AB BA euskaldun izateko, modu berriak?

Patxi Gaztelumendi-(e)k eginda at 2010/10/25 14:04 |

Julen Arexolaleibak, hitzaldi mamitsua eman zigun, abisatuz lehen kapitulua baino ez zela, eta soziolingustikaren muinean sartu ginen, apurka apurka. Ariketa pratikoak ere eman dizkigu, eta hizkuntzara hurbildu, sentitu eta jarraitzeko bidexidorrak eskaini.

  • Motibazioaz asko mintzatzen gara, baina zein neurritan dauka eragina testuinguruak?
  • Sortu garen, bizi garen, edo lan egiten dugun kaleak, herriak, eskolak....?
  • Zuri zer iruditzen zaizu euskaldunberria izena bera?

 

Iruzkinak (3)

Eneko B. 2010/10/26 23:27
1.-Zure testuinguruak harreman zuzena dauka motibazioan, ez ala? Demagun zuk dantza egin nahi duzula, eta zure irakasleek-lagunek-lankideek diote hori denbora galtzea dela. Ez duzu inor ikusten dantza egiten eta komunikabideetan ez du lekurik eta lekua duenean dantzak eragiten dituen lesioak aipatzeko da. Uste duzu horrek ez duela eraginik motibazioan?

2.-Eragina berebizikoa dauka. Kuadrilak, ikasgelak... Bakoitzak gogoeta eginda, ziur azalpen asko aurkituko dituela bertan. Dena den, nere anaia eta biok kale berean, auzo berean, eskola berera joanda hizkuntza ohitura ezberdinak ditugu (urte batzuetako aldea dugu). Horrenbestez beste hainbat faktorek ere eragina dute (adibidez klusterrak aurten identifikatu ditu gazteen erabilerarako faktoreak).

3.-Julenek ondo iruzkindu zuela.
Enrike Letona 2010/11/03 19:04
AB BA euskalduna izateak zer esan nahi du? arlo guztietara eraman behar dugula gure hizkuntza? motibazio indartsua ere beharrezkoa da egoera askori aurre egiteko eta aurre egiteaz gain norberaren buruarekin harro sentitzeko. Izan ere, nahiko da gure inguru trinkoan euskara erabiltzea hor eroso sentitzen garelako edo esparru berrietan ausartak izan behar dugu? Gure hizkuntzatik at daudenak edo honekin oso eroso sentitzen ez direnak urduri jarri behar ditugula iruditzen zait. Gu gai honekin etengabe ari baldin bagara, beste batzuk ere has daitezela. Hori bai, kontraesanak besteengan izatea lortu behar dugu eta ez guregan.
Amaia 2010/11/03 19:09
Askotan pentsatu izan dut gure familian jaio izan ez banintz eta nire haurtzaroa Azkoitian igaro izan ez banu, euskararekin sentitzen dudan lotura beste bat izango litzatekeela. Nire bizipen goxoenak euskaraz bizi izan ditut. Deban, ordea, etxeko zein kaleko bizipenak euskaraz zein gaztelaniaz (askotan gaztelaniaz gehiago) bizi izan dituzte askok; eta erabileran nabari da.

Ados nago Julenekin.