Aktualitatea

Berriak

MUniversitas

MUniversitas aldizkaria MONDRAGON UNIBERTSITATEAk argitaratzen du, ikasturte bakoitzean hiru aldiz. 2005an sortu zen, euskal gizarteari erakundearen berri emateko helburuarekin. 28 orrialde ditu eta bertan, unibertsitatearen eta fakultateen gorabeherak, ekimenak, asmoak, arrakastak eta arazoak azaltzen dira. Aldiko 5.600 ale inguru banatzen ditu ikasle, langile, hedabide eta esparru ezberdinetako enpresa, organizazio eta erakundeen artean.

Mendeberriak

Mendeberriak berripaper bat da eta MONDRAGON UNIBERTSITATEko HEZI Institutuak argitaratzen du urtean hiru aldiz, Mendeberri hezkuntza eredu propioaren berri emateko. Bere orrietan irakasleen eta ikasleen hausnarketak jasotzen ditu, betiere, hezkuntza eredua hobetzeko ahaleginetan.

Jakingarriak

Humanitate eta Hezkuntza Zientzien Fakultateak argitaratzen du Jakingarriak aldizkaria, eta bertan hezkuntza gaiak lantzen dira. 1985ean sortu zen Jakingarriak, Nerea Alzolak eta Mariam Bilbatuak atera zutenean, fotokopiaz, aldizkariaren lehen alea. Gaur egun, EAEko ikastetxe guztietan banatzen da, eta Nafarroako nahiz Iparraldeko ikastoletan. 1.200 ale guztira.

haur eta gazte Literatura irakur Gida

Humanitate eta Hezkuntza Zientzien Fakultateko Haur Liburu Mintegiak argitaratzen du Haur eta gazte lteratura irakur gida. Euskaraz argitaratzen diren ia liburu guztiak irakurri ondoren, taldeak baloratu eta sailkatu egin ditu. Beraz, Mintegiak selekzio bat eskaintzen du urtero Haur eta Gazte literaturan kaleratu diren euskarazko liburu onenekin.