Antecedentes: El Consejo Europeo de Lisboa de 23 y 24 de marzo de 2000 concluyó que un marco de referencia europeo debía definir las nuevas cualificaciones básicas que debe proporcionar el aprendizaje permanente como medida esencial de la respuesta de Europa ante la globalización y el desplazamiento hacia las economías basadas en el conocimiento. Así, los Consejos Europeos de Estocolmo (23 y 24 de marzo de 2001), y de Barcelona (15 y 16 de marzo de 2002), adoptaron los futuros objetivos específicos de los sistemas de educación y formación europeos, y un programa de trabajo (el programa de trabajo "Educación y Formación 2010") que se deben cumplir de aquí a 2010. Entre los objetivos se incluyen el desarrollo de capacidades para la sociedad del conocimiento y otros más específicos encaminados a promover el aprendizaje de idiomas, desarrollar el espíritu de empresa y potenciar la dimensión europea en la educación en general. En este contexto, la capacidad de las organizaciones de determinar las competencias, de movilizarlas y reconocerlas y de favorecer su desarrollo en todos los asalariados constituye la base de las nuevas estrategias en materia de competitividad.

Etengabeko ikaskuntzarako funtsezko gaitasunak

Europar herritarrok gaitasun sorta zabala eskuratu beharko dugu baldin eta etengabeko eraldaketan dagoen gizartearen beharretara malgutasunez egokituko bagara. Alta, aurrera baino lehen, komeniko litzateke gaitasun edo konpetentziatzat zer ulertzen den zedarritzea. Terminologiari dagokionez, konpetentzia edota konpetentzia giltza terminoen erabilpena hobesten da, funtsezko edo oinarrizko konpetentzia terminoa (biziraupenari lotua) mugatuegi dela iritzita. Hartara, gizabanako guztiak gizarteko kide aktibo gisa bizitza osotasunez bizitzeko aukera ematen duten ezagutzen, trebetasunen eta jarreren uztarketa bezala definitzen dira konpetentziak; transferigarriak (testuinguru eta egoera desberdinetan aplikagarriak) eta funtzioanitzak (helburu anitzak lortzeko, arazo desberdinak ebazteko eta jarduera desberdinak burutzeko baliagarriak) direnak bestalde. Horrela, konpetentzia giltzak erabakigarritzat jotzen dira bizitzako hiru aspektuotarako:

a) Bizitza osoan zehar norberaren errealizaziorako eta garapenerako (kultur kapitala edo ondasuna). Konpetentzia giltzek norberaren interesen, xedeen eta bizitza osoan ikasten jarraitzeko desioaren araberako helburu indibidualen bilaketan aurrera egitea ahalbidetu behar diote norbanakoari.

b) Herritartasun aktiborako eta gizarteratzeko (kapital soziala). Konpetentzia giltzek gizartean hiritar aktibo lez jardutea eta parte hartzea ahalbidetu behar diote pertsona orori.

c) Enplegurako (giza kapitala). Norbanakoak, eta pertsonek oro har, lan merkatuan lan duin bat lortzeko duten gaitasuna.

Ildo horretan, ondoko zortzi konpetentzia arlo edo domeinu hauek ezartzen ditu Europar Konbergentziak: komunikazioa ama hizkuntzan; komunikazioa atzerriko hizkuntzetan; gaitasun matematikoa eta oinarrizko gaitasunak zientzian eta teknologian; gaitasun digitala; ikasten ikastea; gaitasun sozialak edo hiritarrak; ekintzailetza eta enpresa espiritua izatea eta kultura kontzientzia eta adierazpena.

Aintzat hartu behar da konpetentzia hauek garrantzi maila bera dutela, ezagutzaren gizartearen baitan arrakasta izateko lagungarriak gerta daitezkeen heinean. Hein berean, eta bereizita aipatzen badira ere, konpetentzia horietarik asko osagarritzat jotzen dira; esanahi baita, esparru batean ezinbestekoak diren alderdi batzuek beste alor batean gaitasuna izaten laguntzen dute. Hizkuntza, irakurmena eta idazmena, kalkulua eta IKTak hartzen dira oinarrizkotzat, horietan gaitasuna izatea delarik ikaskuntzarako funtsezko oinarri. Gainerako ikaskuntza jarduerek ikasten ikasteko gaitasuna dute ardatz. Alabaina, badira ikaskuntza esparru osoari aplikagarri zaizkion zenbait gai, funtsezko zortzi konpetentziotan zuzenki esku-hartzen dutenak; hala nola, pentsamolde kritikoa, sorkuntza, ekintzaile izateko ahalmena, arazoak ebaztea, arriskua neurtzea, erabakiak hartzea eta sentimenduak modu eraikitzailean kudeatzea.
 

_{* Iturria: Europako Parlamentuak onartutako testuak 2006ko irailaren 26an, asteartea-Estrasburgo. Etengabeko ikaskuntzarako funtsezko gaitasunak.}