Albisteak

Klaseak normaltasunez emango dira gaur Mondragon Unibertsitatean

Susana Azpilikueta — 2012-02-08T23:00:00Z

Errepideen egoera aztertu eta gero, Mondragon Unibertsitateak, bere fakultate guztietan, klaseak normaltasunez emango ditu.

Egunean zehar beste erabakirik hartu behar bada, webgune honetan emango da bere berri.

Basque Culinary Center Berlinalera

Ainara Aranbarri — 2012-02-06T23:00:00Z

Jardunaldia, astelehenean, otsailak 13 izango da, Berlinen dagoen Espainiako Enbaxadan. (Berri guztia ikusi)

Gaur arratsaldeko klaseak bertan behera geratzen dira

Susana Azpilikueta — 2012-02-01T23:00:00Z

Elurra dela eta, ez da gaur arratsaldean, otsailak 2, klaserik egongo Mondragon Unibertsitateko Arrasate, Eskoriatza eta Oñatiko campusetan.

Unibertsitateko garraio zerbitzuak, eguerdian jasoko ditu goizeko txandan etorri diren ikasleak eta ondoren eten egingo da zerbitzua.

Eguraldiak hartzen duen itxuraren arabera, bihar egingo denaren berri, otsailak 3, webgune honetan jarriko da goizeko 6:30etan.

Klaseak normaltasunez emango dira Mondragon Unibertsitatean

Susana Azpilikueta — 2012-02-01T23:00:00Z

Errepideen egoera aztertu eta gero, Mondragon Unibertsitateak, bere fakultate guztietan, klaseak normaltasunez emango ditu.

Egunean zehar beste erabakirik hartu behar bada, webgune honetan emango da bere berri.

Bihar, ostirala, Oñati, Eskoriatza eta Arrasaten klaseak bertan behera geratzen dira

Susana Azpilikueta — 2012-02-01T23:00:00Z

Bihar, otsailak 3, ostirala, Oñati, Eskoriatza eta Arrasateko campusetan ez da klaserik egongo egun guztian elurraren ondorioz.

Egun horretarako aurreikusita zeuden azterketak ere, atzeratu egingo dira.

Unibertsitateko garraio zerbitzurik ez da egongo.

Bidasoako campuseko egoera, bihar goizean aztertuko da eta goizeko 06:30etarako, Enpresagintzako webgunean adieraziko da erabakia.

Elur aurreikuspenak

Susana Azpilikueta — 2012-01-31T23:00:00Z

Gaur gauetik aurrera aurreikusten den egoera metodologikoa dela eta, bihar, otsailak 2, goizeko 6:30etan, webguneko atal honetan berri bat argitaratuko dugu, non adieraziko den Mondragon Unibertsitatean eskolak egongo diren edo ez.

Basque Culinary Center Madrilgo Turismo Ekitaldian

Ainara Aranbarri — 2012-01-17T23:00:00Z

Hitzordua " Euskadi Esperientzia Bizi Ezazu" ekitaldian izango da.

Berri guztia ikusi

MUk eta Mondragon korporazioak euskaraz idatzitako MUko ikasleen gradu amaierako proiekturik onena saritu dute

Susana Azpilikueta — 2011-12-01T23:00:00Z

Atzo, abenduak 1, HUHEZIko fakultatean eman zen, euskaraz aurkeztutako gradu bukaerako lan onenari saria.

Edizio honetako saritua, Mondragon Unibertsitateko HUHEZI fakultateko Psikopedagogiako ikalea den Irantzu del Portillo Lopez izan da "Erresilientzia goiztiarra haurraren garapenean" lanarekin.

Mondragon Unibertsitateak eta Mondragon Korporazioak 2000 euroko saria eman diote gradu amaierako proiektuak euskaraz sariaren 1. edizio honetan.

Sari hau, Mondragon Korporazioko Euskara Batzordearen ekimenez sortu da eta ikasleek unibertsitatetik lan mundura jauzi egiten dutenean ikasketa amaierako proiektuak euskaraz egitea sustatzea du helburu. Mondragon Korporazioak bere Plan Estrategikoan jaso zuen erronka hori eta 2010ean lantalde bat sortu zen Mondragon Korporazioko eta Mondragon Unibertsitateko fakultateetako kideez osatuta sari hori abian jartzeko. Mondragon Unibertsiateko ikasleek, Mondragon Korporazioko erakundeetan egin dituzten proiektuak aztertu eta ebaluatu dituzte hiru fakultateetako bina kidek eta Mondragon Korporazioko ordezkari batek.

Guztira 17 proiektu aurkeztu dira sarira Enpresagintzatik, Goi Eskola Politeknikotik eta HUHEZItik. Aurkeztutako lan guztiak maila tekniko altuko proiektuak dira, 9 notatik gorakoak eta proiektu irabazlea euskaraz ondoen idatziatako lana izan delako nabarmendu da.

Epaimahaia fakultate bakoitzeko bi kidek (Joxe Aranzabal, Arantza Ozaeta, Aitor Lizartza, Rafa Altuna, Xabier Arrasate eta Pedro Urteaga) eta Mondragon Korporazioko ordezkari batek (Mikel Lezamiz) osatu dute. Analisi sakon bat egin ondoren, adostasuna egon da lanak puntuatzerako orduan eta aho batez aukeratu da lan saritua.

Aurtengoa, sari horren 1. edizioa izan bada ere, urtero antolatzeko asmoa dago. Beraz, aurtengoa hasiera besterik ez da izan eta hurrengo edizioetan partaide kopurua hadiagoa izatea espero da.

Euskararen astea 2011-2012

Susana Azpilikueta — 2011-11-28T23:00:00Z

Aurtengoa izango da Mondragon Unibertsitateak ospatuko duen hirugarren euskararen astea.

Hiru fakultateetan hainbat ekintza egingo dira euskararekin lotutakoak.

Aste guztian zehar, ikasleek Garabide elkarteak euskararen berreskuratzeari buruz egin duen dokumentalaren zati bat ikusiko dute eta ondoren fakultate bakoitzean jarriko den hormairudian, dokumentalak iradoki dien mezu, esaldi edo kontzeptuak idatziko dituzte.

Abenduaren 1ean, Ikerketa, euskara eta dibulgazioa: irtenbideak tailerra egingo da. Iaz egindako sormen tailerraren jarraipena izan nahi du, horretarako fakultate guztietako ikerlariak elkartuko dira eta hurrengo urteetan euskarak ikerketan presentzia handiagoa izateko ekintzak zehazten saiatuko dira.

Bestetik, abenduaren 2an ekitaldi ludikoak ere izango dira fakultateetan: Olinpiadak egingo dira Goi Eskola Politeknikoan, Mihiluze josala HUHEZIn eta bertso bazkaria Enpresagintzan.

GAZTEMPRESAk, EKITEN lehiaketako gure babesleetako batek, Red Gaztempresa jarri du abian

Susana Azpilikueta — 2011-10-18T22:00:00Z

Negozio ideia bat badaukazu eta pertsona ekintzailea bazara, GAZTEMPRESAk, Red Gaztempresa tokia jarri du abian.

Bertan, zerbitzuak, finantziazio planak, negozio aukerak, e.a. aurkituko dituzu.

Sareko parte izateko aukera ere badaukazu aurrez erregistratuz gero.

Red Gaztempresa, Euskal Herriko eta Nafarroako ekintzaile eta enpresek informazioa, iritziak eta esperientziak partekatzeko dagoen online formatuko lehen sarea da, aldi berean harremanak sendotzeko ere baliagarri dena.

Erregistroa orain egiten baduzu, 16 GBeko 6 iPad 2 Wi-Firen zozketan sartuko zara.

Bestalde, twitter, facebook eta linkedin-en ere jarrai ditzakezu Red Gaztempresan suertatzen diren berriak.

Online eskaintza bideo berria

Ainara Aranbarri — 2011-09-12T22:00:00Z

Mondragon Unibertsitateak bere Online eskaintza azaldu ahal izateko bideo berri bat sortu du eta hemen duzu ikusgai.

Bideoa ikusi

Ekiten lehiaketa

Ainara Aranbarri — 2011-07-10T22:00:00Z

2010-11 ikasturtean Ekiten lehiaketara 56 proiektu aurkeztu dira. Lehiaketak hiru arlo landu ditu, “Enpresa Ideia Berriei buruzko V. Lehiaketa”, “Landa Ingurunearen Garapenari buruzko Ideia eta Proiektuen III. Lehiaketa” eta “Gaztedi, Aisialdi eta Kirol alorretako Ideien II. Lehiaketa”. Pasa den astean egin da lehiaketaren esleipena eta hemen saritutako proiektuak:

Enpresa Ideia Berriei buruzko V. Lehiaketa:

Lehenengo saria: Comodidad en las compras: compra sin carritos

Bigarren saria: Hiri eta herrietan aparkatzerako orduan arazoak ekiditeko eta erraztasuna eskaintzeko mugikor aplikazioa bat

Hirugarren saria: DISAINNITEK

Landa Ingurunearen Garapenari buruzko Ideia eta Proiektuen III. Lehiaketa

Lehenengo saria:BaserriTIK

Bigarren eta hirugarren sariak banatu gabe gelditu dira.

Gaztedi, Aisialdi eta Kirol alorretako Ideien II. Lehiaketa

Lehenengo saria: BIKEWASHER

Bigarren saria: Actinmap

Hirugarren saria: WHORU– Geo-Social Live Network

Antolakuntzak eskerrak ematen dizkie parte hartzaile guztiei eta zorionak irabazleei.

II Unibertsitate Jardunaldia. IKTak eta hezkuntza

Ainara Aranbarri — 2011-07-07T22:00:00Z

Jardunaldi honen helburu nagusia MUko esperientzien berri izatea, elkarrengandik ikastea eta etorkizunaz hausnartzea da.

Irailaren 6an izango da, Enpresagintza fakultatean, goizeko 8:45tatik 13:30etara.

Egitaraua:

8:45 – 9:00 Jardunaldiaren aurkezpena

9:00 – 9:45 Tendencias y prácticas innovadoras en la enseñanza online de adultos. Olga Herrero García RocaSalvatella aholkularia/consultora

9:45 – 11:00 Web 2.0ko tresnekin esperientziak:

- 6 experiencias y media sobre el uso de las herramientas 2.0. Aitor Bediaga.

- Web 2.0: Sites, ikasleen jarraipena egiteko tresna bat. Eugenio Astigarraga.

- MGEPko ikasleak IKT konpetentziak eskuratzen. Osane Lizarralde.

- BCulinary Udan. Actividad y visibilidad. Jose Luis Galiana.

11:00 – 11:30 Kafea

11:30 – 12:15 Gela birtualetatik ikasketa ingurune pertsonalizatuetara. Maite Goñi Eizmendi

12:15 – 13:00 E-learning edo online irakaskuntzan esperientziak:

- In company esperientziak online. Izaskun Agirre

- EKOMU masterraren antolaketa. Arantza Ozaeta

13:00 – 13:30 Eztabaida

13:30 – 14:30 Mokadutxoa

Programa pdf formatuan dago

2011-2012 Ikasturterako unibertsitate master berrien aurkezpena

Susana Azpilikueta — 2011-07-06T22:00:00Z

Goi Mailako Europear Hezkuntza Esparruaren irizpideari jarraituz, orain hiru urte hasi zen Mondragon Unibertsitatea bere titulazioak gradu bezala eskaintzen. Datorren ikasturtera begira, 12 gradu eskainiko ditu baina hortaz gain, espezializazioa lortzeko masterretan ere aritu da lanean eta datorren ikasturtera begira, 10 unibertsitate master eskainiko dira ingeniaritza, enpresa kudeaketa eta hezkuntza arloan. Horietako 4, aurten ere eskaini dira eta 2011-2012 ikasturterako beste 6 berri gehitzen zaizkie.

Guzti hauen berri emateko, gaur goizean, Donostian, Hotel Londresen, goizeko 11:00etan, Mondragon Unibertsitateak prentsaurrekoa eskaini du, Errektorearen eta fakultateetako dekano eta eskolako zuzendariaren aurkezpenekin.

Prentsa oharra dauka.

Ekainaren 2an, Branding Jardunaldia

Ainara Aranbarri — 2011-05-19T22:00:00Z

Ekainaren 2an, Kursaalen, Donostian, goizeko 09:00etatik 14:30ak bitartean, Mondragon Unibertsitateko Enpresagintza Fakultateak eta AZK taldeak, elkarlanean antolatutako branding jardunaldia izango da.

Oraingo honetan, markaren zaporearen inguruan arituko dira bertaratzen diren hizlariak. Besteak-beste, Fagor Group, Angulas Aginaga eta C.R.D.O. Rioja marketako ordezkariak izango dira. Programa osoa ikus dezakezu.

Gai hau dela eta, Enpresagintza Fakultateko Amaia Aizpuru eta AZK taldeko Edorta Azaola EITBko Arratsaldero programan izan dira hizketan.