Dokumentu Akzioak
Bloga
Maila bat goragoEuskal Kultura sarean: altxor bila!
Joxe Aranzabalek editatu berri du albiste bat EKT webean. Gogoan duzuenez, aurreko asteazkenean, ekainaren 3an, taldetxotan bilduta gehien erabiltzen ditugun euskarazko weben berri eman genion elkarri. Albistean ageri diren horiexek dira gehienok konpartitzen ditugunak.
Euskararen muga sozialak eta baldintza subjektiboak
Oso interesgarria egin zitzaidan Xabier Aierdiren saioa. Eztabaidarako, hausnarketarako, hainbat mugarri ekarri zituelakoan nago. Euskararen muga sozialena izan zen euretako bat, zentralitatea hartu zuena bere hitzaldian, eta horren hausnarrean nabilela, Iñaki Martinez de Lunak aipatutako baldintza subjektiboekin lotu nahi dut. Hainbestetan aipatu ditugun Pirritx eta Porrotx (ardura gehiegitxo leporatzen ari gatzaizkien ustea ere badaukat) muga sozialak gainditu daitezkeen adibide garbia direla esango nuke. Baldintza subjektiboetan oinarrituta zubiak eraikiz, pasabideak zabalduz, muga sozialen eraginez baldintzatuta daudenei, aukerak eskaintzen zaizkie muga gainditu gura dutenean (borondatea), eta baliatu eta eskertu egiten dute gainera.
Aniztasun kultural berria dela eta
Eztabaida zahar bat, garai berri batera egokituta. Azterketa on batek beti behar ditu perspektiba historikoa, analisi kritikoa eta gogoeta lekutu eta gaurkotua. Josu Amezagak orain artean landuriko gaiekin bezala, berriki hasi duen kultura-aniztasunaren inguruko gogoeta intelektualean ere metodologia hori hobetsi du, gure gradu-ondokoan berretsi zigunez.
Beste bi kasu
Hona hemen bi kasu hausnartzeko (irakasleekin lantzen ditugu Kulturarteko Hezkuntzari buruzko ikastaroetan). Ea ba zuek zer pentsatzen duzuen!
Kasu bat: ume euskaldunen kultura Berlinen
Hona hemen kasu bat hausnartzeko (irakasleekin lantzen dugu Kulturarteko Hezkuntzari buruzko ikastaroetan). Ea ba zuek zer pentsatzen duzuen!
Xabier Mendiguren I, polivalientea
Xabier Mendigurenen hitzaldi mamitsuaz hausnarketatxoa bideratzeko, ardatz gisa euskalgintza eta komunikazioa gaia hartzea proposatzen dizuet.
Euskal intelligentsiaren arrasto bila
Edukiz josia bigarren modulua ere. Ane Larrinaga eta Xabier Mendigurenen hitzaldietan aukera izan dugu gure iragan hurbileko kulturgintza ezagutzeko, gure kulturgileak eta eliteak, beren rolak. Gaur egunerako ere ideia mamitsuak entzun ditugu, pista onak gizarte aldaketetan kulturgileek jokatzen duten rola eztabaidatzeko, eta elite politikoaren eta kulturalaren arteko harremanak ulertzeko ere bai.
Apologisten etxea, gurea
Julenen saioa otsailaren 25ean izan zen. Berriro ere, Jon Eskisabelek asteroko kronikan eginiko iruzkinari helduko diogu gogoeta abiatzeko:
Orhipean-eko Xamarreneatik, Euskara Jendeari begira, Orekan
Juan Carlos Etxegoien (Xamar) otsailaren 25ean izan genuen gure artean. Eman zigun saioari buruzko gogoeta egiteko, Miriam Lukik idatzitako ondoko pasarteak eskain diezazkiguke zenbait heldutoki:
Jon Sarasuaren 8 hitz gakoen logika
Jon Sarasuak otsailaren 18an eskaini zigun saioaren harira, hilaren 24an Jon Eskisabelek idatzi zigun kronika Berria egunkarian. Eskisabelek eginiko zenbait komentarioren harira eman ahal diogu hasiera iritzi-trukeari:
Euskara eta aukera politikoak
Inork zalantzarik baldin bazuen euskarak zenbateraino baldintza ditzakeen euskal herritarren aukera politikoak, orain uxatuko zaizkio. CIS Ikerketa Soziologikoen Zentroak EAEan egindako inkesta baten emaitzak kaleratu ditu, eta hor garbi ikusten da aldagai bien arteko lotura. Mezu honen bidez gonbidatu nahi zaituztet irakur dezazuen Sustatu albistariak horren gainean argitaratu duen mezua --hortxe baitaude datuok--, eta zuen iritzia ager dezazuen blog honetan. Bat datoz datu horiek zuen pertzeptzioekin?
Lasarten Ttakunetik dator notizia
Makinatxo bat lasartear izan ditugu 1. moduluan gure artean: Iñaki Arruti, Jone Miren Hernandez, Jose Mari Agirretxe (Porrotx). Antolatzaileon artean ere bada lasartearrik (Iñaki Urruzola) eta ikasleen artean ere bai (Mailu Arruti). Kasualitatea ote?
Kindle 2 eta euskarazko liburugintza
Aprobetxatuta ikasle bat dugula, Imanol Agirre, liburugintzan lanean, eta jakinda oso hurbiletik jarraitu duela Kindle 2 irakurgailu digitalaren aurkezpena, galdetu nahi nioke berak zelan ikusten duen liburu elektronikoaren sorrera, horrek zelan eragin lezakeen gure inguruko liburudendetan, eta euskal argitaletxeek zer aukera duten egoera berriaren aurrean
Mikel Irizar, HP21 eta tribua
Mikelek egin zuen euskalgintzaren egungo egoeraren hausnarketa eta etorkizunerako proposamena oso berritzaileak iruditu zitzaizkidan. Berak aipaturiko ideia batzuk HP21 txostenaren gaineko eztabaidarekin lotu nahi ditut. Euskaldunon ajeak aipatu zituen eta haien artean “Politikan fede larregi”. XX1. mende hasierarako Hizkuntza Politikaren Oinarriak ere politika dira. Kontuz, beraz. Ez dezagun gure hizkuntzaren etorkizuna politikaren esku utzi. Jaungoikoari erreguz, lanari mailuz.
Euskalkiak: minorizazioaren altxorrak?
Benetan mamitsua iruditu zait Koldo Zuazoren hitzaldia. Berak ganbara oso betea dauka, baina asmatu du, nire ustez, neurriko dosiak eskaintzen darabilen gaiaren argigarri.
Gure puebloko nezesidadeak
Banuen gogoa Kike Amonarrizi entzuteko, orain pare bat hilabete irakurri bainion nonbaiten euskañolaren alde egiten, edo euskañolaren zenbait alorren alde. Ikusmina nuen, nik beste ikuspegi bat izan baitut gai horretan. Gainera, ikusita gure alabaren hizkuntza bilakaera, jakin nahi nuen Kikek zelan azaltzen zuen gazteen hizkuntza bilakaera.
Ikasleak errespetua merezi du
Hiru saio egin ditugu Euskal Kulturgintzaren Transmisioa ikastaroaren bigarren aldi honetan, eta hiruretan ikasleari ez diogu aukerarik eman mintegietan parte hartzeko, nahiz eta gure egitasmoan garbi adierazten dugun mintegiak astero egingo direla.