Baliabideak

Oihartzuna

Euskal Kulturaren Transmisioa ikastaroak badu oihartzunik hedabideetan. Era berean, Sorguneak ikertegiaren dinamikaren berri ere ekarriko dugu atal honetara. Orri honetan, beraz, oihartzun horien arrastoak aurkituko dituzue, lotura bidez.

Berrian argitaratutakoak (2012-2013)

Hemen daude ikusgai Nagore Amondarainek eta Jon Artanok astero Berria egunkarirako idazten dituzten kronikak (Arbelari begira).

Euskal Kulturgintzaren Transmisioa 4. edizioa (2012-2013)

Euskaltzaleon Elkarteen Topagunea

1.- Topaguneak 2010eko urtarrilean “XXI. Mendeko euskara elkarteak” jardunaldietan ekin zion Euskara Elkarteen Mugimenduaren hausnarketa prozesuari. Hausnarketaren helburua Euskara Elkarteen Mugimenduaren (EEM) datozen urteotako oinarri, pentsamendu, jarduera eta antolakuntzaren gaineko irizpideak finkatu eta mugimendua garai berrietarako antolatzea da. Topaguneak eta HUHEZIk, biek ala biek euskararen gizarte mugimendua biziberritu eta normalizazioaren gaineko gogoeta egiteko zereginarekin bat eginez 2010ean lankidetza hitzarmena sinatu zuten hausnarketa prozesurako oinarrizko txostena garatu ahal izateko eta horretarako osatutako aholkulari mahaia dinamizatzeko. Lankidetza honen emaitza izan da EEMaren Kongresuak 2011ko otsailaren 26an onartutako “XXI. Mendeko euskaldunon elkarteak. Oinarriparrak” txostena. Euskara Elkarteen Mugimenduaren Oinarriparrak onartuta, bertan jasotzen diren erronka berriak aurrera eramatea dagokio Topaguneari eta zeregin horretarako HUHEZIren aholkularitza lana du. Honako zeregin nagusiak ardatz hartuta: 1) EEMren elikadura antolatzea 2) Topagunearen Aditu Taldea dinamizatzea. 3) Topagunearen lidergoa indartzeko diskurtsoa garatzea.

Euskaldunon elkarteak. Oinarriparrak (2011ko otsaila)

Elikadura artikulatzeko plana (2012ko apirila)

Topagunea gaur (2012ko apirila)

2.-Topaguneko lan-taldea eta zuzendaritza-kideak jazteko ikastaroa.

“Garenaren eta egiten dugunaren gaineko kontzientzia” izenburua jarri genion hiru eguneko ikastaroari. Bertan hartu zuten parte federazioko lan-taldeko kideek eta zuzendaritza-taldekoek ere. 2011ko urriaren 18tik 20ra gizarte mugimendu honen helburu soziolinguistikoez, federazioaren izaeraz eta garrantziaz, aitzindaritzaz eta hartu-emanak lantzeko moduez aritu ginen.

Irrien lagunak Oarsoaldean

Oarsoaldeko udalen mankomunitatearekin (Oarsoaldea B.A.) eta Irrien Lagunak Kluba S.L.-rekin elkarlanean:

Oarsoaldeko haurrentzako aisialdi hezitzailea sortu eta antolatuko duen Irrien Lagunak egitasmoa plano nazionaletik eskualdeko lau herrietara (Lezo, Oiartzun, Errenteria eta Pasaia)ekartzeko lehen saiakera egin nahi izan da. Ekimen honek laborategi izaera du bete-betean, ekimen pilotua da. Sorguneak ikertegia honako zeregin hauetaz arduratu da: 1) Egitasmoa euskal kulturaren biziberritzearen parametroetara ekartzeaz, diskurtsoa eratuz eta nolakotasunaren bidea marraztuz.2) Prozesuaren dinamizatzaile, diseinatzaile eta laguntzaile izateko ardura izan du.

Soziolinguistika klusterrarekin lankidetzan:

V. Soziolinguistika Jardunaldiaren antolaketa (2012-2-4): Kulturgintza euskararen garabidean

Urtero antolatzen den jardunaldi honek euskal kultura hartu nahi zuen hizpide bere V. edizioan . Huhezik parte hartzen du Soziolinguistika Klusterreko zuzendaritzan eta bertan adostu zen V. edizioko gaia. Honela, jardunaldiaren arlo akademikoaz Sorguneak ikertegia arduratu da: helburu eta norabideak definitu ditu, hizlariak lotu ditu eta jardunaldian bertan hainbat lan egin zituen ikertegiak.

Eralan ikerketa-proiektua.

Parte hartzen duten erakundeak: Soziolinguistika Klusterra, Gipuzkoako Foru Aldundia, Bermeoko udala, Eibarko udala, Zumaiako udala, Lasarte-Oriako udala, Portugaleteko udala, Netele, Ahize-Aek, Bertsozale Elkartea, Kontseilua, Bai Euskarari Ziurtagiria elkartea, Kutxabank, Topagunea, Eusko Ikaskuntza, Emun kooperatiba, Elhuyar aholkularitza, Artez aholkularitza, Eusko Legebiltzarra.

Eralan ikerketa-proiektua da, izaera ezberdineko erakundeen arteko lankidetzaren bitartez gauzatzen dena. Lan-arloan ematen den hizkuntzen erabilera da proiektuaren aztergai nagusia, eta gai horren inguruan Soziolinguistika Klusterraren baitan ikerketa aplikatua eta haren gaineko hausnarketa elkarrekin egiten duten erakunde ezberdinen emaitza da. Hizkuntza lidergoa ikertzeko proiektua garatu da lan-munduko hainbat organizaziotan. Hiru azpi-helburu ditu: 1)Administrazioko euskara planak berritzeko hizkuntz lidergoaren lanketan sakontzea; 2) Jendaurreko ekitaldi eta prentsaurrekoetan hizkuntza-lidergoa aldagaiaren lanketa egitea, komunikazioaren arloko eta soziolinguistika arloko ezagutzak baliatuz eta elkarrizketan jarriz. 3) Euskararen erabilerarekin lotzen diren portaera-aktiboak ikertzea erakundeen kulturen argitan. Sorguneak ikertegiak zuzentzen du

Eralan proiektuaren lan-topaketa (1)

Eralan proiektuaren baitan lau hitzaldi bildu zituen jardunaldia prestatu genuen Soziolinguistika Klusterrarekin lankidetzan. 2011ko abenduaren 1 eta 2an gauzatu zen Huhezin. Bertan parte hartu zuten Maite Artola Euskadi irratiko kazetariak, Mari Luz Esteban EHUko irakasle-antropologo feministak, Juan Jose Ibarretxe EAEko lehendakari ohiak eta Julen Arexolaleiba Sorguneak ikertegiko kideak.

Eralan proiektuaren lan-topaketa (2)

2012ko uztailaren 2an Durangon Eralan proiektuaren topaketa bat burutu zen. Proiektuan dabiltzan lantalde desberdinen informazio-trukerako eta formaziorako aukera eman zuten bertan aurrera eramandako lan-saioek. Bertan izan zirenen artean aipa litezke Eduardo Apodaka EHUko irakasleak agintea eta botereari buruz emandako hitzaldia eta Eva Isasi psikologoak coachingaren inguruan egindako lanketa. Sorguneak ikertegia Soziolinguistika Klusterrarekin batera aritu zen antolaketa lanetan.

Sorguneak ikertegiko kideon beste lan batzuk