komunikazio korporatiboa

]]> No publisher Joxe Aranzabal 2012-03-14T22:25:00Z Albistea Iritsi dira Hezkuntzara erasmus ikasleak http://www.mondragon.edu/eu/huhezi/aktualitatea/albisteak/erasmus-hezkuntza-2012 Otsailaren 13an iritsi ziren Hezkuntzara erasmus ikasleak, 11 guztira, eta gure artean izango dira ekainaren 29a arte. Europako sei herrialdetatik etorri dira, gehienak neskak. Lehenengo aldiz HUHEZIk hasi zituenetik nazioarteko ikasketak, Hezkuntzako erasmus ikasleek bigarren seihilekoa igaroko dute Eskoriatzan, Mondragon Unibertsitatearen Humanitate eta Hezkuntza Zientzien Fakultatean. Otsailaren 13an egin zitzaien harrera, eta hemen izango dira ekainaren 29a arte.

Erasmus

Sei herrialdetatik

Aurten herrialde hauetatik etorri dira Hezkuntzako erasmus ikasleak:

  • Herbehereak: 3
  • Belgika: 2
  • Letonia: 2
  • Hungaria: 2
  • Estonia: 1
  • Finlandia: 1

Ikasleak

Ikasleei dagokienez, hona zerrenda, zehaztuta zein unibertsitatetatik datozen:

Ikasle horiek ez dakite ez euskararik ez eta gaztelaniarik. Horregatik, ingelesa erabiliko dute bai ikasteko eta baita jendearekin komunikatzeko ere. Lau ikasgaitan, bestalde, hemengo ikasleekin batera arituko dira ikasgelan, ingelesez.

Erasmus ikasle bakoitzak hemengo beste ikasle bat izango du lagun, gurean egokitzen eta integratzen laguntzeko. Praktikak ere egingo dituzte, Debagoieneko hainbat ikastetxetan.

]]> No publisher Joxe Aranzabal 2012-02-17T14:50:00Z Albistea