Albisteak

2017/02/23

Irakasle bat kontratatu nahi du Ikus-entzunezko Komunikazio graduak Argazkigintza artistikoa eta Grafismoa ikasgaiak emateko

Humanitate eta Hezkuntza Zientzien Fakultateak irakasle bat kontratatu nahi du Ikus-entzunezko Komunikazioa graduan berehala eskolak ematen hasteko. Irakasleak eman beharko ditu bi ikasgai: Argazkigintza artistikoa eta Grafismoa. 2017ko otsailaren 28ra arte jasoko dira interesatuen curriculumak.

2017/02/22

Ikasle talde batek egindako "Leihotik" film laburra estreinatuko dute Donostiako Trueba zineman

Ikus-entzuneko Komunikazioa graduko 4. mailako ikasle talde batek egindako "Leihoak" film laburra aukeratu dute Kresala Zineklubean proiektatzeko. Emanaldia egingo dute, martxoaren 20an, 19:30etan, Donostiako Trueba zineman. Nekane Muñoz, Irene Arin, Ana Urkola, Ane Alberdi, Paul Arzanegi, Ane Aierbe eta Maider Navarro ikaslee osatzen dute film laburraren lantaldea.

2017/02/13

Atzerriko beste 13 Erasmus+ ikasle berri etorri dira fakultatera Udaberriko Programa egitera

Iritsi dira Humanitate eta Hezkuntza Zientzien Fakultatera 2016-2017 ikasturteko udaberriko Erasmus+ ikasle berriak. Ikasturteko bigarren txanda honetan 13 ikasle berri etorri dira; horietatik 11 Hezkuntza programara eta beste biak Komunikazio programara. Ikasle hauek gehitzen dira fakultatean dagoeneko ikasten ari den atzerriko ikaste taldeari: ikasturte osoan Erasmus+ programa egiten ari diren Hezkuntzako bi ikasle eta Ipar Amerikatik praktikak egitera etorritako Texaseko bost ikasleak. Guztira, gaur egun, atzerritik etorritako 20 gazte daude ikasketak egiten Humanitate eta Hezkuntza Zientzien Fakultatean.

2017/02/08

Gaur aurkeztu dute Euspot lehiaketako 6. edizioko gaia: "Aniztasunak aberastu egiten gaitu"

Gaur, hilak 8, aurkeztu da Euspot euskarazko spot lehiaketaren 6. edizioa. Aurtengo edizioan jorratuko den gaia: Aniztasunak aberasten gaitu. Donostian, Gipuzkoako Foru Aldundian, egindako aurkezpen publikoan egon dira antolatzaileekin batera gizarte mugimenduetako ordezkariak. Euspot antolatzen dute Aretxabaletako Udalak, Arteman Komunikazioak, Mondragon Unibertsitateko eta, aurten hasita, Arizmendi Ikastolak. Euskarazko spot lehiaketak Gipuzkoako Foru Aldundiaren babesa du.

2017/02/06

Otsailaren 13an, Jardunaldi Pedagogikoko bigarren mintegia egingo dute Eskoriatzako campusean

Otsailaren 13an, astelehenarekin, Humanitate eta Hezkuntza Zientzien Fakultateak antolatzen duen Jardunaldi Pedagogiko bigarren mintegia egingo dute Eskoriatzeko campusean. Jardunaldia hasiko da 09:00etan, eta bertan parte hartuko dute, fakultateko ikertzaileekin batera, Juana Sancho eta Fernando Hernandez Universitat de Barcelonako Didàctica i Organització Educativa Departamentuko ikertzaileek.