Albisteak

Jose Alberto Egurenek doktore-tesia irakurri du

Oihane Cuesta — 2012-05-21T10:20:30Z

Arrasaten maiatzaren 18an, goizeko 11:30etan Mondragon Unibertsitateko Goi Eskola Politeknikoko Jose Alberto Eguren Doktoregaiak bere doktore-tesia aurkeztu zuen Garaiko Poloko areto nagusian. Tesiaren izenburua Desarrollo de un modelo para abordar proyectos de mejora continua de procesos productivos de forma eficaz y eficiente da eta tesi zuzendariak: Mondragon Goi Eskola Politeknikoko Unai Elorza eta Lourdes Pozueta.

Epaimahaia horrela osatu zen:

Dr. D. Francisco Javier Tort-Martorell Llabrés (Universidad Politécnica de Catalunya (UPC))
Dr. D. Carlos Ochoa Laburu (EHU-UPV)
Dr. D. Ander Errasti Opakua (Universidad De Navarra -TECNUN)
Dra. Dña. Jaione Ganzarain Epelde (Mondragon Unibertsitatea)
Dr. D. Pedro José Arrazola Arriola (Mondragon Unibertsitatea)

Tesi honekin Etengabeko Hobekuntzako proiektuak modu efikaz eta efiziente batez ezartzeko eredu bat garatu eta aplikatu da, prozesu produktiboen errendimendua areagotzera zuzenduta. Zehazki, enpresa Hobekuntza Programa bat hedatzeko modu berritu nahi zian da, prozesua ahalik eta eraginkortasunik handienarekin gauzatu ahal izateko.

DESIGN KONFERENTZIAK MONDRAGONen II. edizioa

Oihane Cuesta — 2012-05-16T09:15:00Z

Euskadi 2012ko ekoefizientziaren astearen barnean, Mondragon Unibertsitateko Goi Eskola Politeknikoak BERRIKUNTZA BERDEA leloa duen konferentzia antolatu du. Produktu eta zerbitzu iraunkorren diseinu eta garapena enpresentzako faktore estrategiko bat da eta etorkizuneko erronka garrantzitsuenetako bat. Konferentzia honekin ezagutza arlo honetako nazioarteko azkeneko joerak aurkeztu nahi zaizkie profesionalei.

Jardunaldiak bi zati izango ditu, lehenengoan hainbat gairi buruzko hitzaldiak egongo dira: eko-berrikuntzari eta iraunkortasunari lotutako negozio aukerak zeintzuk diren azalduko dituzte; enpresak gai honetan dituzten etorkizuneko erronkei buruz eztabaidatuko da, eta diseinu estrategikoak egoera honetan eskaintzen duen balioa erakutsiko da. Jarraian, parte hartu duten hizlari guztiekin mahai inguru bat egingo da lantzen ari garen gaiaren inguruan aretoan egon daitezkeen ikuspegi guztiak komunean jartzeko, baita sortu diren zalantzak argitzeko ere. Bigarren zatian, hainbat tailer egingo diren bertaratu direnek negozio, produktu eta zerbitzu iraunkorragoak diseinatzeko metodo eta erremintak ezagutu ditzaten nazioarteko erreferenteen eskutik.

Izena ematea eta informazio gehiago

Arrautza jaurtiketa lehiaketaren XIV. edizioa eta MUko ikasleek diseinatutako autoen lasterketaren I. edizioa.

Oihane Cuesta — 2012-05-09T09:05:00Z

Mondragon Unibertsitateko Goi Eskola Politeknikoko 70 ikaslek parte hartuko dute Industria Diseinuko arrautza jaurtiketa lehiaketan.

Lehiaketaren helburua unibertsitateko ikasle eta langileek arrautza jaurtitzerakoan arrautza hori babestuko duen tramankulu bat diseinatzea da eta irabazleak arrautza urrutien, apurtu gabe jaurtitzea lortzen dutenak dira.

Tramankulua diseinatzeko, parte-hartzaileek tamaina ertaineko oilo-arrautza bat, kartoi mehea, soka eta kontaktuko kola erabili ahal izan dituzte. Unibertsitateak ikasleen diseinuak hiru kategoriatan saritu ditu: distantzia, diseinua eta hegaldia.

Gainera, aurten, lehenengo aldiz arrautza jaurtiketa lehiaketaren ondoren, ikasleek diseinatutako auto lasterketa bat egingo da. 50 parte hartzaileek 8 prototipo aurkeztuko dituzte. Helburua bikoitza da: batetik, parte hartzaileen konpetentzia zientifiko-teknikoak ebaluatzea eta bestetik, ikasleen motibazioan eragitea lehiaketaren bidez. Ikasleek karbono-zuntzezko indartutako konposatu batekin karrozeria bat garatu dute, 1/18 eskalan egindako irratikontrol elektrikoa duen auto batentzat. Abiapuntua guztientzat berdina den plataforma estandar bat, zeinetan trakzio eta direkzio sistema dagoen.

Jarduera hauek Mondragon Goi Eskola Politeknikoak San Pankrazio eguna ospatzeko antolatutako jardueren barnean kokatzen da.

Informazio gehiago:

Garraio bertikalari buruzko konferentzia Mondragon Unibertsitatean

Oihane Cuesta — 2012-05-09T09:00:00Z

Oronako langileek eman dituzten saio hauetan beste batzuen artean honako hauek parte hartu dute: Antonio Pérez, Inge Isasa, Mikel Urtxegi, Ritxar Aizpurua, Xabier Murua eta Oier Lizerazu. Hitzaldietan landutako gaiak tribologia, bibroakustika, energia eraginkortasuna eta igogailuetako eragingailuak izan dira.

Joan zen maiatzaren 2an Orona Taldeko Ritxar Aizpuruak Energia eta Potentzia Elektronikako Masterreko ikasleei garraio bertikalari buruzko hitzaldia eskaini zien. Hau izan zen Oronak Taldeak Industria Ingeniaritzako eta Energia eta Potentzia Elektronikako Masterreko ikasleei eskaini zien azken saioan garraio bertikalari buruzko jardunaldiaren barruan.

Azken hitzaldi honek Ekodiseinua, eragingailuak eta igogailuetan energia biltegiratzea izenburukoak, hiru zati izan zituen:

Lehenengo zatian igogailuetako eragingailuen errepaso bat egin zen, lehenengo eragingailuetatik gaur egungoetara. Kabinaren desplazamendu bertikalerako eragingailuez eta ateak irekitzeko eragingailuez ere hitz egin zen.
Bigarren zatian igogailuetako Ekodiseinuaz hitz egin zen, igogailuen sailkapen energetikoaz eta VDI4707 arauaz, zeinak energia kontsumo motak definitzen dituen.
Azken zatia igogailuaren eraginkortasun energetikoa optimizatzeko berrikuntza eta I+G proiektutan zentratu zen. Energia elektrikoaren biltegiratzea lehentasunezko aukera gisa nabarmendu zen.

Ramon López de Mántarasek hitzaldia eskaini du Arrasateko diploma banaketa ekitaldian

Oihane Cuesta — 2012-05-09T08:09:13Z

Mondragon Unibertsitateko ikasle ohia eta egun CSICen adimen artifizialean irakaslea da Ramon Lopez de Mantaras adimen artifizialean mundu mailako aditua da, aitzindaria izan da Espainian adimen eta Europa osoko aditurik garrantzitsuenetako bat da. Bere lanen artean azpimarratzekoa da sormen konputazionalari buruz egin zuen ikerketa, bereziki musikaren alorrean, eta, bere ikerketa-taldearekin, aitzindaria izan zen espresibitate txikiko musika-interpretazioei musika-espresibitatea emateko gai diren programak sortzen. Kasuetan eta logika lausoan oinarrituriko arrazoibidean ere lan egin du, roboten nabigazioaren alorrean.

Ramon Lopez de Mantarasek (Sant Vicenç de Castellet, Bartzelona, 1952) Elektronikako Ingeniaritza Teknikoa ikasi zuen Mondragon Unibertsitatean eta Fisika aplikatuko lizentziatura-ikasketak egin zituen Frantzian. Gainera, robotikan doktoratu zen Paul Savatier Unibertsitatean (Toulousen). Gerora, Informatikako master-ikasketak egin zituen, zehazki, adimen artifizialaren alorrean, Berkeleyn, Kaliforniako Unibertsitatean (AEBetan), eta Kataluniako Unibertsitate Politeknikoan (Bartzelonan) informatikan doktoratu zen.

Lan-alorrean, irakaslea izan zen Paris-6 Unibertsitatean eta Kataluniako Unibertsitate Politeknikoko Informatika Fakultatean.

Egun, CSICeko (Zientzia Ikerketen Goi Zentroko) Adimen Artifizialaren Ikerketa Institutuko zuzendaria da. Europan zientzialari aitzindaria da adimen artifizialaren eta robotikaren alorreko ikerketan. Hainbat alorretan ekarpenak egin ditu: robotetan ukimenaren bidezko ezagutzaren, medikuntzarako sistema aditu aplikatuen eta, batez ere, ‘sormen artifizialaren’ alorretan. Musika adierazkorra interpretatzeko gai den programa bat garatu du, esaterako.

Besteak beste, Zientzia Ikerketari buruzko Bartzelonako Hiria Saria (1982), Adimen Artifizialari buruzko “DIGITAL” Europako Saria (1987), Col•legi d'Enginyers Industrials de Catalunya-ren Guillem Catà Saria (1994) eta International Computer Music Association-en Swets & Zeitlinger Saria irabazi ditu.

Adimen emozionalaren mugak ezezagunak dira. Badirudi orain ordenagailuak sortzaileak izateko eta artelanak egiteko gai direla. Kalitatea gutxienekoa da, garrantzitsuena sortzeko gaitasuna da. Nola nahi ere, Mántarasek, zuzentzen duen institututik, XXI. Mendeko zientzia honek egingo digun ekarpena aprobetxatzen jakingo du.

Unibertsitate Masterrei buruzko Orientabide Jardunaldia Donostian

Oihane Cuesta — 2012-05-07T07:45:00Z

Mondragon Unibertsitateko Goi Eskolako Politeknikoak antolatuta, “Enpresek zergatik eskatzen dute master bat?” izenburupean, interesa dutenek aukera izango dute beharrezko orientabideak jasotzeko, bai Unibertsitatearen aldetik, bai ORONAko Antonio Perez eta CAFeko Aritz Legorburu enpresa profesionalen aldetik, zeinek egungo eta etorkizuneko profesionalen eskaerak azalduko dituzten.

Amaieran mokadutxoa eskainiko da, modu informalean, parte hartzaileek unibertsitate masterren koordinatzaileekin zalantzak argitzeko aukera izan dezaten.

Unibertsitate arteko Euskarazko II. Eztabaida Txapelketa irabazi dute Mondragon Unibertsitateko ikasleek.

Oihane Cuesta — 2012-05-04T08:46:19Z

Eztabaidarako gaia gaur egun pil-pilean dagoen komertzioen ordutegi askatasunaren ingurukoa izan zen: "Ordutegi askatasuna positiboa da euskal denda sarearentzat?”. Talde bakoitzak 15 egun izan zituzten eztabaidaren aurretik dokumentazioa biltzeko, eta talde bakoitzak aldeko zein kontrako jarrerak defendatu behar izan zituen beste taldeen aurka, eta epaimahaiaren aurrean. Eztabaiden ordena eta aldeko eta batak bestearen aurka hartuko zituen jarrerak zozketa bidez erabaki ziren lehiaketaren hasieran.

Lehiaketaren emaitzak jakitera eman zirenean, berdinketa hirukoitza gertatu zela adierazi zuen epaimahaiak, talde bakoitzak eztabaida bat irabazi baitzuen, eta sariak eztabaidetan lortutako puntuazioen arabera banatuko zirela jakitera eman zuten. Iragarpen guztien aurka, Mondragon Unibertsitateko Ingeniaritzako ikasleak atera ziren garaile, EHUko eta Deustuko Zuzenbideko ikasleen aurretik, hurrenez hurren. Talde irabazlearentzako saria 1.000 banatu zen, bigarren sailkatuarentzat 500 eurokoa eta hirugarrenarentzat 250 eurokoa. Era berean, Mondragon Unibertsitateko taldeko Jon Iraolak hizlaririk onenaren saria ere jaso zuen.

Irabazleen esanetan, esperientzia positiboa izan zen: “Hasieran urduri samar egon ginen arren eta teknika aldetik hobetzeko asko badaukagu ere, esperientzia polita eta aberasgarria izan da. Batez ere guretzat ikasketa desberdindun pertsonen arteko topaketa bat izan delako, guztiz berria eta gure komunikazio gaitasunak neurtu eta horien inguruan hausnartzeko ezin hobea. Hori bai, sorpresa handia hartu genuen lehenengo saria irabazi genuela esan zigutenean. Ez genuen espero. Hiru egun lehenago osatu genuen taldea eta bezperako gauean prestatu behar izan genuen guztia. Eztabaida egunean bertan Bilbora bidean eztabaidetako irtenbentzioak prestatzen joan ginen oraindik, 5 ordu lo eginda. Inprobisazio apur bat ere egin behar izan genuen, baina nahiko ondo atera zitzaigun. Errepikatzeko moduko esperientzia”.

Materialen Zientzia eta Teknologiaren I. Kongresua antolatu du Mondragon Unibertsitateak, euskaraz.

Oihane Cuesta — 2012-05-04T08:25:00Z

Industri eremu askotan erabiltzen diren materialen inguruko ikerketan ematen ari diren aurrerapausoek eragina dute enpresen lehiakortasunean, eta kostuak aurreztea ahalbideratzen dute, baina ez hori bakarrik; gure segurtasunean eta bizi-kalitatean ere eragiten dute. Materialen arloan aldaketa teknologiko eta zientifiko oso esanguratsuak eman dira azken urteotan, materialok kontrolatzeko tresna berriak sortu dira eta baita teknika eta material berriak ere. Aurrerapauso garrantzitsuok medio, datozen urteetara begira itxaropentsu dago komunitate zientifikoa.

Mondragon Unibertsitateak Materialen Zientzia eta Teknologiaren I. Kongresua antolatu du, euskaraz izango dena. Gaur eta bihar Arrasaten egingo da eta helburu bikoitza du: batetik, arlo horretako azken ikerketa-lanak eta horien ondorioak aztertzea, eta bestetik, euskaraz egindako lanak biltzea; modu horretan, informazio-trukea eta Euskadin materialen alorrean egin diren azken ikerlanak aztertzea sustatu nahi da.

Arratsaldeon eman diote hasiera Kongresuari Arrasateko Garaia Berrikuntza Gunean. Irekiera-ekitaldian partaide izan dira Mondragon Unibertsitateko errektore Iosu Zabala, Arrasateko alkate Inazio Azkarragaurizar, Jon Peli Uriguen Berrikuntza diputatua, Mondragon Unibertsitateko Goi Eskola Politeknikoko zuzendari Bixente Atxa, eta Idoia Urrutibeascoa Kongresuaren idazkaritza teknikoko arduradun eta Mondragon Unibertsitateko irakaslea.

Mondragon Unibertsitateko errektoreak unibertsitateak zientziarekin eta euskararekin duen konpromisoa azpimarratu du, izan ere, transferentziari eta unibertsitateen arteko lankidetzari berebiziko garrantzia ematen baitio erakundeak, eta era berean, puntakoa da materialen inguruko azterketan. Arrasateko alkateak, berriz, unibertsitateak herriarentzat duen garrantzia nabarmendu du, eta ildo horretan, gizartean eta inguruko enpresetan duen eragina aipatu du. Berrikuntza diputatu Jon Peli Uriguenek gogora ekarri du Debagoienako eskualdeak euskararekiko duen konpromisoa, eta baita materialek enpresen lehiakortasuna hobetzeko tresna gisa duten garrantzia ere. Gipuzkoan manufaktura-industriak pisu esanguratsua duela adierazi du, eta materialak horren oinarri direla gaineratu.

Berrogeita hamarren bat txosten

Bi egunotan guztira 52 lan aurkeztuko dituzte partaideek, euskaraz,.materialen prozesuekin lotutako hainbat alderdiri buruzkoak. Hiru ardatz nagusi jorratu dituzte lanotan: materialen prozesuak, industri aplikazioak eta materialen propietateak. Hiru ardatzon inguruko ikerlanetan hainbat gai landu dituzte, hala nola, karakterizazio-teknikak, modelatuak, materialen propietateak -fisikoak, kimikoak, elektrikoak, mekanikoak etab.-, materialen aplikazioak eta industri erabilerak –eraikuntzan, garraioetan, energian, nanoteknologietan, etab.-, eta materialen eta ingurumenaren arteko harremana.

MU saritu dute 2012 Nanoscience Biltzarrean

Oihane Cuesta — 2012-04-16T08:25:00Z

Karmele del Teso ikertzaileak Biltzarrean aurkeztutako posterrik onenaren lehenengo saria irabazi du, izenburu honekin: Design and construction of a device for analyzing distribution of aerosol nanaporticles in controlled conditions”.

Biltzarrean aurkeztutako lana zutabe termograbitazional baten diseinu, garapen eta eraikuntzari buruzkoa da: horri esker efektu termohidrodinamikoaren pean kontrolatutako nanopartikulen banaketa azter daiteke. Lana Mondragon Goi Eskola Politeknikoko Industria Ingeniaritzako ikaslea den Jon Santamariak egindako karrera amaierako Proiektuaren parte da, M. Mounir Bou-Ali irakaslearen gidaritzapean egina.

Nazioarteko ikasleak

Oihane Cuesta — 2012-03-22T09:50:00Z

Mexikoko (Tec Monterrey Unibertsitatea, Tec Milenio eta TESCo), Txekiar Errepublikako (Brno-ko Unibertsitate teknologikoa), Alemaniako (Karlsruhe), Austriako (Graz), Finlandiako(Ostrobotnia Central), Poloniako (Bydgoszcz) eta Espainiako UPC eta UPVko 17 ikasleri harrera egin zaie ingeniaritza fakultatean.
Lizentziatura, Master eta Doktoretzako ikasle hauek 2 eta 6 hilabete arteko egonaldia egingo dute eta proiektu edo doktoretza bat gauzatuko dute.

Goi Eskola Politeknikoak Europako eta Europakoak ez diren unibertsitateekin sinatuta dituen aldebiko hitzarmenei esker ikasleen arteko truke hauek egin daitezke.

Espainiako Haustura Taldearen XXIX. topaketa

Oihane Cuesta — 2012-03-21T11:28:49Z

Gaurtik etzirarte 23, materialen nekearen, hausturen eta iraunkortasunaren esparruko 150 ikertzaile eta profesional Bilbon elkartuko dira, Espainiako Haustura Taldearen XXIX. topaketan. Mondragon Unibertsitateak eta Espainiako Haustura Taldeak antolatu duten ekimen horretan.

Ikerketen emaitzak hainbat eremutan aplika daitezke, hala nola, hegazkin-hegalen erresistentzietan, ibilgailuen indargetze-sistemetan, igogailuen kabinetako edo eraikuntza zibilen (adibidez, Bizkaiko zubiaren) egituretako esekidura-sistemetan eta Zubi Zuri pasabidearen kristalezko (beira epeleko) lurzoruan. Izan ere, gure eguneroko segurtasunean zuzeneko eragina dute.

Materialen "bizi iraupena" zelan luzatu

Oihane Cuesta — 2012-03-20T11:30:00Z

Material guztiek iraupen mugatua dute, eta, egunero mantentze-lanak eginez luzaroago iraunaraztea lortu arren, karga mekaniko eta/teknikoen ondorioz, une jakin batean bertan behera utzi behar izaten dira. Esparru horretako ikerketek, medikuntzakoek bezala, une hori atzeratzea dute helburu. Medikuntzan gizakien bizi-itxaropena luzatzen saiatzen dira, eta hizpide dugun esparruan, berriz, iraungitze-data geroratzen eta materialen iraungarritasuna areagotzen ahalegintzen dira. Lorpen horiek, izan ere, hiritarren segurtasuna eta bizi-kalitatea handitzeaz gain, enpresen eta, beraz, ekonomiaren kostuak murrizten laguntzen dute.

Jardunaldia egin ondoren, martxoaren 21ean, 22an eta 23an, materialen nekearen, hausturen eta iraunkortasunaren esparruko 150 ikertzaile eta profesional Bilbon elkartuko dira, Espainiako Haustura Taldearen XXIX. topaketan. Mondragon Unibertsitateak eta Espainiako Haustura Taldeak antolatu duten ekimen horretan, hainbat arlotako ehun txosten inguru aurkeztuko dira: nanoteknologiakoak, automoziokoak, ingeniaritza zibilekoak, aeronautikakoak eta bioteknologiakoak, adibidez. Azken aurrerapenak ezagutzera ematea eta ikertzaileen artean hedatzea da helburua.

Material edo egitura mota horiek, gizakiok bezala, hausturak eta nekea jasaten dituzte, eta ikerketa guztiak iraungarritasuna handitzen saiatzen dira, emaitzak era guztietako arlo ugaritan baitira aplikagarriak. Horrek guztiak uste baino askoz ere eragin handiagoa du gure eguneroko bizitzan ere.

Areonautikan, adibidez, motorrek gehiago irauteko moduak ari dira ikertzen, oso tenperatura handietan aritzen baitira. Ibilgailuen arloko ikerketek motorren osagaien iraungarritasuna handitzea eta kontsumoa murriztea dituzte helburu. Horrela, piezak tenperatura handietan egiten dituzten enpresek erremintak iraunarazteko eta kostuak murrizteko aukera izango dute. Energia sortzeko zentraletan ere, produkzioa handitzeaz gain, funtzionamendu-segurtasuna areagotu egingo litzateke.

LEAN zuzendaritzatik abiatuta, Michel Blaudinen eskutik.

Oihane Cuesta — 2012-03-19T09:18:32Z

Mondragon Unibertsitatea aurten antolatzen ari den “Emaitzetara zuzendutako bikaintasun operazionala” izeneko hitzaldi zikloaren barruan zabalkunde jardunaldi hau aurkitzen da, zeina Bilboko Merkataritza Ganbera eta Asenta Management Consultants-ekin lankidetzan antolatu zen.

Jardunaldiko parte hartzaileek LEAN filosofian aditua den Michel Blaudini entzuteko parada izan zuten, besteak beste gai hauek jorratuz:

LEAN printzipioak aztertzea Fabrikazioaren eremu tradizionaletik at.
Zuzendaritzatik abiatuta LEAN enpresa bateranzko aldaketa antolatzeko moduak aztertzea.
LEAN sustapen Bulegoaren kontzeptua aztertzea.
Politikak eta helburuak hedatzeko modua
LEAN zuzendarien portaera zein izan behar den ezagutzea
LEAN Accounting kontzeptua ezagutaraztea

Hitzaldiaren ondoren, bertaratu zirenek euren enpresetan LEAN estrategia hedatu edo ezartzeko zuzendaritzak dauka paperaren inguruko kontzeptu gako batzuk barneratu ahal izan zituzten.

Unibertsitate Masterrak Arrasaten

Oihane Cuesta — 2012-03-15T11:50:00Z

Goizeko 10:30etan Mondragon Unibertsitateko Iturripeko Campusean Ate Irekien jardunaldia egingo da. 2012-2013 ikasturtean Campuseko azpiegitura eta laborategietan emango diren Unibertsitate Masterren inguruko informazioa emango da. Gutxi gorabehera bi orduko iraupena izango du.

Etortzeko asmoa baduzu telefono honetara deitu: 943 739 629

Diseinura zuzendutako Dreamworks

Oihane Cuesta — 2012-03-09T10:50:00Z

Joan den ostegunean, Mondragon Unibertsitateko Goi Eskola Politeknikoko Produktuen Diseinu Estrategikoko eta Elkartutako Zerbitzuetako Masterraren lehenengo mailako ikasleek Produktu-Zerbitzu Sistemen 5 proposamen aurkeztu zituzten, Mondragon Taldearentzat garatuak, BAC Mondragonek antolatutako Dreamworksean. Aurkezpena Otalora jauregian egin zen, korporazioko enpresetako berrikuntza arduradunen aurrean (Ulma, Danobat, Fagor Group, Alecop, Orbea, Coinma, LKS, IF, etab.). Masterreko irakasleek diseinura zuzendutako Design Thinkingari buruzko sarrera labur bat egin ondoren, ikasleen proposamenak aurkeztu ziren.