Bibliotekako zerbitzuak

Dokumentuen mailegua

  • Nori dago zuzendua mailegu-zerbitzua?

Unibertsitateko kide guztiei eta Bibliotekako erabiltzaile izendatu dituztenei.

  • Zenbat dokumentu eta zenbat egunetarako?

 

erabiltzaile mota

dokumentu-kopurua

mailegu-epea

Gradu ikasleak 6 15 egun natural
Graduondokoak, masterrak eta doktoretza ikasleak 15 60 egun natural
Ikasle ohiak 3 10 egun natural
MUko langileak (PAS-PDI) 45 365 egun natural
MUtik kanpoko irakasleak 45 365 egun natural

 

*Erabiltzaileek dituzten behar zehatzak ikusita epeak aldatu egin daitezke.
  • Zer dokumentu ez dira mailegatzen?

Erreferentzia-obrak (hiztegiak, entziklopediak), aldizkariak eta Bibliotekako langileek erabakitzen duten dokumentuak ezin dira mailegatu.

 

  • Nola jakin dezaket mailegatuta edo erreserbatuta zer dokumentu ditudan?

Maileguan zer duzun jakiteko jo Bibliotekako katalogora “Irakurlearen kontua” izeneko atalean.

1. Katalogoan “Irakurlearen kontua” edo “erabiltzailearen informazioa”  atalera sartu eta “Erabiltzailearen informazioa” berriro  aukeratu

2. Zure erabiltzailearen izena (NAN-a letrarik gabe) eta zure pasahitza (NAN-a letrarik gabe edo zuk aukeratu duzun pasahitza berria) sartu.

3. “Maileguak” izeneko atalean zure mailegua guztiak ikusiko dituzu.

4. “Erreserbak” izeneko atalean erreserbatu dituzun dokumentuak izango dituzu.

5. “Eskakizunak” izeneko atalean egin dituzun edozein eskaera edo irakizunak berreskuratuko dituzu.

Bibliotekako langileekin harremanetan jarrita ere jaso dezakezu informazio hori.

 

  • Maileguak berritu edo itzuli

Materialak, esandako egunean edo lehenago, Bibliotekako harreran itzuli behar dira. Mailegua berriztu nahi baduzu, eta soilik beste inork eskatu ez badu, Bibliotekaren katalogoan dagoen “Erabiltzailearen informazioa” gunetik egin dezakezu:

1. Katalogoan “Erabiltzailearen informazioa” atalera sartu eta “Erabiltzailearen informazioa” berriro  aukeratu

2. Zure erabiltzailearen izena (NAN-a letrarik gabe) eta zure pasahitza (NAN-a letrarik gabe edo zuk aukeratu duzun pasahitza berria) sartu.

3. “Maileguak” izeneko atalean zure mailegua guztiak ikusiko dituzu eta berriztu nahi dituzunak aukeratu behar dituzu.

4 3. “Berriztu” izeneko botoi urdinearen gainean klikatu (eskuinean kokatuta).

Ez ahaztu maileguak bueltatzeko data berria txertatu behar duzula.

Beste era batean nahiago baduzu, Bibliotekara j:, sarreran dagoen informazio puntuan bertan eskatu maileguen berriztapena; bestela erabili posta elektronikoa edo telefonoa, eta ez ahaztu zure izen-abizenak ematen. Mailegu-epea bakarrik berriztuko da beste erabiltzaileen eskaerak ez daudenean.

 

  • Nire fakultatea ez den beste bati dokumentu bat eskatzea

Mondragon Unibertsitateko dokumentuak  unibertsitateko kide guztiek eska ditzakete, fakultatea edozein dela ere. Zure fakultatean ez dagoen dokumenturen bat behar baduzu, jarri harremanetan zure bibliotekarekin, dokumentuaren eskaera kudea dezan. Dokumentua zure fakultatera iristen denean, mezua jasoko duzu dokumentua hartzera pasa zaitezen.

Edonola ere, edozein fakultateko Bibliotekara hurbildu eta mailegua eska dezakezu, Mondragon Unibertsitateko Bibliotekako erabiltzaile gisa identifikatuta.

 

  • Nola lortu Mondragon Unibertsitateko bibliotekan ez dauden dokumentuak?

Behar duzun dokumentua Bibliotekan ez badago,  BIblioteken arteko Mailegu-Zerbitzua erabili dezakezu.

 

  • Zer gertatuko zait dokumentu bat garaiz berritzen edo itzultzen ez badut?

Materialak behar ditugunean eskura izan ditzagun, mailegu epeak errespetatu behar dira.  Asmo horrekin eta gehiegikeriak saihesteko, mailegu-epeak behin eta berriz betetzen ez dituztenentzako zigorrak ezartzen dira.

Zigorra atzerapenagatik: berandu itzulitako egun bakoitzeko 2 egun mailegatzeko eskubiderik gabe.